NUMBERS 32:33 - Edisana ñwed Abasi Ibom

³³ Ndien Moses emen idut Sihon edidem mme Amorite, ye idut Og edidem Bashan, idem isɔŋ, nte mme obio esie esaŋade ke mme adaŋa, kpa mme obio ke isɔŋ emi akande okuk, ɔnɔ mmɔ, kpa nditɔ Gad, ye nditɔ Reuben, ye ubak nditɔ Manasseh eyen Joseph.

NUMBERS 32:33 ပူးပေါင်းရင်းမြစ်များ

1 CHRONICLES 12:31

Eke ibio esien Manasseh ŋko, tɔsin owo efureta emi ekesiakde mmɔ enyiŋ, ete mmɔ eka ekenim David ke edidem.

1 CHRONICLES 26:32

ye nditɔ-ete esie, mkpɔsɔŋ owo, tɔsin mme etubom mme ete ke itie iba, ye ikie itiaba, ndien David edidem onim mmɔ ke mbɔŋ mme Reubenite, ye eke mme Gadite, ye eke ubak esien Manasseh, ke kpukpru ŋkpɔ Abasi ye ŋkpɔ edidem.

1 CHRONICLES 5:18

Nditɔ Reuben, ye mme Gadite, ye ibio esien Manasseh, emi edide mbon-uko, owo emi ekamade otu ekɔŋ ye ofut, enyuŋ etopde utiga, enyuŋ efiɔkde ekɔŋ, eti-eti edi tɔsin, tɔsin, ke itie aba ye inaŋ, ye ikie itiaba ye ata emi ewɔrɔde udim ekɔŋ.

NUMBERS 32:1

NDIEN nditɔ Reuben ye nditɔ Gad enyene ata ediwak ufene eti-eti: ndien adaŋemi mmɔ ekutde isɔŋ Jazer, ye isɔŋ Gilead, ete, Sese, ebiet oro edi ebiet ufene;

NUMBERS 32:32

Nnyin iyebɔbɔ mbɔbɔ ekɔŋ isaŋa ibe ke iso Jehovah ika isɔŋ Canaan, ndien nnyin iyeda udeme nnyin ke edem Jordan oko.

NUMBERS 34:14

koro esien nditɔ Reuben ke ufɔk mme ete mmɔ, ye esien nditɔ Gad ke ufɔk mme ete mmɔ ema ebɔ; ubak esien Manasseh ama onyuŋ ɔbɔ udeme mmɔ:

NUMBERS 34:15

mme esien iba ye ubak esien ema ebɔ udeme mmɔ ke edem Jordan Jericho oko, ese edem usiaha-utin.

DEUTERONOMY 29:8

ndien nnyin ida isɔŋ mmɔ inɔ mme Reubenite, ye mme Gadite, ye ibio esien Manasseh ke udeme.

JOSHUA 12:1

NDIEN mme mmɔ emi edi mbɔŋ edem oro nditɔ Israel ekekande, enyuŋ eda isɔŋ mmɔ, ke edem Jordan oko ke usiaha-utin, ɔtɔŋɔde ke itihere Arnon tutu osim ke Hermon, ye ofuri itihere Jordan ese edem usiaha-utin:

JOSHUA 12:6

Moses owo Jehovah, ye nditɔ Israel esuan mmɔ oro: ndien Moses owo Jehovah ada enye ɔnɔ mme Reubenite, ye mme Gadite, ye ibio esien Manasseh, ete eda enyene.

JOSHUA 14:3

Koro Moses ama akada udeme ɔnɔ esien iba ye ubak esien kiet ke edem Jordan oko; edi ikɔnɔŋɔ mme Levite udeme ke otu mmɔ.

JOSHUA 22:4

Ndien ke emi Jehovah Abasi mbufo ɔmɔnɔ nditɔ-ete mbufo nduɔk-odudu, kpa nte enye ɔkɔdɔhɔde mmɔ: mbufo enyɔŋɔ, ndien, eka ke mme tent mbufo, ke isɔŋ emi mbufo edade, emi Moses owo Jehovah ɔkɔnɔde mbufo ke edem Jordan oko.

JOSHUA 22:7

Ndien Moses ɔkɔnɔ ubak esien Manasseh udeme ke Bashan: ndien Joshua ɔnɔ ubak eken udeme ke otu nditɔ-ete mmɔ ke edem Jordan oko emi utin osopde. Ndien ŋko ke ini Joshua ayakde mmɔ enyɔŋɔ ke mme tent mmɔ, enye ɔdiɔŋ mmɔ,

1 SAMUEL 13:7

Mme Hebrew enyuŋ ebe Jordan eka ke isɔŋ Gad ye Gilead. Ama edi Saul, enye osuk etie ke Gilgal, ndien kpukpru owo etiene enye ke nnyekidem.