NUMBERS 6:24 - Edisana ñwed Abasi Ibom

²⁴ Jehovah akpakam ɔdiɔŋ fi, onyuŋ ekpeme fi;

NUMBERS 6:24 ပူးပေါင်းရင်းမြစ်များ

GENESIS 28:15

Ndien, sese, ami ndu ye afo, nyenyuŋ ŋkpeme fi ke kpukpru ebiet eke afo edikade, nnyuŋ nda fi nnyɔŋ ke isɔŋ emi; koro mmendikpɔŋke fi, tutu nnam se ntiŋde nnɔ fi.

2 SAMUEL 7:29

mbɔk, ndien, nyime ndidiɔŋ ufɔk owo fo, man enye odu ke nsinsi ke iso fo: koro afo, O Ɔbɔŋ Jehovah, ɔmɔdɔhɔ: nyuŋ da nti ŋkpɔ fo diɔŋ ufɔk owo fo ke nsinsi.

ŊWED MME PSALM 134:3

Jehovah emi akanamde enyɔŋ ye isɔŋ, eyetie ke Zion ɔdiɔŋ fi.

ŊWED MME PSALM 17:8

Kpeme mi nte eyen enyin, fuk mi ke mfut mba fo,

ŊWED MME PSALM 28:9

Nyaŋa ikɔt fo, nyuŋ diɔŋ mbon udeme fo: bɔk mmɔ ŋko, nyuŋ menere mmɔ ke enyɔŋ ke nsinsi.

ŊWED MME PSALM 91:11

Koro enye eyewuk mme angel esie abaŋa fi, ete ekpeme fi ke kpukpru usuŋ fo.

ISAIAH 27:3

Ami Jehovah ŋkpeme enye, mbebit enye kpukpru ini: ŋkpekpeme enye ke okoneyo ye uwemeyo, mbak owo edinam enye ŋkpɔ.

ISAIAH 42:6

Ami Jehovah mmokot fi ke edinen ido, nyenyuŋ mmum fi ubɔk ŋkama, nnyuŋ ŋkpeme fi, nnyuŋ nnim fi ke ediomi mbio-obio, ye ke uŋwana mme idut;

DANIEL 9:17

Ke emi, ndien, O Abasi nnyin, kop mkpe-ubɔk owo fo ye eseme esie, nyuŋ yak iso fo ayama ɔnɔ edisana ebiet fo emi abiarade, ke abaŋa Ɔbɔŋ.

JOHN 17:11

Ndiduhe aba ke ererimbot, ndien mmɔ edu ke ererimbot, ndien Ami ke nnyɔŋ ntiene Fi. Edisana Ete, da enyiŋ Fo kama mmɔ emi ɔkɔnɔde Mi, man mmɔ edi kiet, kpa nte nnyin idide kiet.

1 ŊWED CORINTH 14:16

Koro edieke afo otorode Abasi ke spirit, owo eke mimeheke ye usem edinam didie ibɔrɔ ite Amen idian ye ekɔm fo, sia enye mifiɔkke se afo ɔdɔhɔde?

ŊWED MBON EPHESUS 6:24

Mfɔn akpakam odu ye kpukpru mmɔ emi emade Ɔbɔŋ nnyin Jesus Christ ye ima eke midibiarake.

ŊWED MBON PHILIPPI 4:23

Mfɔn Ɔbɔŋ Jesus Christ akpakam odu ye mbufo ke spirit.

ŊWED MBON PHILIPPI 4:7

Ndien emem Abasi, emi ayaŋade ifiɔk owo, eyekpeme mbufo esit ye ekikere ke Christ Jesus.

1 ŊWED THESSALONICA 5:23

Abasi emem ke Idem Esie akpakam anam mbufo esana ofuri-ofuri, onyuŋ ekpeme mbufo ofuri-ofuri ke spirit ye ukpɔŋ ye ikpɔhidem, anam mbufo ekunyene ndo ke ini Ɔbɔŋ nnyin Jesus Christ edidide.

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

JUDE 1:24

Ama edi Enye emi ekemede ndikpeme mbufo, ete, ekuduɔ, ndinyuŋ nnam mbufo eda ke iso Ubɔŋ Esie ke akwa idaresit, enana ndo;

RUTH 2:4

Ndien, sese, Boaz oto ke Beth-lehem edi, ndien enye ɔkɔm mbon ukpeŋe, ete, Jehovah osuk odu ye mbufo. Ndien mmɔ ebɔrɔ enye, ete, Jehovah osuk ɔdiɔŋ fi.

1 SAMUEL 2:9

Enye eyekpeme ukot mbon ima esie, mme idiɔk owo eyenyuŋ edobo ke ekim: koro midige ke odudu ke owo ɔsɔŋ idem.