NUMBERS 6:5 - Edisana ñwed Abasi Ibom

⁵ Ofuri ini eke enye akaŋade ete idianare idem esie, akaraŋ okutuk enye ke ibuot; yak enye edi edisana tutu mme usen emi enye adianarede idem esie ɔnɔ Jehovah ekure, onyuŋ ayak idet ibuot esie ɔkɔri.

NUMBERS 6:5 ပူးပေါင်းရင်းမြစ်များ

EZEKIEL 44:20

Ndien mmɔ ekukporo idet, ekunyuŋ eyak idet mmɔ ɔduɔhɔ; edi yak mmɔ efat idet ibuot mmɔ.

NUMBERS 6:4

Kpukpru usen eke enye adianarede idem esie, enye okudia baba ofuri ŋkpɔ kiet eke enamde ke vine, edide mkpasip, onyuŋ edide ikpɔk.

UTOM MME APOSTLE 18:18

Paul odu do ediwak usen, ndien enye ɔkpɔŋ nditɔ-ete, oto do osio aka Syria, asaŋa ntre ye Priscilla ye Aquila. Ndien enye okporo idet esie ke Cenchreae, koro enye akakaŋade akaŋa.

JUDGES 13:5

koro, sese, afo eyeyomo, onyuŋ aman eyen-eren; baba akaraŋ kiet okunyuŋ otuk enye ibuot: koro eyen oro eyedi Nazarite Abasi toto ke emana esie: ndien enye eyetɔŋɔ ndinyaŋa Israel nsio mme Philistine ke ubɔk.

JUDGES 16:17

ekem enye (Samson) ayarare ofuri esit esie ɔnɔ enye, onyuŋ ɔdɔhɔ enye, ete, Akaraŋ akanam itukke mi ke ibuot: koro ami ndide Nazirite Abasi toto nte ŋkamamana: ema ekporo mi idet, odudu mi eyekpɔŋ mi, ndien idem eyemem mi nte owo efen.

JUDGES 16:19

Ndien ŋwan anam enye ana enye ke edɔŋ ede idap, onyuŋ okot owo edikporo enye mfiaha idet ibuot itiaba: ndien ɔtɔŋɔ ndituhɔ enye, ndien odudu esie ɔkpɔŋ enye.

1 SAMUEL 1:11

Ndien enye akaŋa akaŋa onyuŋ ɔdɔhɔ ete, Jehovah mme udim, edieke afo edisede ukut eyen fo aŋwan, onyuŋ etide mi, munyuŋ ufreke eyen fo aŋwan, edi ama ɔnɔ eyen fo aŋwan eyen-eren, nyeda enye nnɔ Jehovah kpukpru usen uwem esie, ndien akaraŋ iditukke enye ibuot.