NUMBERS 35:12 - Edisana ñwed Abasi Ibom

¹² Ndien mmɔ eyedi obio eke mbufo edidade ebɔhɔ osio-usiene: man owot-owo okukpa, tutu enye edi ikpe ke iso mbon esop.

NUMBERS 35:12 ပူးပေါင်းရင်းမြစ်များ

2 SAMUEL 14:7

Ndien, sese, ofuri oruk nnyin emedaha ke enyɔŋ enam ikɔ ye ofun aŋwan fo, enyuŋ edɔhɔ ete, Nɔ anditɔ eyeneka esie, man nnyin inyuŋ iwot enye ibaŋa uwem eyeneka esie emi enye okowotde; ndien nnyin iyenyuŋ isobo adia-akpa ŋko: ndien ntre ke mmɔ edinime ebok ikaŋ mi emi ɔsuhɔde, idinyuŋ isuhɔke enyiŋ ye nsuhɔ inɔ ebe mi ke iso isɔŋ.

NUMBERS 35:13

Ndien mme obio emi mbufo edinɔde, edidi obio-ubɔhɔ itiokiet mbufo:

NUMBERS 35:19

Edi osio-usiene iyip enyene ndiwot owot-owo: ini eke enye okutde enye, yak owot enye.

DEUTERONOMY 19:4

Ndien emi edi ikɔ owot-owo eke edifehede aka do, man odu uwem: owo eke mikoho koi iwot mbɔhiduŋ esie, ke mika-isuaha enye ke mbemiso;

DEUTERONOMY 19:6

mbak osio-usiene iyip edibine owot-owo oro, koro esit ofiopde enye, onyuŋ osim enye, koro usuŋ oyomde, ndien ɔtɔ enye owot; emi enye midotke ndikpa, koro mikasuaha enye ke mbemiso.

JOSHUA 20:2

Mbufo esio ndien mme obio-ubɔhɔ emi ŋkɔdɔhɔde mbufo ke inua Moses, enim enɔ idem-mbufo:

JOSHUA 20:9

Mme obio emi ke mmɔ ekenim enɔ kpukpru nditɔ Israel, ye esen owo eke eduŋde ke otu mmɔ, kpaŋ kpukpru owot-owo, eke mikoho koi inam, ekpefehe eka do, ekunyuŋ ekpa ke ubɔk osio-usiene iyip, tutu mmɔ edi ikpe ke iso mbon-esop.