NUMBERS 31:6 - Edisana ñwed Abasi Ibom

⁶ Ekem Moses ada mmɔ kpa tɔsin owo ke kpukpru mme esien, ɔdɔŋ mmɔ eka ekɔŋ, mmɔ, ye Phinehas eyen Eleazar oku, ye mme edisana ŋkpɔ, kpa mme ukorowo eke enye akamade ke ubɔk aduat.

NUMBERS 31:6 ပူးပေါင်းရင်းမြစ်များ

2 SAMUEL 11:11

Ndien Uriah ɔdɔhɔ David, ete, Ekebe (Jehovah), ye Israel, ye Judah, ke etie ke ataya; etubom mi, Joab, ye ikɔt ɔbɔŋ mi, enyuŋ enena ke ntaŋwaŋ ebiet; nte ami ndiduk ke ufɔk mi, ndien, ndidia ŋkpɔ, nnyuŋ ŋŋwɔŋ, nnyuŋ ndaŋ ye ŋwan mi? Ma uwem fo, ye uwem ukpɔŋ fo, ndinamke ŋkpɔ emi.

EZRA 7:5

eyen Abishua, eyen Phinehas, eyen Eleazar, eyen Aaron, ɔbɔŋ oku:

EXODUS 25:9

Kpa nte emi ami ŋwutde fi kpukpru ŋkpɔ, kpa mbiet ebiet-iduŋ, ye mbiet kpukpru ŋkpɔ utom esie, kpasuk ntre ke mbufo edinam enye.

NUMBERS 14:44

Edi mmɔ esɔŋ esit edɔk ke ibuot obot: edi ekebe ediomi Jehovah, ye Moses iwɔrɔke ke nna.

NUMBERS 31:5

Ndien mmɔ edianare tɔsin owo kiet ke esien, ke ofuri mme tɔsin Israel, tɔsin owo duopeba, emi ekebɔbɔde mbɔbɔ ekɔŋ.

DEUTERONOMY 20:2

Ndien ama ekem ke ini mbufo esaŋade ekpere itie ekɔŋ, yak oku oto edi edidɔhɔ kpukpru owo;

JOSHUA 22:13

Ndien nditɔ Israel edɔŋ Phinehas, eyen Eleazar oku utom ke ɔtɔ nditɔ Reuben, ye eke nditɔ Gad, ye eke ubak esien Manasseh,

1 SAMUEL 14:18

Ndien Saul ɔdɔhɔ Ahijah, ete, Da ekebe Abasi di: koro ekebe Abasi odude ye nditɔ Israel ke ini oro.

1 SAMUEL 23:9

Ekem David edifiɔk ete ke Saul ɔmɔŋ aduak imɔ idiɔk-ŋkpɔ ndinam: ndien enye ɔdɔhɔ Abiathar oku, ete, Da ephod di.

1 SAMUEL 4:17

Ndien isuŋutom ɔbɔrɔ, ete, Israel emefehe ke iso mme Philistine, ema enyuŋ ewot ediwak owo ke otu ikɔt nnyin; nditɔ fo mbiba, Hophni ye Phinehas, ema enyuŋ ekpa ŋko; ema enyuŋ eda ekebe Abasi.