NUMBERS 32:23 - Edisana ñwed Abasi Ibom

²³ Edi edieke mbufo midinyimeke ndinam ntem, sese, mbufo enam idiɔk ye Jehovah: ndien mbufo etim efiɔk ete ke idiɔk ido mbufo eyesim mbufo.

NUMBERS 32:23 ပူးပေါင်းရင်းမြစ်များ

GENESIS 13:13

Ndien nditɔ Sodom edediɔk, mmɔ edue Jehovah eti eti.

GENESIS 4:7

Afo akpanam eti ŋkpɔ, nte (iso) ikpeneŋekede fi? Edi munamke eti ŋkpɔ, idiɔk ŋkpɔ ke ana ke enyin usuŋ. Enye eyenyuŋ osuk idem ɔnɔ fi, ndien afo eyekan enye.

GENESIS 44:16

Ndien Judah ɔdɔhɔ ete, Nnyin ididɔhɔ didie ye ɔbɔŋ mi? nnyin iditiŋ nso? inam didie ikaŋ idem nnyin? Abasi ama okut idiɔk-ŋkpɔ ifin fo: sese, nnyin idi ifin ɔbɔŋ mi, ye nnyin, ye owo emi ekutde enye cup ke ubɔk.

2 SAMUEL 3:39

Ndien ami ndi mfefere mfin emi, okposuk edi nte ekeyetde mi aran enim ke edidem: mbon emi, nditɔ Zeruiaih enyuŋ esɔŋ ekan mi: Jehovah eyesio usiene ye owo eke anamde idiɔk nte ekemde ke idiɔk ido esie.

1 NDIDEM 2:32

Ntem ke Jehovah anam iyip esie afiak odoro enye ke ibuot, koro enye okokpokde owo iba emi enende, enyuŋ efɔnde ekan enye, okonyuŋ owotde mmɔ ke ofut, ke ini David ete mi mifiɔkke, kpa Abner eyen Ner, etubom mbon-ekɔŋ Israel, ye Amasa eyen Jether, etubom mbon-ekɔŋ Judah.

1 NDIDEM 2:33

Ntem ke iyip mmɔ edifiak odoro Joab ke ibuot, ye ke ibuot ubon esie ke nsinsi: edi David, ye ubon esie, ye ufɔk esie, ye ebekpo esie enyenyene ifure ke nsinsi oto Jehovah.

ŊWED MME PSALM 139:11

Ndien ndɔhɔ, nte, “Ŋkɔm ekim ofuk mi,” kpa okoneyo akabare edi uŋwana akan mi okuk.

ŊWED MME PSALM 140:11

Owo inua idisɔŋɔke ida ke isɔŋ: owo afai eyekut idiɔk; eyebine enye osobo.

ŊWED MME PSALM 90:8

Afo omonim mme idiɔk ido nnyin ke iso fo; onim ndibe-ndibe ŋkpɔ nnyin ke uŋwana iso fo.

MME ŊKE 13:21

Idiɔk eyebine mme anam-idiɔk: edi eyeda ufɔn enɔ nti owo ke ŋkpɔ eyen utom.

MME ŊKE 24:16

Koro eti owo ɔduɔde utim ikatiaba, ndien adaha ke enyɔŋ: edi mme idiɔk owo eyetuaha ke idiɔk.

MME ŊKE 5:22

Oburobut ido idiɔk owo eyemum enye, uruk idiɔk-ŋkpɔ esiemɔ eyenyuŋ ɔsɔŋɔ esike enye.

ISAIAH 3:11

Ifɔnke fɔn inɔ idiɔk owo! ke ɔdiɔk: koro eyenam enye se ubɔk esie anamde.

ISAIAH 59:12

Koro mme idiɔk ido nnyin ewakde ke iso fo, mme ukwaŋ-ŋkpɔ nnyin enyuŋ ebɔrɔ ebaŋa nnyin: koro mme idiɔk ido nnyin edude ye nnyin; ndien ama edi mme ukwaŋ-ŋkpɔ nnyin imɔfiɔk mmɔ.

JONAH 1:7

Ndien mmɔ edɔhɔ kiet ye kiet, ete, Ekam eyeak nnyin isin afia ifiɔk owo eke idiɔk ŋkpɔ emi otibede ɔnɔ nnyin abaŋa enye. Ndien adaŋemi mmɔ esinde afia, afia otip Jonah.

ŊWED MBON ROME 2:9

Ukut ye ɔkpɔsɔŋ ndutuhɔ eyedoro kpukpru ukpɔŋ owo eke enamde idiɔk-ŋkpɔ, odoro Jew ke akpa-itie, onyuŋ odoro Greek ŋko;

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

JOSHUA 7:18

Ndien enye ada ufɔk esie owo kiet kiet, edi; ndien eda Achan, eyen Carmi, eyen Zabdi, eyen Zerah, owo esien Judah.