NUMBERS 4:16 - Edisana ñwed Abasi Ibom

¹⁶ Ndien ŋko se Eleazar eyen Aaron oku edikpemede, edi aran utuen-ikaŋ, ye edifuɔŋ incense, ye inuak-udia kpukpru usen, ye aran-nyere, ye erise ofuri ebiet-iduŋ, ye kpukpru se idude ke esit, ke edisana ebiet, ye ke ŋkpɔ unam-utom esie.

NUMBERS 4:16 ပူးပေါင်းရင်းမြစ်များ

EXODUS 25:6

aran ke eke uŋwana, ye ufuɔ-ŋkpɔ ke eke aran-nyere,

EXODUS 30:22

Ndien Jehovah ɔdɔhɔ Moses, ete,

EXODUS 31:11

man eda oku, ye aran-nyere ye edifuɔŋ incense ke eke edisana ubet; yak mmɔ enam kpukpru kpa nte ŋketemede fi.

EXODUS 37:29

Enye ada ubɔk-utom abuak-ufuɔŋ-ŋkpɔ, anam edisana aran nyere, ye ata eti edifuɔŋ incense.

LEVITICUS 24:1

NDIEN Jehovah ɔdɔhɔ Moses, ete, wuk nditɔ Israel ete eda edisana aran olive eke etimde tim,

LEVITICUS 24:2

esɔk fi ke eke uŋwana, man edomo utuenikaŋ kpukpru ini.

LEVITICUS 6:20

ye eke nditɔ esie, eke mmɔ edidade esɔk Jehovah, toto ke usen eke eyetde enye aran; omer eti ndom-uyo kiet ke inuak-udia kpukpru ini, ubak esie ke usenubɔk, ye ubak esie eken ke mbubreyo.

NUMBERS 3:32

Ndien Eleazar eyen Aaron oku edidi etubom mme etubom mme Levite, onyuŋ edi andise mme mmɔ emi ekpemede se ekpekpemede ke edisana ebiet.

NUMBERS 4:17

Ndien Jehovah ɔdɔhɔ Moses ye Aaron, ete,

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

1 ŊWED CORINTH 4:1

YAK owo abat nnyin ntem, ete nnyin idi mme anam-utom Christ ye mme akama-ukpɔhɔre ndibe-ŋkpɔ Abasi.

1ŊWED TIMOTHY 2:5

Koro Abasi kiet odu, Ekpe-emem kiet ke ufɔt Abasi ye owo onyuŋ odu, emi ke Idem Esie edide owo, kpa Christ Jesus;

MME HEBREW 3:1

MMƆDO, ndisana nditɔ-ete, emi enyenede udeme ke ikot eke otode ke heaven, ese Apostle ye Akwa Oku emi nnyin inyimede ite idi ikɔt Esie, kpa Jesus;

MME HEBREW 3:6

edi Christ ke anam akpanikɔ nte Eyen, emi akarade ufɔk Abasi: ndien nnyin idi ufɔk Abasi emi, edieke nnyin isɔŋɔde imum uko nnyin ye mbure eke nnyin iburede ke idori-enyin nnyin tutu osim akpatre.

1 PETER 2:25

Nde unan Esie enam udɔŋɔ okure mbufo. Koro mbufo ekasasaŋa eyo nte erɔŋ, edi ke emi emafiak etiene Andibɔk ye Andikpeme ukpɔŋ mbufo.

1 PETER 5:2

nnyuŋ ndide ntiense ndutuhɔ Christ, nnyuŋ ndide abuana ke ubɔŋ emi ediya-rarede, nte, Ekpeme udim-erɔŋ Abasi emi odude ke otu mbufo; ese ebaŋa mmɔ ke ima esit nte Abasi oyomde, ekuyak etie nte enyenyik mbufo; ekunam emi ebaŋa mbukpo udori, edi enam ke erinyime esit;