NUMBERS 32:32 - Edisana ñwed Abasi Ibom

³² Nnyin iyebɔbɔ mbɔbɔ ekɔŋ isaŋa ibe ke iso Jehovah ika isɔŋ Canaan, ndien nnyin iyeda udeme nnyin ke edem Jordan oko.

NUMBERS 32:32 ပူးပေါင်းရင်းမြစ်များ

LEVITICUS 14:34

Ke adaŋemi mbufo edidukde ke isɔŋ Canaan, emi ami nyomde ndinɔ mbufo enyene, ndinyuŋ nsinde udɔŋɔ akpa-mfia ke ufɔk ke isɔŋ emi mbufo edinyenede;

NUMBERS 32:19

Koro nnyin miyomke ndida udeme nnyin ye mmɔ ke edem Jordan oko, ye ke anyan ebiet; koro udeme nnyin ɔmɔwɔrɔ ɔnɔ nnyin ke edem Jordan emi utin asiahade.

NUMBERS 32:31

Ndien nditɔ Gad, ye nditɔ Reuben ebɔrɔ ete, se Jehovah ɔdɔhɔde nnyin ikɔt fo, kpa ntre ke nnyin idinam.

NUMBERS 32:33

Ndien Moses emen idut Sihon edidem mme Amorite, ye idut Og edidem Bashan, idem isɔŋ, nte mme obio esie esaŋade ke mme adaŋa, kpa mme obio ke isɔŋ emi akande okuk, ɔnɔ mmɔ, kpa nditɔ Gad, ye nditɔ Reuben, ye ubak nditɔ Manasseh eyen Joseph.

NUMBERS 34:15

mme esien iba ye ubak esien ema ebɔ udeme mmɔ ke edem Jordan Jericho oko, ese edem usiaha-utin.

DEUTERONOMY 1:1

MME ikɔ emi ke Moses ɔkɔdɔhɔ ye ofuri Israel ke edem Jordan oko ke wilderness, ke itihere emi asakde iso ese Suph, ke ufɔt Paran, ye Tophel, ye Laban, ye Hazeroth, ye Dizahab.

DEUTERONOMY 29:8

ndien nnyin ida isɔŋ mmɔ inɔ mme Reubenite, ye mme Gadite, ye ibio esien Manasseh ke udeme.

DEUTERONOMY 3:12

Ndien mmen isɔŋ emi nnyin ikedade ke ini oro, ɔtɔŋɔde ke Aroer, emi odude ke mben itihere Arnon, ye ubak obot Gilead, ye mme obio esie, nnɔ mme Reubenite ye mme Gadite.

JOSHUA 12:1

NDIEN mme mmɔ emi edi mbɔŋ edem oro nditɔ Israel ekekande, enyuŋ eda isɔŋ mmɔ, ke edem Jordan oko ke usiaha-utin, ɔtɔŋɔde ke itihere Arnon tutu osim ke Hermon, ye ofuri itihere Jordan ese edem usiaha-utin:

JOSHUA 12:6

Moses owo Jehovah, ye nditɔ Israel esuan mmɔ oro: ndien Moses owo Jehovah ada enye ɔnɔ mme Reubenite, ye mme Gadite, ye ibio esien Manasseh, ete eda enyene.