ZECHARIAH 1:3 - Edisana ñwed Abasi Ibom

³ Dɔhɔ mmɔ, ndien, ete, Ntem ke Jehovah mme udim ɔdɔhɔ ete, Mbufo ekabare etiene mi, Jehovah mme udim ɔdɔhɔ, ndien ami nyekabare ntiene mbufo, Jehovah mme udim ɔdɔhɔ.

ZECHARIAH 1:3 ပူးပေါင်းရင်းမြစ်များ

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

2 CHRONICLES 15:4

Ekem ke nnanenyin mmɔ, mmɔ efiak etiene Jehovah Abasi Israel, enyuŋ eyom enye; ndien enye ayak mmɔ ekut enye.

NEHEMIAH 9:28

Ndien ke adaŋemi mmɔ ekutde nduɔk-odudu, mmɔ etɔŋɔ ntak enam idiɔk ke iso fo, ndien afo ɔkpɔŋ mmɔ ke ubɔk mme asua mmɔ eke ekarade mmɔ. Edi adaŋoro mmɔ etɔŋɔde ntak eseme enɔ fi, afo etie ke enyɔŋ okop, onyuŋ anyaŋa mmɔ ediwak ini ke mbɔm fo.

ŊWED JOB 22:23

Afo ama afiak etiene Abasi Ibom, eyediɔŋ ebɔp fi, ama anam idiɔk ido ɔkpɔŋ tent fo anyan usuŋ.

ISAIAH 31:6

Mbufo nditɔ Israel, ekabare etiene Enye emi emiomde eti-eti.

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

JEREMIAH 12:15

Ndien ama ekem ke adaŋemi ndiberede mmɔ mma, nyetɔŋɔ ntak ntua mmɔ mbɔm, nnyuŋ nda mmɔ mfiak kiet kiet ke udeme mmɔ, ye kiet kiet ke obio mmɔ.

JEREMIAH 25:5

Mbɔk mbufo kiet kiet ekabare ekpɔŋ mme idiɔk usuŋ mbufo, ye mme idiɔk ido mbufo, enyuŋ eduŋ ke isɔŋ emi Jehovah ɔkɔnɔde mbufo ye mme ete mbufo ke nsinsi:

JEREMIAH 3:1

KPA nte edɔhɔde ete, Edieke owo osiode ŋwan esiemɔ, ndien ŋwan ɔkpɔŋ enye, onyuŋ akabare edi ŋwan owo efen, nte ebe ekeme ndifiak ntiene enye ŋko? Nte ikpasabakede isɔŋ oro eti-eti? Ndien afo amanam ido akpara ye ediwak mme ufan; edifiak tiene mi; Jehovah ɔdɔhɔ.

JEREMIAH 3:22

Mbufo nditɔ mfiakedem efiak edi, ndien ami nyekɔk mfiakedem mbufo. “Sese, nnyin itiene fi, koro afo edide Jehovah Abasi nnyin.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 4:1

JEHOVAH ɔdɔhɔ ete, O Israel, afo ama afiak edi, fiak tiene mi: ama onyuŋ emen ŋkpɔ mbubiam fo ke iso mi efep, afo udusehekede.

EZEKIEL 18:19

Ndien mbufo edɔhɔ, ete, Eyen anam didie mibiomke idiɔk ido ete esie? Ke ini eyen oro anamde edinen ikpe, onimde kpukpru mme ewuhɔ mi, onyuŋ anam mmɔ, enye iditreke ndidu uwem.

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

EZEKIEL 18:32

Koro Ɔbɔŋ Jehovah ɔdɔhɔde, ete. Mkpa akpa-mkpa inemke mi esit: mbufo ekabare, ndien edu uwem.

EZEKIEL 33:11

Dɔhɔ mmɔ, ete, Ɔbɔŋ Jehovah ɔdɔhɔ, ete, Ma uwem mi, mkpa idiɔk owo inemke mi esit, edi idiɔk owo akam akabare ɔkpɔŋ usuŋ esie, ndien odu uwem: mbufo, O ufɔk Israel, ekabare, ekabare; koro nsinam mbufo ekpekpaŋa?

HOSEA 14:1

O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

HOSEA 14:4

Nyenam mfiak-edem mmɔ okure; nyeda ima-esit mma mmɔ; koro iyaresit mi amakabare ɔkpɔŋ mmɔ.

HOSEA 6:1

MBUFO edi, nnyin inyɔŋ itiene Jehovah: koro edi enye akawai, ndien enye eyekɔk nnyin: edi enye okoyibi, ndien enye eyebɔp nnyin.

JOEL 2:12

Jehovah onyuŋ ɔdɔhɔ ke emi ŋko, ete, Mbufo efiak etiene mi ke ofuri esit mbufo, ye ke utre-udia, ye ke ntua-eyet, ye ke eseme:

MALACHI 3:7

Toto ke eyo mme ete mbufo, mbufo emekabare ekpɔŋ mme ewuhɔ mi, inyuŋ inimke: mbufo ekabare etiene mi, ndien ami nyekabare ntiene mbufo, Jehovah mme udim ɔdɔhɔ. Ndien mbufo ebup ete, Nnyin idida nso ifiak?