NUMBERS 31:8 - Edisana ñwed Abasi Ibom

⁸ Mmɔ enyuŋ ewot mbɔŋ Midian, ekɔrɔ ye mmɔ (efen) emi mmɔ ekewotde; Evi, ye Rekem, ye Zur, ye Hur, ye Reba, mbɔŋ Midian ition: mmɔ enyuŋ ewot Balaam eyen Beor ke ofut.

NUMBERS 31:8 ပူးပေါင်းရင်းမြစ်များ

ŊWED MME PSALM 10:2

Oto ke iseri mme idiɔk owo mme ubuene ekut ndutuhɔ: emum mmɔ ke mme uduak emi mmɔ (mme idiɔk owo) eduakde.

ŊWED MME PSALM 9:16

enye ekpe ikpe; utom ubɔk idiɔk owo esike owo ke idem esie. Higgaion. Selah.

MME ŊKE 11:3

Akpanikɔ mbon eti ido eyeteme mmɔ usuŋ: edi ukwaŋ-ido mme osu-nsu eyesobo mmɔ.

MME ŊKE 13:17

Idiɔk isuŋ-utom eyeduɔ ke ukut: edi usuŋ akpanikɔ edi nsɔŋidem.

HABAKKUK 3:7

Ŋkokut mme tent Cushan ke itie-ukut: mme ikpehe isɔŋ Midian enyek.

NUMBERS 22:10

Ndien Balaam ɔbɔrɔ Abasi, ete, Balak eyen Zippor, edidem Moab,

NUMBERS 22:4

Ndien Moab ɔdɔhɔ ye mbiowo Midian, ete, Ke emi ke udim emi edita kpukpru se ikande nnyin ikuk, kpa nte enaŋ atade mbiet isɔŋ. Balak eyen Zippor onyuŋ edi edidem Moab ke eyo oro.

NUMBERS 22:5

Ndien enye ɔdɔŋ mme isuŋtom ke ɔtɔ Balaam eyen Beor ke Pethor, emi odude ke mben akpa, ke isɔŋ nditɔ obio mmɔ, ete, ekot enye edi, ete, Sese mbio emeto ke Egypt edi: sese, mmɔ efuk iso isɔŋ, mmɔ enyuŋ etie esak iso ese mi.

NUMBERS 23:10

Anie abat obu Jacob, ye ibat ɔyɔhɔ Israel inaŋ? Ŋkpakam mkpa mkpa eti owo, utit mi akam onyuŋ etie nte esie!

NUMBERS 24:14

Ndien, sese, ami mmɔŋ nnyɔŋ ntiene oruk mi: yak nsian fi ndien se mbon emi edinamde mbon fo ke ini iso.

NUMBERS 24:25

Ekem Balaam adaha ke enyɔŋ, ɔnyɔŋ ke ebiet esie: Balak onyuŋ ɔnyɔŋ esie ŋko.

NUMBERS 25:15

Ndien enyiŋ aŋwan a Midian emi ekewotde, ekere Cozbi, eyen Zur: enye ekedi ɔbɔŋ oruk kiet ke ufɔk ete kiet ke Midian.

NUMBERS 25:18

Koro mmɔ ekedutuhɔde mbufo ke ŋkari emi mmɔ ekaride mbufo ke ikɔ Peor, ye ke ikɔ Cozbi, eyen ɔbɔŋ Midian, eyen-ete mmɔ aŋwan, emi ekewotde ke usen idiɔk udɔŋɔ (emi otibede) abaŋa Peor.

NUMBERS 31:16

Sese, edi mme mmɔ emi ekesin nditɔ Israel edue Jehovah ke ikɔ Peor, ke uyo Balaam, ndien idiɔk udɔŋɔ oro otibe ke otu mbio esop Jehovah.

NUMBERS 31:9

Ndien nditɔ Israel etaŋ iban Midian, ye nditɔwɔŋ mmɔ, eda enyɔŋɔ, enyuŋ ebume kpukpru enaŋ mmɔ, ye kpukpru ŋkpri ufene mmɔ, ye kpukpru inyene mmɔ.

2 PETER 2:15

Mmɔ ekpɔŋ edinen usuŋ ediyo ebine afaŋ Balaam eyen Beor, emi akamade utip ukwaŋido;

JUDE 1:11

Idifɔnke fɔn inɔ mmɔ! koro mmɔ ekasaŋade ke afaŋ Cain, enyuŋ eduɔkde idem ke nduyo Balaam ke ntak udori, enyuŋ etak ke nsɔŋ-ibuot Korah.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

ERIYARARE 2:14

Edi mmenyene ndusuk ŋkpɔ eke ndade mbiom fi, ete, emenyene ndusuk owo do eke emumde ukpep-ŋkpɔ Balaam ekama, emi ekekpepde Balak ndinim ŋkpɔ-iduɔ ke iso nditɔ Israel, ete edia se ekewade enɔ ndem, enyuŋ enam use: