RUTH 2:3 - Edisana ñwed Abasi Ibom

³ Ndien enye aka ke iŋwaŋ asaŋa ke edem mmɔ eke ekpeŋede, ataŋ: ndien enye ediyoho ɔwɔrɔ ke iŋwaŋ emi enyenede Boaz emi otode ke oruk Elimelech.

RUTH 2:3 ပူးပေါင်းရင်းမြစ်များ

2 SAMUEL 1:6

Ndien akparawa oro etiŋde ɔnɔ enye ntre, ete, ŋkodu ke obot Gilboa, ndien, sese, Saul ke ebere idem ke eduat esie; ndien, sese, mme chariot ye mbon horse ke esɔp ebine enye.

2 SAMUEL 20:1

NDIEN oburobut owo kiet odu do ekere Sheba, eyen Bichri, eyen Benjamin; ndien enye ofuri ukorowo, onyuŋ ɔdɔhɔ ete, Nnyin inyeneke ubak idem David, inyuŋ inyeneke udeme idem eyen Jesse: yak kpukpru owo enyɔŋɔ ke tent mmɔ, O Israel.

2 NDIDEM 8:5

Edikem ke enye osuk obobuk nte enye (Elisha) akanamde akpa-mkpa eset, ɔnɔ edidem, sese, ŋwan oro enye akanamde eyen esie eset, ke eseseme ɔnɔ edidem abaŋa ufɔk esie ye iŋwan esie. Ndien Gehazi ɔdɔhɔ, ete, Ɔbɔŋ mi edidem, emi edi ŋwan oro, emi onyuŋ edi eyen esie, emi Elisha akanamde eset.

MATTHEW 10:29

Nte inyamke ŋkpri inuen iba ke obubit okuk kiet? ndien baba mmɔ kiet iduɔhɔ ke isɔŋ ke mitoho Ete mbufo:

LUKE 10:31

Edi nte ŋkpɔ anade, oku kiet ɔsuhɔre edi ke usuŋ oro, okut owo oro, onyuŋ asaŋa ebe ke ŋkaŋ eken.

2 ŊWED THESSALONICA 3:12

Ima ida uyo Ɔbɔŋ Jesus Christ isɔŋɔ iwuk inyuŋ iteme mmɔ eke etiede ntem, ite mmɔ etie suŋ, enam utom, eŋwana se edade ekama idem.

RUTH 2:2

Ekem Ruth ŋwan Moab oro ɔdɔhɔ Naomi, ete, Mbɔk, yak ŋka ke iŋwaŋ, ntiene owo eke edinende iso ye ami ŋkataŋ mbuot barley. Ndien enye ɔdɔhɔ enye, ete, Ka eyen mi.

RUTH 2:4

Ndien, sese, Boaz oto ke Beth-lehem edi, ndien enye ɔkɔm mbon ukpeŋe, ete, Jehovah osuk odu ye mbufo. Ndien mmɔ ebɔrɔ enye, ete, Jehovah osuk ɔdiɔŋ fi.