ZECHARIAH 10:8 - Edisana ñwed Abasi Ibom

⁸ Nyesi ŋkot mmɔ, nnyuŋ ntaŋ mmɔ mbon; koro mmafak mmɔ: ndien mmɔ eyewak nte ekewakde.

ZECHARIAH 10:8 ပူးပေါင်းရင်းမြစ်များ

ISAIAH 5:26

Ndien enye ke emenere ŋkpɔ idiɔŋɔ ɔnɔ mme idut ke anyan ebiet, onyuŋ esi okot mmɔ ke utit ererimbot, ndien, sese, mmɔ ke ewara edi itɔk-itɔk:

ISAIAH 7:18

Ndien ama ekem ke usen oro, Jehovah eyesi okot nduyip emi edude ke utit mme akpa mmɔŋ Egypt, okot ɔkwɔk emi edude ke isɔŋ Assyria.

JEREMIAH 33:22

Kpa nte emi mikemeke ndibat me udim enyɔŋ, minyuŋ ikemeke ndidomo ntan inyaŋ; kpa ntre ke ndinam ubon David, owo mi, ye mme Levite emi esaŋade utom enɔ mi, ewak.

HOSEA 1:10

Edi ibat nditɔ Israel eyetie nte ntan-inyaŋ emi owo mikemeke ndidomo, minyuŋ ikemeke ndibat: ndien ama ekem ke ebiet emi ekedɔhɔde mmɔ, ete, Lo-ammi (mbufo idige ikɔt mi) ke eyɔdɔhɔ mmɔ, ete, Nditɔ Abasi uwem.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.

MATTHEW 11:28

Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.

ZECHARIAH 9:11

Ndien ama edi afo ŋko, iyip ediomi fo eyesin nsio mbon ŋkpɔkɔbi fo mfep ke obube eke mmɔŋ miduhe.

ISAIAH 51:11

Ndien mmɔ eke Jehovah afakde eyefiak edi ke Zion ye mkpo; nsinsi idaresit eyedu mmɔ ke ibuot: mbre ye idaresit eyesim mmɔ; mfuhɔ ye eseme eyefeŋe.

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

1 NDIDEM 4:20

Judah ye Israel ekewak, nte ntan emi odude ke mben inyaŋ ke uwak, ke edia ŋkpɔ, enyuŋ eŋwɔŋ, enyuŋ edaresit.

EXODUS 1:7

Ndien nditɔ Israel etɔt, enyuŋ esiaha, enyuŋ ewak, enyuŋ esɔŋ eti-eti; ndien mmɔ eyɔhɔ ke isɔŋ oro.

ERIYARARE 7:9

Ke ŋkpɔ emi ema ekebe, ŋkut, ndien sese, akwa otu owo, eke baba owo kiet mikemeke ndibat, eke etode ke kpukpru obio ye esien ye idut ye usem eda ke iso ebekpo ye ke iso Eyen-erɔŋ, esine mfia ɔfɔŋidem, enyuŋ ekama ndak eyop ke ubɔk;

ISAIAH 7:19

Ndien kpukpru mmɔ eyedi edibono ke ikpikpu ebedeŋ, ye ke nsiaha ikpɔ itiat, ye ke kpukpru ɔkɔ ŋkukim, ye ke kpukpru ebiet-ubɔk-ufene.

ISAIAH 48:20

Mbufo eto ke Babylon ewɔŋɔ, ebɔhɔ ke otu mme Chaldean, esio mkpo idara, etiŋ emi, ebuk enye, ekwɔrɔ enye tutu osim ke utit ererimbot; mbufo edɔhɔ, ete, Jehovah amafak owo esie Jacob.

MICAH 2:12

O Jacob, nditreke nditaŋ mbufo kpukpru mbon: nyenam Israel emi esukde esop idem: nyenim mmɔ ɔtɔ kiet nte ŋkpri ufene Bozrah, kpa nte otu ufene ke otu mbiet mmɔ, mmɔ eyenam uyom ebaŋa owo.