NUMBERS 7:89 - Edisana ñwed Abasi Ibom

⁸⁹ Ekem adaŋemi Moses okodukde ke efe esop ndidɔhɔ ye Enye, ndien enye okop uyo andidɔhɔ ye enye otode ke itie usio-isop emi odorode ke ekebe ntiense, ke ufɔt mme cherubim iba: ntem ke enye ɔdɔhɔ ye enye.

NUMBERS 7:89 ပူးပေါင်းရင်းမြစ်များ

1 NDIDEM 6:23

Ndien enye ada eto olive anam cherubim iba onim ke esit ubet-etak, emi idaha mmɔ edide ibio idomo-okuk duop.

ŊWED MME PSALM 80:1

O ANDIBƆK Israel, emi adade Joseph usuŋ nte otu ufene, kpaŋ utɔŋ; emi etiede ke otu mme cherubim, yama.

ŊWED MME PSALM 99:1

JEHOVAH edi edidem; mme idut enyek idem: enye odoro mme cherubim ke edem; isɔŋ enyek.

EXODUS 40:34

Ndien obubit enyɔŋ ofuk efe esop, ubɔŋ Jehovah onyuŋ ɔyɔhɔ ke ebiet-iduŋ.

EXODUS 40:35

Ndien Moses ikwe nte odukde ke efe esop; koro obubit enyɔŋ odorode ke esit, ubɔŋ Jehovah onyuŋ ɔyɔhɔ ke ebiet - iduŋ.

LEVITICUS 1:1

NDIEN Jehovah etie ke tent esop okot Moses, onyuŋ ɔdɔhɔ enye, ete,

NUMBERS 1:1

EKEM Jehovah ɔdɔhɔ Moses ke wilderness Sinai, ke efe esop, ke akpa usen udiana-akpa ɔfiɔŋ, ke udiana-akpa isua nte mmɔ eketo, ke isɔŋ Egypt, ete,

NUMBERS 11:17

Ndien nyesuhɔre ndidɔhɔ ye afo do: nyenyuŋ nda ubak spirit emi esinede fi ke idem, nsin mmɔ ke idem; ndien mmɔ eyetiene fi ebiom mbiomo mbio emi, man afo okubiom ke idem fo ikpɔŋ:

NUMBERS 12:8

Nneme ye enye ke inua ke inua; ke atatai, idige ke ŋke ikɔ; enye eyenyuŋ okut mbiet Jehovah: mbufo enam naŋa didie mifeheke ndisuk owo mi Moses uyo?

NUMBERS 8:1

EKEM Jehovah ɔdɔhɔ Moses, ete, Dɔhɔ Aaron, nyuŋ tiŋ nɔ enye ete,

MME HEBREW 4:16

Mmɔdo eyak nnyin isaŋa ikpere ebekpo mfɔn ye uko, man nnyin ibɔ mbɔm, inyuŋ ikut mfɔn eke ediŋwamde nnyin ke ini nnan-enyin.

1 PETER 1:12

Ema enyuŋ eyarare ewut mmɔ ete, idige kabaŋa idem mmɔ, edi kabaŋa mbufo, ke mmɔ emen ikɔ oro etiŋ, kpa ikɔ oro ema etaŋa ke emi enɔ mbufo, ke inua mmɔ emi ekwɔrɔde gospel enɔ mbufo ke Edisana Spirit, emi ekɔdɔŋde oto ke heaven edi. Ɔdɔŋ mme angel ndinyuŋɔ ŋkpɔ emi mfiɔk.

1 SAMUEL 4:4

Ndien mbon-ekɔŋ edɔŋ owo eka Shiloh ekemen ekebe ediomi Jehovah mme udim, emi etiede do ke ufɔt mme cherubim: nditɔ Eli mbiba, Hophni ye Phinehas, enyuŋ edu do ye ekebe ediomi Abasi.