ZECHARIAH 1:6 - Edisana ñwed Abasi Ibom

⁶ Edi ama edi uyo mi ye mme ewuhɔ mi emi ŋkowukde ikɔt mi mme prophet, nte mmɔ ikesimke mme ete mbufo? Ndien mmɔ ekabare, enyuŋ edɔhɔ ete, Kpa nte Jehovah mme udim akaduakde ndinam nnyin, kpa nte ekemde ye usuŋ nnyin ye ido nnyin, kpa ntre ke enye akanam nnyin.

ZECHARIAH 1:6 ပူးပေါင်းရင်းမြစ်များ

2 NDIDEM 15:12

Emi edi uyo Jehovah oro enye ɔkɔdɔhɔde Jehu, ete, Ubon fo eke emana inaŋ eyetie ke ebekpo Israel. Ntre ke onyuŋ osu.

ŊWED JOB 6:29

Mbufo efiak edem, mbɔk, ekuyak se minenke odu; efiak edem, mbɔk, mmenen ke esit.

ISAIAH 21:17

Ndien ibat mme utiga emi esuhɔde, kpa eke mbon uko ke otu nditɔ Kedar, eyekabare edi esisit: koro uyo Jehovah Abasi Israel ɔdɔhɔde.

ISAIAH 44:26

edi enye ɔsɔŋɔ owuk ikɔ owo esie, onyuŋ anam item mme isuŋutom esie ɔwɔrɔ; emi ɔdɔhɔde Jerusalem, ete, Eyeduŋ enye ke esit; ɔdɔhɔ mme obio Judah, ete, Eyebɔp mmɔ, ami nyenyuŋ ndiɔŋ ŋwure esie:

ISAIAH 55:1

Oh, mbufo kpukpru emi itɔŋ asatde, edi ke mmɔŋ! ye owo eke minyeneke okuk! mbufo edi edep enyuŋ edia! enyuŋ edi edep wine ye mmɔŋ-eba, idige ke okuk, inyuŋ idige ke ekɔm-urua.

ISAIAH 55:11

kpa ntre ke ikɔ mi emi ɔwɔrɔde mi ke inua editie: idifiakke itiene mi ubɔk-ubɔk, tutu enye anam se mmade, onyuŋ okut unen ke utom emi ndɔŋde enye.

JEREMIAH 23:20

Iyaresit Jehovah idikabakede, tutu enye anam, onyuŋ ama uduak esit esie: mbufo eyetim efiɔk enye ke utit mme usen oro.

JEREMIAH 26:15

Edi mbufo etim efiɔk, ete ke edieke mbufo ewotde mi, ke mbufo eda iyip owo eke miduehe edori ke idem mbufo, ye ke obio emi, ye ke mme andiduŋ enye: koro ke akpanikɔ ke edi Jehovah ɔdɔŋ mi utom ke ɔtɔ mbufo, ete ntiŋ kpukpru ikɔ emi ke utɔŋ mbufo.

JEREMIAH 28:17

Ndien Hananiah prophet akpa ke isua oro ke ɔyɔhɔ ɔfiɔŋ itiaba.

JEREMIAH 32:24

Sese, mme ibombom emesim obio, man mmɔ eda enye: ndien emen obio esin ke ubɔk mme Chaldean, emi eŋwanade ekɔŋ ye enye ke ofut ye ke biɔŋ ye ke udɔŋɔ: ndien se afo ɔkɔdɔhɔde omosu: ndien, sese, afo omokut.

JEREMIAH 36:28

Tɔŋɔ ntak da ŋwed efen ke idem fo, nyuŋ men kpukpru akpa ikɔ oro ekedude ke akpa ŋwed oro Jehoiakim edidem Judah ɔkɔfɔpde, wet ke esit.

JEREMIAH 39:16

Ka kɔdɔhɔ Ebed-melech eyen Ethiopia, ete, Ntem ke Jehovah mme udim Abasi Israel ɔdɔhɔ, ete, Sese, ami mmɔŋ nda uyo mi ntiene obio emi ke idiɔk, idige ke eti; enye eyesu ke iso fo ke usen oro.

JEREMIAH 4:4

O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

JEREMIAH 44:2

Ntem ke Jehovah mme udim Abasi Israel ɔdɔhɔ, ete, Mbufo emekut ofuri idiɔk-ŋkpɔ oro ŋkadade ntiene Jerusalem, ye kpukpru mme obio Judah; ndien, sese, mmɔ ebiara mfin, baba owo kiet eke oduŋde mmɔ ke esit inyuŋ iduhe,

JEREMIAH 44:28

Ndien esisit eke ebɔhɔde ofut eyeto ke isɔŋ Egypt efiak ke isɔŋ Judah, ndien ofuri Judah eke esuhɔde, eke edide ke isɔŋ Egypt ndiduŋ do eyefiɔk ikɔ eke edidade, mme okim, mme eke mmɔ.

JEREMIAH 44:29

Jehovah ɔdɔhɔ ete, Emi eyenyuŋ edi idiɔŋɔ mbufo, ete ke ami nyeda ufen ntiene mbufo ke ebiet emi, man mbufo efiɔk ete ke uyo mi iditreke ndiwɔrɔ idiɔk ye mbufo:

JEREMIAH 44:6

Ndien ami ŋkaŋwaŋa ifuresit mi ye iyaresit mi, ndien enye asak ke mme-obio Judah, ye ke mme efak Jerusalem; ndien mmɔ ekabare edi ndon ye ndobo, kpa nte edide mfin emi.

JEREMIAH 5:14

Mmɔdo ntem ke Jehovah Abasi mme udim ɔdɔhɔ, ete, Koro mbufo edɔhɔde ikɔ emi, sese, ami mmɔŋ nnam ikɔ mi ke inua fo akabare edi ikaŋ, nnyuŋ nnim mbio emi ke ifia, ndien enye eyeta mmɔ.

ŊWED ESEME 1:18

Jehovah emenen: koro ami nnenide uyo esie: mbɔk mbufo kpukpru mme idut ekop, enyuŋ ese ndutuhɔ mi: nditɔ iban mi ye mkparawa mi emeka ke otu mbuot-ekɔŋ.

ŊWED ESEME 2:17

Jehovah anam se enye akaduakde ama; ama anam uyo esie oro enye okowukde ke eyo oko: enye owuri inyuŋ ituaha owo mbɔm: enye onyuŋ ayak usua adat esit abaŋa fi, onyuŋ emenere nduk owo utɔk fo onim ke enyɔŋ.

ŊWED ESEME 3:42

Nnyin imanam idiɔk inyuŋ isɔŋ ibuot: afo udahakedo unɔ.

EZEKIEL 20:43

Ndien do ke mbufo editi usuŋ mbufo, ye kpukpru se mbufo ekenamde, emi mbufo ekesabarede idem mbufo ke esit; ndien mbufo eyesua idem mbufo ebaŋa kpukpru mme idiɔk-ŋkpɔ emi mbufo ekenamde.

EZEKIEL 37:11

Ndien enye ɔdɔhɔ mi, ete, Eyen owo, mme ɔkpɔ emi edi ofuri ufɔk Israel. Sese, mmɔ ke edɔhɔ ete, Mme ɔkpɔ nnyin emesat, idorienyin nnyin omonyuŋ atak: emesibe nnyin efep.

DANIEL 4:28

Ofuri ŋkpɔ emi edisim Nebuchadnezzar edidem.

HOSEA 5:9

Ephraim eyedi nditaha ke usen ufen: mmasian mme esien Israel se miditreke ndidi.

HOSEA 9:15

Ofuri idiɔk ido mmɔ edu do ke Gilgal: koro do ke ŋkasua mmɔ: nyebin mmɔ ke ufɔk mi mfep, mbaŋa mme idiɔk ŋkpɔ emi mmɔ ekenamde: ndimaŋa aba mmɔ: kpukpru mbɔŋ mmɔ esɔŋ ibuot.

AMOS 9:10

Kpukpru mme anam-idiɔk ke otu ikɔt mi eyekpaŋa ke ofut, mme mmɔ emi edɔhɔde, ete, Idiɔk-ŋkpɔ emi idisimke nnyin, idinyuŋ isoboke ye nnyin.

ZECHARIAH 1:7

Ke ɔyɔhɔ usen edip ye inaŋ, ke ɔyɔhɔ ɔfiɔŋ duopekiet, oro edi ɔfiɔŋ Shebat, ke udiana akpa isua Darius, uyo Jehovah osim Zechariah, eyen Berechiah, eyen Iddo prophet, ete,

MALACHI 3:18

Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.

NUMBERS 23:19

Abasi idige owo eke enye okposude nsu, inyuŋ idige eyen owo eke enye ɔkpɔkpuhɔre. Nte enye ɔdɔhɔ, ndien etre ndinam?

NUMBERS 32:23

Edi edieke mbufo midinyimeke ndinam ntem, sese, mbufo enam idiɔk ye Jehovah: ndien mbufo etim efiɔk ete ke idiɔk ido mbufo eyesim mbufo.

NUMBERS 33:56

Ndien ŋko ama ekem, nyekabare nnam ye mbufo, kpa nte ŋkaduakde ndinam ye mmɔ.

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.

DEUTERONOMY 28:15

Ndien ama ekem edieke afo mukopde uyo Jehovah Abasi fo, munyuŋ utimke unim kpukpru mbet esie ye mme ewuhɔ esie emi ami ntemede fi mfin emi; ndien kpukpru mme idiɔk-ŋkpɔ emi eyebine fi:

DEUTERONOMY 28:2

ndien kpukpru nti ŋkpɔ emi eyetiene fi, enyuŋ esim fi, koro afo okopde uyo Jehovah Abasi.

DEUTERONOMY 28:20

Jehovah eyedɔŋ isuŋi, ye ndik, ye nduari, etiene fi, ke kpukpru se afo edinyande ubɔk fo ke esit ndinam, tutu edisobo fi ema, tutu afo onyuŋ atak ke iwiwa; kabaŋa mme idiɔk ido fo: koro afo ɔkɔkpɔŋde mi.

DEUTERONOMY 28:45

Ndien kpukpru mme idiɔk-ŋkpɔ emi eyedoro fi, enyuŋ ebine fi, enyuŋ esim fi, tutu afo atak: koro mukokopke uyo Jehovah Abasi fo, munyuŋ unimke mbet esie ye mme ewuhɔ esie emi enye okowukde fi.

1 ŊWED THESSALONICA 5:4

Edi mbufo nditɔ-ete iduhe ke ekim, eke ekpesinde usen oro abuat mbufo nte inɔ: