NUMBERS 4:18 - Edisana ñwed Abasi Ibom

¹⁸ Mbufo ekusibe esien ye mme ufɔk mme Kohathite ke otu nditɔ Levi efep:

NUMBERS 4:18 ပူးပေါင်းရင်းမြစ်များ

EXODUS 19:21

Ndien Jehovah ɔdɔhɔ Moses, ete, Suhɔre, kowuk kpukpru owo, mbak mmɔ edibe edi ndise Jehovah, ndien ediwak mmɔ ekpaŋa.

EXODUS 30:33

Ama edi owo eke edibuakde se ibietde enye, ye owo ŋko eke adade enye eyet esen owo ke idem, yak esibe enye efep ke otu mbio-obio mmɔ.

EXODUS 30:38

Owo anam se ibietde enye ete iŋwune enye, yak esibe enye efep ke otu mbio-obio mmɔ.

JEREMIAH 38:23

Ntem ke mmɔ edisioŋo kpukpru iban fo ye nditɔ fo esɔk mme Chaldean: ndien afo udubɔhɔke mmɔ ke ubɔk: koro ubɔk edidem Babylon eyemum fi: afo eyenyuŋ ɔfɔp obio emi ke ikaŋ.”

NUMBERS 16:32

Isɔŋ onyuŋ atat inua esie emen mmɔ, ye ufɔk mmɔ, ye kpukpru owo emi enyenede Korah, ye kpukpru ŋkpɔ mmɔ.

NUMBERS 17:10

Ekem Jehovah ɔdɔhɔ Moses, ete Da, esaŋ Aaron fiak dinim ke iso ŋkpɔ-ntiense, man enye etie ke idiɔŋɔ ɔnɔ mbon nsɔŋ-ibuot; ntem ke afo edimen ofuri nsuk-uyo mmɔ ke iso mi efep, mbak mmɔ edikpaŋa.

NUMBERS 18:5

Ndien mbufo ekpeme se ekpekpemede ke edisana ebiet, ye ke itie-uwa: man iyaresit okutiene aba nditɔ Israel.

NUMBERS 3:27

Ndien ŋko oruk mme Amramite, ye oruk mme Izharite, ye oruk mme Hebronite, ye oruk mme Uzzielite edi eke Kohath: mme mmɔ edi oruk mme Kohathite.

NUMBERS 4:17

Ndien Jehovah ɔdɔhɔ Moses ye Aaron, ete,

NUMBERS 4:19

Edi enam ntem ye mmɔ, man mmɔ edu uwem, ekukpaŋa, ke ini mmɔ esaŋade ekpere ata edisana ŋkpɔ: yak Aaron ye nditɔ esie eduk, ewut mmɔ kiet kiet utom mmɔ, ye mbiomo mmɔ.

1 SAMUEL 6:19

Ndien enye owot nditɔ Bethshemesh, koro mmɔ ekubɔrede ekebe Jehovah ese, enye owot owo ata ye duop (tɔsin owo aba ye duop) ke otu mbio oro; ndien kpukpru owo etuaŋa, koro Jehovah akamiade mmɔ akamba ufen.