NUMBERS 31:4 - Edisana ñwed Abasi Ibom

⁴ Mbufo esioŋo tɔsin owo kiet kiet ke kpukpru mme esien, ke ofuri mme esien Israel, edɔŋ mmɔ eka ekɔŋ.

NUMBERS 31:4 ပူးပေါင်းရင်းမြစ်များ

LEVITICUS 26:8

Mbufo owo ition eyebine ikie, mbufo owo ikie eyenyuŋ enam tɔsin duop efeŋe; ndien mme asua mbufo eyeduɔŋɔ ke ofut ke iso mbufo.

NUMBERS 31:3

Ndien Moses ɔdɔhɔ kpukpru owo, ete, Yak ndusuk owo ke otu mbufo ebɔbɔ mbɔbɔ ekɔŋ, eka ekeŋwana ye Midian, esio usiene ye Midian enɔ Jehovah.

NUMBERS 31:5

Ndien mmɔ edianare tɔsin owo kiet ke esien, ke ofuri mme tɔsin Israel, tɔsin owo duopeba, emi ekebɔbɔde mbɔbɔ ekɔŋ.

JUDGES 7:2

Ndien Jehovah ɔdɔhɔ Gideon, ete, Mme mmɔ emi edude ye afo ewak ekan nte ndade Midian nsin mmɔ ke ubɔk, mbak Israel edibure mbure ye ami, ete, Ubɔk mi akanyaŋa mi.

1 SAMUEL 14:6

Ndien Jonathan ɔdɔhɔ akparawa oro obiomde ŋkpɔ-ekɔŋ esie, ete, Di, yak nnyin ibe ika ke itie mbon-ekɔŋ mme edut emi: ndusuk Jehovah eyenam ŋkpɔ ɔnɔ nnyin: koro ŋkpɔ baba kiet mikpanke Jehovah ndida uwak mme esisit nnyaŋa.