NUMBERS 31:29 - Edisana ñwed Abasi Ibom

²⁹ mbufo esio enye ke udeme mmɔ, ndien da enye nɔ Eleazar oku, ke edimenere uwa Jehovah.

NUMBERS 31:29 ပူးပေါင်းရင်းမြစ်များ

EXODUS 29:27

Nyuŋ da ikɔŋ-esit edifuŋ uwa, ye ukot edimenere uwa, eke efuŋde, enyuŋ emenerede ke enyɔŋ, ke okukim ɔyɔhɔ-ubɔk, emi enyenede Aaron, ye emi enyenede nditɔ esie, nim ke edisana ŋkpɔ:

NUMBERS 18:26

ete mmɔ, Ke adaŋemi mbufo ebɔde nditɔ Israel ɔyɔhɔ ubak duop emi ŋkɔbɔde mmɔ nnɔ mbufo ke udeme mbufo, mbufo esio ndien ɔyɔhɔ ubak duop ke esit, kpa ke ɔyɔhɔ ubak duop oro, emen enɔ Jehovah ke edimenere uwa.

NUMBERS 18:28

Ntem ke mbufo nde edisio edimenere uwa Jehovah ke kpukpru ɔyɔhɔ ubak duop mbufo, emi mbufo ebɔde nditɔ Israel, ewa; mbufo enyuŋ esio edimenere uwa Jehovah ke esit enɔ Aaron oku.

NUMBERS 31:28

ndien bɔ mbon ekɔŋ emi ekewɔŋɔde eka ekɔŋ, utomo nɔ Jehovah: ukpɔŋ kiet ke itie ikie ition, ke owo, ye ke enaŋ, ye ke mme ass, ye ke ŋkpri ufene:

NUMBERS 31:30

Ndien ŋko, ama edi udeme nditɔ Israel, sio kiet ke itie aba ye duop, ke owo, ye ke enaŋ, ye ke mme ass ye ke ŋkpri ufene, ye ke kpukpru oruk unam, ndien da mmɔ nɔ mme Levite emi enyenede nditiŋ enyin ke ebiet-iduŋ Jehovah.

DEUTERONOMY 12:12

ndien mbufo, ye nditɔ-iren mbufo, ye nditɔ mbufo iban, ye ifin iren mbufo, ye ifin iban mbufo, eyedat esit ke iso Jehovah, ye mme Levite emi edude ke mme obio mbufo: koro mmɔ midaha ubak ye udeme ke otu mbufo.

DEUTERONOMY 12:19

Adaŋa ini nte afo edidude ke isɔŋ fo, kpeme idem fo mbak afo ediduɔk mme Levite.