NUMBERS 9:14 - Edisana ñwed Abasi Ibom

¹⁴ Ndien edieke esen owo ediduŋde ke otu mbufo, onyuŋ oyom ndinim passover nnɔ Jehovah: yak enye anam nte mme ewuhɔ passover, ye ido esie esaŋade: yak esen owo ye amana ke isɔŋ enim ubɔk ido kiet.

NUMBERS 9:14 ပူးပေါင်းရင်းမြစ်များ

EZRA 6:21

Ndien nditɔ Israel oro eketode ke itie ntaŋmfep efiak edi, ye kpukpru mmɔ eke ekedianarede idem mmɔ efep ke mbubiam ido mbon idut oro, ediana ye mmɔ eyom Jehovah Abasi Israel, edia,

EXODUS 12:43

Ndien Jehovah ɔdɔhɔ Moses ye Aaron, ete, Emi edi ewuhɔ passover: Esen owo ndomo kiet okudia ke esit:

EXODUS 12:47

Yak ofuri esop Israel enam enye.

LEVITICUS 19:10

Kunyuŋ utet kpukpru mfri ke iŋwaŋ vine fo uma, kunyuŋ utaŋ kpukpru se iduɔŋɔde ke iŋwaŋ vine fo; yak mmɔ kpɔŋ nɔ mme ubuene ye isen owo: ami ndi Jehovah Abasi mbufo.

LEVITICUS 22:25

Mbufo ekunyuŋ ebɔ esen owo baba oruk ŋkpɔ emi kiet ke ubɔk, ewa uyo Abasi mbufo: koro mbiara odude ke esit, mmɔ ebiomo ndo: idibɔhɔ mbufo ŋkpɔ oro ke ubɔk.

LEVITICUS 24:22

Mbufo enim ubɔk ido kiet ye esen owo, ye eyen isɔŋ: koro ami ndide Jehovah Abasi mbufo.

LEVITICUS 25:15

Dep ŋkpɔ ye mbɔhiduŋ fo, nte asaŋade ye ibat isua emi ebede nte jubilee ekebe; yak enye anyam ɔnɔ fi nte asaŋade ye ibat isua eke isɔŋ ediŋwumde.

NUMBERS 15:15

Ɔfɔn mbufo emi edide esop, ye esen owo eke edide oduduŋ ke otu mbufo enim suk ewuhɔ kiet, nsinsi ewuhɔ ke emana mbufo: nte mbufo etiede, kpasuk ntre ke esen owo editie ke iso Jehovah.

NUMBERS 15:16

Mbufo ye esen owo eke oduŋde ye mbufo, enim ibet kiet ye ido kiet.

DEUTERONOMY 29:11

ye ŋkpri nditɔwɔŋ mbufo, ye iban mbufo, ye esen owo fo emi edude ke nna fo, ɔtɔŋɔde ke andisiak ifia fo, tutu osim ke andikoi mmɔŋ fo:

DEUTERONOMY 31:12

Bon kpukpru owo ɔtɔ kiet, iren-owo ye iban, ye nditɔwɔŋ, ye esen owo fo emi odude ke obio fo, man mmɔ ekop, man mmɔ enyuŋ ekpep, enyuŋ ebak Jehovah Abasi mbufo, enyuŋ ekpeme ndinim kpukpru ikɔ mbet emi: