RUTH 3:9 - Edisana ñwed Abasi Ibom

⁹ Ndien enye obup ete, Afo edi anie? Ndien enye ete, Ami ndi Ruth eyen fo aŋwan; da ufuhɔ-ŋkpɔ fo, fuk mi eyen fo aŋwan: koro afo edide owo eke akpafakde.

RUTH 3:9 ပူးပေါင်းရင်းမြစ်များ

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

LUKE 14:11

Koro kpukpru owo eke emenerede idem esie, eyesuhɔre enye enim; ndien owo eke ɔsuhɔrede idem esie, eyemenere enye.

RUTH 2:20

Ndien Naomi ɔdɔhɔ ŋwan eyen esie, ete, Jehovah emi mitreke mfɔn esie ye mme andidu uwem ye mme andikpa mkpa, osuk ɔfɔfɔn ye enye. Naomi onyuŋ ɔdɔhɔ enye, ete, Owo oro edi oruk nnyin, onyuŋ odu ke otu mmɔ emi ekpefakde nnyin.

RUTH 3:10

Ndien enye ɔdɔhɔ ete, Jehovah osuk ɔdiɔŋ fi, eyen mi, koro afo ɔfɔnde ido ke ukpere-edem akan eke mbemiso, sia muketieneke mkparawa, edide ubuene, onyuŋ edide enyene-ŋkpɔ.

RUTH 3:12

Ndien ke akpan ami ndi owo ufak: edi owo eŋwen odu ŋko emi ekperede akan mi.

RUTH 3:8

Edikem ke ufɔt okoneyo, Boaz edikhe, ndien enye anyan idem ese; ndien, sese, ŋwan anade enye ke ukot.

RUTH 4:4

Ndien ami ŋkere nte ke ntiŋ ke utɔŋ fo, nte, Dep enye ke iso mme mmɔ emi etiede mi, kpa ke iso mbiowo obio nnyin. Edieke afo onyimede ndifak, fak; edi mufakke, tiŋ nɔ mi man mfiɔk: koro owo eke afakde miduhe ke mibɔhɔke afo: ndien ami ntiene fi ke edem. Ndien enye ɔdɔhɔ ete, Ami nyefak.

RUTH 4:6

Ndien owo ufak oro ɔdɔhɔ ete, Ŋkwe nte ndifakde ke idem mi, mbak ndibiat udeme mi: bɔ itie ufak mi ke idem fo: koro mmeŋkwe nte ndifakde.

1 SAMUEL 25:41

Ndien enye adaha ke enyɔŋ otuk iso esie ese isɔŋ, onyuŋ ɔdɔhɔ ete, Sese, yak owo fo akabare edi ofin aŋwan eke eyetke ikɔt ɔbɔŋ mi ukot.