RUTH 3:13 - Edisana ñwed Abasi Ibom

¹³ Tietie okoneyo emi, ndien ama ekem ke eyo esierede, ekpedi nte enye edifakde fi, ɔfɔn; yak enye afak: edi mimaŋa ndifak fi, ndien, ma uwem Jehovah, ami nyefak fi: suhɔre nna do tutu eyo esiere.

RUTH 3:13 ပူးပေါင်းရင်းမြစ်များ

JEREMIAH 12:16

Ndien ama ekem edieke mmɔ editimde ekpep ido ikɔt mi, enyuŋ etomo enyiŋ mi, ete, Ma uwem Jehovah; kpa nte mmɔ ekekpepde ikɔt mi nditomo Baal; ndien eyewuk mmɔ enim ke otu ikɔt mi.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

2 ŊWED CORINTH 1:23

Edi mmokot Abasi nte edidi ntiense abaŋa ukpɔŋ mi, ete ŋketre ndidi ke Corinth mbak ndisihere mbufo.

MME HEBREW 6:16

Koro mme owo edade se ikponde ikan idem mmɔ eŋwɔŋɔ uŋwɔŋɔ: ke kpukpru eneni eke edude ke ufɔt mmɔ, uŋwɔŋɔ onyuŋ edi akpatre ŋkpɔ eke edade ebiere ikɔ.

JUDGES 8:19

Ndien enye ɔdɔhɔ ete, Mmɔ ekedi nditɔ-eka mi: ma uwem Jehovah, mbufo ekpenim mmɔ uwem, ŋkpowotke mbufo.

RUTH 2:20

Ndien Naomi ɔdɔhɔ ŋwan eyen esie, ete, Jehovah emi mitreke mfɔn esie ye mme andidu uwem ye mme andikpa mkpa, osuk ɔfɔfɔn ye enye. Naomi onyuŋ ɔdɔhɔ enye, ete, Owo oro edi oruk nnyin, onyuŋ odu ke otu mmɔ emi ekpefakde nnyin.

RUTH 3:12

Ndien ke akpan ami ndi owo ufak: edi owo eŋwen odu ŋko emi ekperede akan mi.

RUTH 4:5

Ndien Boaz ɔdɔhɔ, ete, Ke usen emi afo edepde isɔŋ oro ke ubɔk Naomi, afo omonyuŋ enyene ndidep enye ye Ruth ŋwan a Moab, ŋwan akpa-mkpa man edemere enyiŋ akpa-mkpa ke udeme esie.

RUTH 4:6

Ndien owo ufak oro ɔdɔhɔ ete, Ŋkwe nte ndifakde ke idem mi, mbak ndibiat udeme mi: bɔ itie ufak mi ke idem fo: koro mmeŋkwe nte ndifakde.