RUTH 2:10 - Edisana ñwed Abasi Ibom

¹⁰ Ndien enye (Ruth) ɔduɔ ke isɔŋ okubi iso, onyuŋ ɔnuhɔ ke isɔŋ, onyuŋ ɔdɔhɔ ete, Nsinam afo enende iso ye ami, emi afo ɔdiɔŋɔde mi emi ami ndide esen owo?

RUTH 2:10 ပူးပေါင်းရင်းမြစ်များ

GENESIS 18:2

ndien enye emenere enyin esie okut, ndien, sese owo ita edade ekpere enye, ndien ke okutde, enye adaha ke enyin usuŋ tent okosobo ye mmɔ, ɔnuhɔ ke isɔŋ.

2 SAMUEL 19:28

Koro ofuri ufɔk ete mi mikedige baba ŋkpɔ kiet ke mibɔhɔke mbon mkpa ke iso ɔbɔŋ mi edidem: ndien afo ekesin owo fo ke otu mme andidia ŋkpɔ ke okpokoro fo. Ami nnyene nso ukeme ndien kaŋa nte ŋkpɔtɔŋɔde ntak nseme nnɔ edidem?

2 SAMUEL 7:18

Ekem edidem David oduk editie ke iso Jehovah, onyuŋ ɔdɔhɔ ete, Ami ndi anie, O Jehovah Abasi? Ufɔk mi onyuŋ edi nso, emi afo adade mi edi ken?

2 SAMUEL 9:8

Ndien enye atuak ibuot, onyuŋ ɔdɔhɔ, ete, Owo fo edi nso, eke esinde fi akabare ese oruk okpo ebua nte ami?

LEVITICUS 19:34

Ebat esen eke oduŋde ye mbufo nte amana ke otu mbufo, nyuŋ ma enye nte idem fo: koro mbufo ekedide isen ke isɔŋ Egypt: ami ndi Jehovah Abasi mbufo.

MATTHEW 25:35

Koro Ami ŋkokopde biɔŋ, ndien mbufo enɔ Mi udia; itɔŋ akasat Mi, ndien mbufo enɔ Mi mmɔŋ; ŋkedi esen, ndien mbufo eda Mi eka ufɔk;

LUKE 1:43

Ke ntak ewe ɔwɔrɔ ntem ɔnɔ mi, ete eka Ɔbɔŋ mi ekpedi edise mi?

LUKE 1:48

Koro Enye ekesede usuhɔre-itie ofin-aŋwan Esie. Koro, sese, ɔtɔŋɔde ke emi kpukpru emana eyedɔhɔ ete, Ɔfɔfɔn ɔnɔ mi.

ŊWED MBON ROME 12:10

Eda ima nditɔ-ete ema kiet eken; esɔp ndikpono kiet eken;

RUTH 2:11

Ndien Boaz ɔbɔrɔ enye, ete, Ema etim edɔhɔ mi kpukpru se afo akanamde ye eka uberi, nte uberi akakpa; ye nte afo ɔkɔkpɔŋde usɔ ye uka, ye isɔŋ emana fo, onyuŋ edide ke obio eke akananam mufiɔkke.

RUTH 2:13

Ndien enye (Ruth) ɔdɔhɔ ete, Nen iso ye ami, ɔbɔŋ mi: koro afo ɔmɔdɔŋ mi esit, omonyuŋ ɔdɔhɔ eti ikɔ ye eyen fo ŋwan, okposuk edi nte ami mmentiehe nte owo kiet ke otu nditɔ fɔ iban.

RUTH 2:19

Ndien eka ebe esie ɔdɔhɔ enye, ete, Afo akataŋ ke mmɔŋ mfin emi? Onyuŋ anam utom ke mmɔŋ? Osuk ɔfɔfɔn ɔnɔ enye emi ɔkɔdiɔŋɔde fi. Ndien enye asian eka ebe esie owo oro enye akanamde utom ye enye, onyuŋ ɔdɔhɔ ete, Enyiŋ owo oro ŋkanamde utom ye enye mfin emi ekere Boaz.

RUTH 2:2

Ekem Ruth ŋwan Moab oro ɔdɔhɔ Naomi, ete, Mbɔk, yak ŋka ke iŋwaŋ, ntiene owo eke edinende iso ye ami ŋkataŋ mbuot barley. Ndien enye ɔdɔhɔ enye, ete, Ka eyen mi.

RUTH 2:9

tiŋ enyin ke iŋwaŋ eke mmɔ ekpeŋede, nyuŋ tiene mmɔ ke edem: nte ŋkowukke mkparawa mi, nte ekunam fi idiɔk? ndien ke ini itɔŋ asatde fi, ka kɔŋwɔŋ ke abaŋ emi mkparawa ekekoide.

1 SAMUEL 25:23

Ekem adaŋemi Abigail okutde David, enye awara oto ass ke edem ɔsuhɔre, onyuŋ ɔduɔ ke isɔŋ ke iso David, otuk iso esie ɔnuhɔ ke isɔŋ.