NUMBERS 5:7 - Edisana ñwed Abasi Ibom

⁷ yak mmɔ eyarare ndien idiɔk ido oro mmɔ ekenamde: ndien yak enye ada iso ŋkpɔ oro enye eduede isop, onyuŋ ɔkɔrɔ ɔyɔhɔ ubak ition ke esit, ndien emen enye ɔnɔ owo oro enye ekeduede.

NUMBERS 5:7 ပူးပေါင်းရင်းမြစ်များ

ŊWED MME PSALM 32:5

Nyesian fi ndudue mi, ndien ŋkofukke mme ukwaŋ-ŋkpɔ mi. Ŋkɔdɔhɔ nte, Nyetiŋ mme idiɔk ido mi nnɔ Jehovah; ndien afo efen ukwaŋ-ŋkpɔ ye ndudue mi. [Selah.]

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

LEVITICUS 26:40

Edieke mmɔ esemede mme idiɔk ido idem mmɔ, ye mme idiɔk ido mme ete mmɔ, ye mme oburobut ido emi mmɔ ekenamde ye ami, ye nte mmɔ esaŋade ŋko ke ndusuara ye ami;

LEVITICUS 26:41

ye nte ami ŋko ŋkasaŋade ke ndusuara ye mmɔ, ŋkonyuŋ nda mmɔ nsin ke isɔŋ mme asua mmɔ; edieke edut esit mmɔ ɔsuhɔde ndien mmɔ enyuŋ enem esit ke ufen ukwaŋ-ŋkpɔ mmɔ:

LEVITICUS 5:15

Adaŋemi owo enamde se minenke, onyuŋ abiatde edisana ŋkpɔ Jehovah ekededi, mikoho koi; yak enye ada isop esie ɔsɔk Jehovah, okukim kiet eke ɔfɔnde ama, eke otode ke ŋkpri ufene, nte afo ɔkɔmde ke shekel silver, esaŋa ye edisana shekel, man edi ŋkpɔ isop:

LEVITICUS 5:16

ntre ke enye edisio usiene edisana ŋkpɔ emi enye abiatde, onyuŋ ada ɔyɔhɔ ubak ition odori ke esit, emen ɔnɔ oku: ntre ke oku edisio isop esie ke okukim uwa ndudue, ndien eyefen enye.

LEVITICUS 5:5

Ndien ama ekem, adaŋemi enye eduede isop ke ŋkpɔ emi kiet, yak enye ayarare ete ke imɔ imedue ke esit;

LEVITICUS 7:7

Uwa isop ebiet uwa idiɔk ido: mmɔ esaŋa ewuhɔ kiet; oku eke edidade enye osio isop, edida enye enyene.

NUMBERS 5:8

Edi owo oro minyeneke owo eke akpafakde enye, man enye (eken) osio isop oro ɔnɔ enye, yak enye osio isop oro ɔnɔ Jehovah, ɔnɔ oku; ɔkɔrɔ ye okukim usio-isop, eke edade esio isop enɔ enye.

LUKE 19:8

Edi Zacchaeus adaha ada, onyuŋ ɔdɔhɔ Ɔbɔŋ ete, Ɔbɔŋ, ke nɔnɔ mme ubuene ubak inyene mi; onyuŋ edieke ŋkɔbɔde owo ŋkpɔ ke ŋkanubɔk, nsosio usiene utim ikanaŋ.

JOSHUA 7:19

Ndien Joshua ɔdɔhɔ Achan, ete, Mbɔk, eyen mi, kpono Jehovah Abasi Israel, nyuŋ toro enye; nyuŋ men se afo akanamde tiŋ nɔ mi, mbɔk, kudip mi.