NUMBERS 30:8 - Edisana ñwed Abasi Ibom

⁸ Edi edieke ebe esie akpande enye, ke usen emi enye okopde; ntem ke enye abiat akaŋa esie emi enye akaŋade, ye ŋkpɔ oro okotode enye ke inua, emi enye adade ebet idem esie: ndien Jehovah eyedahado ɔnɔ enye.

NUMBERS 30:8 ပူးပေါင်းရင်းမြစ်များ

GENESIS 3:16

Enye ɔdɔhɔ ŋwan ete, Nyenam ubiak uman fo awawak: ke ubiak ke afo ediman nditɔ; eyenyuŋ osuk idem ɔnɔ uberi ndien enye eyekan fi.

JEREMIAH 44:19

Ndien emi nnyin ikɔfɔpde ŋkpɔ inɔ ɔbɔŋ-aŋwan ikpa-enyɔŋ, inyuŋ iŋwaŋade uwa ediŋwɔŋ ŋkpɔ inɔ enye, nte nnyin ima ikpɔŋ mme ebe nnyin inam mfefere uyo inɔ enye, man ituak ibuot inɔ enye, inyuŋ iŋwaŋa uwa ediŋwɔŋ-ŋkpɔ inɔ enye?

LEVITICUS 5:4

Mme edi eke owo ɔsɔpde inua ɔŋwɔŋɔ ete imɔ iyenam idiɔk, mme inyuŋ inam eti, se isuk ididi eke owo edisɔpde inua asiak ke uŋwɔŋɔ, ndien odibe enye; adaŋemi enye edifiɔkde, enye enyene isop ndien ke emi kiet.

NUMBERS 30:5

Edi ete esie ama akpan enye ke usen emi enye okopde; baba akaŋa esie kiet, ye ibet emi enye ebetde idem esie, idisɔŋɔke ida: ndien Jehovah eyedahado ɔnɔ enye, koro ete esie akpande enye.

NUMBERS 30:7

ndien ebe esie edikop, ndien mitiŋke ikɔ inɔ enye, ke usen eke enye okopde: ndien mme akaŋa esie eyesɔŋɔ eda, mbet eke enye ebetde idem esie, eyenyuŋ esɔŋɔ eda.

NUMBERS 30:9

Edi kpukpru akaŋa ebe-akpa, ye eke ŋwan eke esiode ndɔ, eke enye adade ebet idem esie, eyena enɔ enye.

1 ŊWED CORINTH 14:34

Yak iban edop uyo etie suŋ ke ufɔk Abasi; koro iyakke mmɔ etiŋ ikɔ; mmɔ enyene ndidu ke nsuk-idem, nte ibet etemede.

1 ŊWED CORINTH 7:4

Ŋwan inyeneke odudu ndida ikpɔhidem esie nnam nte ededi, edi ebe enyene odudu ke idem ŋwan: ntre ŋko ke ebe inyeneke odudu ndida ikpɔhidem esie nnam nte ededi, edi ŋwan enyene odudu ke idem ebe.

1 SAMUEL 1:23

Ndien Elkanah ebe esie ɔdɔhɔ enye, ete, Nam se afo amade; tie tutu anam enye adaha ke eba; edi yak Jehovah anam uyo esie ɔsɔŋɔ ada. Ndien ŋwan oro etie ɔnɔ eyen esie eba, tutu enam enye adaha ke eba.