RUTH 2:19 - Edisana ñwed Abasi Ibom

¹⁹ Ndien eka ebe esie ɔdɔhɔ enye, ete, Afo akataŋ ke mmɔŋ mfin emi? Onyuŋ anam utom ke mmɔŋ? Osuk ɔfɔfɔn ɔnɔ enye emi ɔkɔdiɔŋɔde fi. Ndien enye asian eka ebe esie owo oro enye akanamde utom ye enye, onyuŋ ɔdɔhɔ ete, Enyiŋ owo oro ŋkanamde utom ye enye mfin emi ekere Boaz.

RUTH 2:19 ပူးပေါင်းရင်းမြစ်များ

1 NDIDEM 7:21

Ekem enye eneŋere mme adaha owuk ke etehe temple: owuk adaha nnasia, osio enye enyiŋ Jachin (Eyesɔŋ onim); onyuŋ owuk adaha ufien, osio enyiŋ Boaz (Odudu ke esit).

ŊWED MME PSALM 41:1

ƆFƆFƆN ɔnɔ owo eke otimde ndinam ye eyen ubuene: Jehovah eyenam enye ɔbɔhɔ ke usen nnanenyin.

ŊWED MME PSALM 41:2

Jehovah eyekpeme enye, onyuŋ onim enye uwem; enye eyekut unen ke isɔŋ: ndien afo kuyak enye unɔ se mme asua esie emade.

ŊWED MME PSALM 44:1

O ABASI, nnyin imokop ke utɔŋ nnyin, mme ete nnyin ekemen ŋkpɔ oro afo akanamde ke ini mmɔ, ke ini eset, etiŋ enɔ nnyin.

RUTH 2:10

Ndien enye (Ruth) ɔduɔ ke isɔŋ okubi iso, onyuŋ ɔnuhɔ ke isɔŋ, onyuŋ ɔdɔhɔ ete, Nsinam afo enende iso ye ami, emi afo ɔdiɔŋɔde mi emi ami ndide esen owo?