RUTH 2:2 - Edisana ñwed Abasi Ibom

² Ekem Ruth ŋwan Moab oro ɔdɔhɔ Naomi, ete, Mbɔk, yak ŋka ke iŋwaŋ, ntiene owo eke edinende iso ye ami ŋkataŋ mbuot barley. Ndien enye ɔdɔhɔ enye, ete, Ka eyen mi.

RUTH 2:2 ပူးပေါင်းရင်းမြစ်များ

GENESIS 32:6

Ekem, mme isuŋ-utom oro efiak etiene Jacob, ete, Nnyin ima isim Esau eyen-uka, enye onyuŋ asaŋa edi ndisobo ye afo, owo ikie inaŋ enyuŋ esaŋa ye enye.

LEVITICUS 19:10

Kunyuŋ utet kpukpru mfri ke iŋwaŋ vine fo uma, kunyuŋ utaŋ kpukpru se iduɔŋɔde ke iŋwaŋ vine fo; yak mmɔ kpɔŋ nɔ mme ubuene ye isen owo: ami ndi Jehovah Abasi mbufo.

LEVITICUS 19:16

Kusaŋa ubia mbia ke otu mbio-obio mbufo: kunyuŋ uyom iyip mbɔhiduŋ fo: ami ndi Jehovah.

LEVITICUS 19:9

Ndien ŋko ke ini mbufo ekpeŋede udia iŋwaŋ mbufo, kukpeŋe inuk iŋwaŋ fo uma, kunyuŋ utaŋ se ibɔhɔde iduɔŋɔ ke ukpeŋe fo.

LEVITICUS 23:22

Ndien ŋko ke ini mbufo ekpeŋede ukpeŋe iŋwaŋ mbufo, kukpeŋe inuk iŋwaŋ fo uma, kunyuŋ utaŋ se ibɔhɔde iduɔŋɔ ke ukpeŋe fo: yak oro kpɔŋ nɔ ubuene, ye esen owo: ami ndi Jehovah Abasi mbufo.

RUTH 2:3

Ndien enye aka ke iŋwaŋ asaŋa ke edem mmɔ eke ekpeŋede, ataŋ: ndien enye ediyoho ɔwɔrɔ ke iŋwaŋ emi enyenede Boaz emi otode ke oruk Elimelech.

RUTH 2:7

ndien enye ɔdɔhɔ ete, Mbɔk, yak ntiene mbon-ukpeŋe ke otu mme ebek ntaŋ mbuot: ntem ke enye ekedi ke usenubɔk, onyuŋ ebigi tutu osim ndo-ndo emi enye ama etie ke ufɔk esisit.

1 SAMUEL 1:18

Ndien enye (ŋwan) ɔdɔhɔ ete, Nen iso ye eyen fo aŋwan. Ntre ke ŋwan oro ɔnyɔŋ esiemɔ, onyuŋ adia ŋkpɔ, ndien iso ifuhɔke aba enye.