RUTH 1:20 - Edisana ñwed Abasi Ibom

²⁰ Edi enye ɔdɔhɔ mmɔ, ete, Mbufo ekukot mi, ete, Naomi (Edinem), ekot mi, ete, Marah (Ndot-ndot): koro Ata Ɔkpɔsɔŋ ama ododoro ye ami eti-eti.

RUTH 1:20 ပူးပေါင်းရင်းမြစ်များ

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

GENESIS 43:14

Abasi Andikeme kpukpru akam onyuŋ esin owo oro atua mbufo mbɔm, onyuŋ ayak eyen-ete mbufo eken ɔnɔ mbufo, ye Benjamin. Ndien ami, edieke ebɔde mi nditɔ, yak ebɔ mi.

ŊWED JOB 11:7

Nte afo emekeme ndiduŋɔ ata ifiɔk Abasi? Nte afo emekeme nditim ŋkut Ata Ɔkpɔsɔŋ mma?

ŊWED JOB 19:6

Mbufo efiɔk, ndien, ete ke edi Abasi oyut mi akabare onim, onyuŋ ada iyire esie akan mi okuk.

ŊWED JOB 5:17

Sese, ɔfɔfɔn ɔnɔ owo eke Abasi ɔtunɔde: kusin ndien item Ata Ɔkpɔsɔŋ:

ŊWED JOB 6:4

Koro idaŋ Ata Ɔkpɔsɔŋ edude mi ke idem, emi spirit mi ɔŋwɔŋde ifɔt mmɔ: akpakop ndik Abasi eyi ekɔŋ ye ami.

ŊWED JOB 9:18

Enye ikpayakke mi nduɔk ibifik mi, edi akpanam ndot-ndot ŋkpɔ eyuhɔ mi.

ŊWED MME PSALM 73:14

Ndien ŋkut ufen ofuri usen, enyuŋ etunɔ mi ke usenubɔk.

ŊWED MME PSALM 88:15

Ami ndi ubuene, nnyuŋ nyom ndikpa toto ke uyen mi; mmobiom ndik fo; esit etimere mi.

EXODUS 15:23

Ndien adaŋemi mmɔ esimde Marah, mmɔ ikwe nte eŋwɔŋde mmɔŋ Marah, koro odorode: mmɔdo esiode enye Marah.

EXODUS 6:3

Ŋkonyuŋ ŋwut Abraham, ye Isaac, ye Jacob idem mi, nte Ata Ɔkpɔsɔŋ Abasi; edi mmɔ ikɔfiɔkke enyiŋ mi Jehovah.

ISAIAH 38:13

Ntie suŋ mbet tutu osim ke usenubɔk, nte lion, ntem ke enye edibuŋ mi kpukpru ɔkpɔ: toto ke uwemeyo tutu osim ke okoneyo ke enye ama ye ami.

MME HEBREW 12:11

Idahemi kaŋa kpukpru ntunɔ itiehe inem-inem, edi ababiak; edi ke ukperedem, enye oŋwum mfri emem ɔnɔ mmɔ emi ekebede ke nsiŋere esie, kpa mfri edisana ido.

ERIYARARE 1:8

Ami ndi Alpha ye Omega; ntem ke Jehovah Abasi, emi odude-du, okonyuŋ odude-du, edinyuŋ edide, Andikara kpukpru ŋkpɔ, ɔdɔhɔ.

ERIYARARE 21:22

Edi ŋkwe temple do, koro Jehovah Abasi Andikara kpukpru ŋkpɔ ye Eyen-erɔŋ edi temple esie.