NUMBERS 4:15 - Edisana ñwed Abasi Ibom

¹⁵ Ndien ama ekem, ke adaŋemi Aaron ye nditɔ esie efukde edisana ebiet, ye kpukpru ŋkpɔ unam-utom edisana ebiet ema, ke ini ewuhɔrede nna; yak nditɔ Kohath edi ndien edibiom: edi ekuktuk edisana ŋkpɔ baba kiet, mbak mmɔ edikpa. Mme mmɔ emi edi mbiomo nditɔ Kohath ke efe esop.

NUMBERS 4:15 ပူးပေါင်းရင်းမြစ်များ

2 SAMUEL 15:24

Ndien, sese, Zadok ŋko, ye kpukpru mme Levite ŋko-ŋko, ke ebiom ekebe ediomi Abasi: ndien mmɔ ediɔk ekebe Abasi, Abiathar onyuŋ ɔdɔk, tutu kpukpru owo eto ke obio edibe ema.

2 SAMUEL 6:13

Edikem adaŋemi mme andibiom ekebe Jehovah ekesaŋade ikpat itiokiet ema, enye awa enaŋ ye ikpɔ nditɔ enaŋ.

1 NDIDEM 8:3

Ndien adaŋoro kpukpru mbiowo Israel edide, mme oku emen ekebe.

1 CHRONICLES 15:15

Ndien nditɔ mme Levite edori esaŋ ke afara mmɔ ebiom ekebe Abasi, kpa nte Moses eketemede ke uyo Jehovah.

1 CHRONICLES 15:2

Ndien David ɔdɔhɔ, ete, Owo okubiom ekebe Abasi, ke mibɔhɔke mme Levite: koro mmɔ ke Jehovah ekemek ndibiom ekebe Abasi, ndinyuŋ nnam ŋkpɔ esie ke nsinsi.

1 CHRONICLES 23:26

mme Levite ŋko inyeneke aba ndibiom efe iduŋ, ye kpukpru ŋkpɔ unam utom esie.

EXODUS 19:12

Nyuŋ nim adaŋa nɔ kpukpru owo kanare kuk, ete, Mbufo ekpeme idem, ekudɔk ke ɔbot emi, ekunyuŋ etuk mben esie: kpukpru se itukde obot enyene ndikpa.

EXODUS 19:21

Ndien Jehovah ɔdɔhɔ Moses, ete, Suhɔre, kowuk kpukpru owo, mbak mmɔ edibe edi ndise Jehovah, ndien ediwak mmɔ ekpaŋa.

EXODUS 27:7

Ndien esaŋ oro edisine ke mkpanuen oro, esaŋ edinyuŋ edu itie-uwa ke ŋkaŋ mbiba, ke ini ebiomde enye.

LEVITICUS 16:13

Ndien enye odori incense ke ikaŋ ke iso Jehovah, ndien nsuŋikaŋ incense oro eyefuk itie-usio-isop emi odorode ke enyɔŋ ŋkpɔ-ntiense, man enye okukpa mkpa.

NUMBERS 1:50

Edi nim mme Levite ete ekama ebiet-iduŋ ŋkpɔ-ntiense, ye kpukpru ŋkpɔ unam utom esie, ye kpukpru se inyenede enye: edi mmɔ edibiom ebiet-iduŋ emi, ye kpukpru ŋkpɔ unam utom esie: onyuŋ edi mmɔ edinam utom esie, enyuŋ ena ekan ebiet-iduŋ emi ekuk.

NUMBERS 1:51

Ndien ke ini eyomde ndiwuhɔre ebiet-iduŋ, mme Levite ewuri enye: ndien ŋko ke eyomde ebiet-iduŋ ndiwuk, mme Levite enyuŋ eneŋere enye ewuk; ndien esen owo eke asaŋade ekpere enyene ndikpa.

NUMBERS 10:21

Ndien mme Kohathite emen edisana ŋkpɔ ebiom edaŋa: ndien mmɔ eken ewuk ebiet-iduŋ, ndien mmɔ (mme Kohathite) ediwɔrɔ.

NUMBERS 18:3

Ndien yak mmɔ ekpeme se afo etemede mmɔ ekpeme, ye ŋkpɔ emi ekpekpemede ke ofuri efe oro: edi mmɔ ekusaŋa ekpere ŋkpɔ unam-utom edisana ebiet, ye itie-uwa, mbak mmɔ, ye mbufo ŋko edikpa mkpa.

NUMBERS 3:38

Ndien mme mmɔ emi ediwukde tent ke iso ebiet-iduŋ ke iso efe esop, ke edem usiaha-utin, edidi Moses, ye Aaron ye nditɔ esie, emi ekpemede se ekpekpemede ke edisana ebiet, emi edide se nditɔ Israel ekpekpemede: ndien esen owo eke asaŋade ekpere enyene ndikpa:

NUMBERS 4:14

Ndien yak mmɔ eda kpukpru ŋkpɔ esie, eke edade enam ke esit, edori ke enyɔŋ, kpa mme uda-ikaŋ ye mme fork, ye mme uwobi-ntɔŋ, ye mme basin, kpukpru ŋkpɔ unam-utom itie-uwa; ndien yak eda ufuhɔ-ŋkpɔ ikpa badger efuk enye, enyuŋ esin eto esie.

NUMBERS 4:19

Edi enam ntem ye mmɔ, man mmɔ edu uwem, ekukpaŋa, ke ini mmɔ esaŋade ekpere ata edisana ŋkpɔ: yak Aaron ye nditɔ esie eduk, ewut mmɔ kiet kiet utom mmɔ, ye mbiomo mmɔ.

NUMBERS 4:20

Edi yak mmɔ ekuduk ekese baba ini kiet, adaŋemi efefuk mme edisana ŋkpɔ, mbak mmɔ edikpaŋa.

NUMBERS 7:9

Edi inɔŋɔ nditɔ Kohath: koro utom edisana ebiet enyenede mmɔ, mmɔ ebiom ke afara.

DEUTERONOMY 31:9

Ndien Moses ewet ŋwed mbet emi, onyuŋ emen enye ɔnɔ mme oku, nditɔ Levi, emi ebiomde ekebe ediomi Jehovah, onyuŋ ɔnɔ kpukpru mbiowo Israel.

JOSHUA 4:10

Ndien mme oku emi ebiomde ekebe eda ke ufɔt Jordan, tutu mmɔ ema kpukpru ŋkpɔ emi Jehovah eketemede Joshua, ete etiŋ ɔnɔ mbon oro, ekem ye kpukpru se Moses eketemede Joshua: ndien mmɔ esɔp ukot ebe.

1 SAMUEL 6:19

Ndien enye owot nditɔ Bethshemesh, koro mmɔ ekubɔrede ekebe Jehovah ese, enye owot owo ata ye duop (tɔsin owo aba ye duop) ke otu mbio oro; ndien kpukpru owo etuaŋa, koro Jehovah akamiade mmɔ akamba ufen.