RUTH 2:20 - Edisana ñwed Abasi Ibom

²⁰ Ndien Naomi ɔdɔhɔ ŋwan eyen esie, ete, Jehovah emi mitreke mfɔn esie ye mme andidu uwem ye mme andikpa mkpa, osuk ɔfɔfɔn ye enye. Naomi onyuŋ ɔdɔhɔ enye, ete, Owo oro edi oruk nnyin, onyuŋ odu ke otu mmɔ emi ekpefakde nnyin.

RUTH 2:20 ပူးပေါင်းရင်းမြစ်များ

2 SAMUEL 2:5

Ndien David ɔdɔŋ mme isuŋutom ke ɔtɔ mbio-obio Jabesh-Gilead, ekedɔhɔ mmɔ, ete, Yak Jehovah osuk ɔdiɔŋ mbufo, emi ekenamde ufɔn emi enɔ ete mbufo, kpa Saul, ke emi mbufo ebukde enye.

2 SAMUEL 9:1

EKEM David ɔdɔhɔ ete, Nte owo ke odudu kaŋa osuk ke ufɔk Saul, man mfɔn ido ye enye mbaŋa Jonathan?

ŊWED JOB 19:25

Ndien ami mmɔfiɔk nte ke Andifak mi odu uwem; ndien ke akpatre enye eyedaha ada ke ntan isɔŋ:

MME ŊKE 17:17

ndien enye anana ibuot? Ufan amama ufan kpukpru ini, edi eyen-eka amana ɔnɔ ini nnan-enyin.

LEVITICUS 25:25

Edieke eyen-usɔ akabarede ubuene, onyuŋ anyamde ubak udeme esie, owo oruk esie amadi ndifak, yak enye afak se eyen-ete esie akanyamde.

ŊWED MBON PHILIPPI 4:10

Mmedat esit ke Ɔbɔŋ eti-eti, koro mbufo emetɔŋɔ ntak edemere ekikere mbufo ebaŋa mi: ke akpanikɔ mbufo ema ekekere, edi mbufo ikekwe ifet unam-ŋkpɔ.

RUTH 2:21

Ndien Ruth ŋwan a Moab ɔdɔhɔ ete, Enye okonyuŋ ɔdɔhɔ mi ŋko, ete, Dian idem fo ye ikɔt mi, tutu mmɔ ekpeŋe ofuri ukpeŋe mi ema.

RUTH 3:12

Ndien ke akpan ami ndi owo ufak: edi owo eŋwen odu ŋko emi ekperede akan mi.

RUTH 4:14

Ndien iban edɔhɔ Naomi, ete, Ekɔm Jehovah emi mikayakke fi anana owo eke afakde, mfin emi; yak enye onyuŋ ɔwɔrɔ etop ke Israel.

RUTH 4:4

Ndien ami ŋkere nte ke ntiŋ ke utɔŋ fo, nte, Dep enye ke iso mme mmɔ emi etiede mi, kpa ke iso mbiowo obio nnyin. Edieke afo onyimede ndifak, fak; edi mufakke, tiŋ nɔ mi man mfiɔk: koro owo eke afakde miduhe ke mibɔhɔke afo: ndien ami ntiene fi ke edem. Ndien enye ɔdɔhɔ ete, Ami nyefak.

RUTH 4:6

Ndien owo ufak oro ɔdɔhɔ ete, Ŋkwe nte ndifakde ke idem mi, mbak ndibiat udeme mi: bɔ itie ufak mi ke idem fo: koro mmeŋkwe nte ndifakde.