RUTH 3:3 - Edisana ñwed Abasi Ibom

³ Yere mmɔŋ, ndien, nyuŋ da edifuɔŋ aran diɔŋ idem, nyuŋ sine edisine-ŋkpɔ fo, nyuŋ suhɔre ka ke ebiet-ubek: kuyak enye ɔdiɔŋɔ fi, tutu enye adia ŋkpɔ, onyuŋ ɔŋwɔŋ ama.

RUTH 3:3 ပူးပေါင်းရင်းမြစ်များ

2 SAMUEL 12:20

Ndien David adaha ke isɔŋ, eyere mmɔŋ, ada aran eyet ke idem, onyuŋ ɔkpuhɔ edisine-ŋkpɔ esie, ndien oduk ke ufɔk Jehovah, akatuak ibuot: ndien aka ke ufɔk esie, ɔkɔdɔhɔ ete enim udia enɔ imɔ; ndien enye adia.

2 SAMUEL 14:2

Ndien Joab ɔdɔŋ eka ke Tekoa, ekeda ɔfiɔkŋkpɔ ŋwan do edi, onyuŋ ɔdɔhɔ enye, ete, Mbɔk nim idemfo nte ŋwan eke etiede ikpo, nyuŋ sine ɔfɔŋ-idem ikpo, kunyuŋ uyere aran, edi nim idemfo nte ŋwan eke etiede ikpo anyan ini abaŋa akpa mkpa:

ESTHER 5:1

EDIKEM ke ɔyɔhɔ usen ita, Esther esine edisine-ŋkpɔ ɔbɔŋ-aŋwan, edi edida ke esit okure ufɔk edidem, asak iso ese ufɔk edidem: ndien edidem etie ke ebekpo ubɔŋ esie ke ufɔk edidem, asak iso ese usuŋ ufɔk.

ŊWED MME PSALM 104:15

Wine onyuŋ enem owo esit, anam iso esie ayama akan aran, uyo onyuŋ anam esit ɔsɔŋɔ owo.

ECCLESIASTES 9:8

Yak edisine-ŋkpɔ fo edi edisana kpukpru ini; kunyuŋ uyak ibuot fo anana aran.

EZEKIEL 16:9

Ndien nyet fi ke mmɔŋ, nnyuŋ nsio fi iyip ke idem mfep, nnyuŋ nyet fi aran ke idem.

MATTHEW 6:17

Edi ama edi afo, ke ini etrede udia, da aran yet ke ibuot, nyuŋ yet iso:

RUTH 3:2

Ndien, sese, nte Boaz emi afo okodude ye nditɔ esie iban idige oruk nnyin? Sese enye ke asasak barley ke ebiet-ubek ke okoneyo emi.

RUTH 3:4

Ama ekem ke ini eke enye anade ke isɔŋ, tim se ebiet emi enye edinade do, ndien ka kɔfuhɔre enye ukot, suhɔre na do; ndien enye eyedɔhɔ fi se afo akpanamde.