NUMBERS 34:2 - Edisana ñwed Abasi Ibom

² Ke adaŋemi mbufo edukde ke isɔŋ Canaan, emi edi isɔŋ emi ediwɔrɔde edi udeme mbufo, kpa isɔŋ Canaan ke ofuri adaŋa esie.

NUMBERS 34:2 ပူးပေါင်းရင်းမြစ်များ

GENESIS 10:19

Canaanite esiaha. Ndien adaŋa mme Canaanite ɔtɔŋɔ ke Zidon aka ke Gerar, osim Gaza; aka Sodom ye Gomorrah, ye Admah,

GENESIS 17:8

Nyenyuŋ nda isɔŋ emi afo edide esen owo ke esit, kpa ofuri isɔŋ Canaan nnɔ fi, ye ubon fo eke editienede fi, ke nsinsi udeme; ndien ami nyedi Abasi mmɔ.

ŊWED MME PSALM 105:11

Nyenɔ fi isɔŋ Canaan, udeme emi edomode enɔ mbufo.

EXODUS 23:31

Nyenyuŋ nnim mme adaŋa fo, ɔtɔŋɔde ke Ididuot Inyaŋ tutu atuak ke Inyaŋ mme Philistine, onyuŋ ɔtɔŋɔde ke wilderness tutu osim ke Akpa: koro ndidade mme andiduŋ isɔŋ oro nsin fi ke ubɔk; ndien afo eyebin mmɔ ke iso fo efep.

JEREMIAH 3:19

Edi ami ndɔhɔ nte, Ndinam didie nsin fi ke otu nditɔ mi, nnyuŋ nnɔ fi isɔŋ inemesit, kpa ata ediye udeme udim mme idut? Ndien ndɔhɔ nte, Kot mi, ete, Ete mi: kunyuŋ ufiak edem ukpɔŋ mi.

EZEKIEL 47:13

Ntem ke Ɔbɔŋ Jehovah ɔdɔhɔ, ete, Emi edi adaŋa eke mbufo edidade edeme isɔŋ emi enɔ mme esien Israel duopeba. Yak Joseph ada ubak iba.

EZEKIEL 47:14

Ndien mbufo edeme enye eda, kpukpru owo ukem-ukem, isɔŋ emi ŋkemenerede ubɔk mi, nte ke nyeda enye nnɔ mme ete mbufo; ndien isɔŋ emi eyeduɔ ɔnɔ mbufo ke udeme.

NUMBERS 34:1

NDIEN Jehovah ɔdɔhɔ Moses, ete, Teme nditɔ Israel, nyuŋ dɔhɔ mmɔ, ete,

UTOM MME APOSTLE 17:26

Enye anam kpukpru mme idut eto ke ekpuk kiet ewɔrɔ ediduŋ ke ofuri iso isɔŋ: onyuŋ edi Enye onim iduɔk ini uwem mmɔ ye adaŋa ebiet iduŋ mmɔ;

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

ŊWED MBON EPHESUS 1:14

kpa Spirit emi edide akpa ubak udeme nnyin, tutu osim ini eke edifakde ofuri udeme enɔ nnyin ida inyene, man ubɔŋ Abasi enyene itoro.

ŊWED MBON EPHESUS 1:18

Enye akpakam onyuŋ aŋwaŋa enyin esit mbufo, man mbufo efiɔk se idori-enyin eke Enye okotde nnyin idibɔ edide;

JOSHUA 11:23

Ntem ke Joshua ada ofuri edem oro, ekem ke kpukpru se Jehovah ɔkɔdɔhɔde Moses; ndien Joshua ada enye ɔnɔ Israel ke udeme, nte mbak mmɔ ye esien mmɔ edide: ndien isɔŋ ɔduɔk odudu ekɔŋ.

JOSHUA 13:1

EKEM Joshua akabare akani eren, osim ediwak usen; ndien Jehovah ɔdɔhɔ enye, ete, Afo eyedi akani eren, omosim ediwak usen; ndien osuk ediwak isɔŋ eti-eti eke ekpedade.

JOSHUA 21:43

Ntem Jehovah ɔnɔ Israel ofuri isɔŋ oro enye ɔkɔŋwɔŋɔde, ete iyenɔ mme ete mmɔ; eda enye enyene, enyuŋ eduŋ ke esit.