NUMBERS 30:13 - Edisana ñwed Abasi Ibom

¹³ Kpukpru akaŋa, ye kpukpru mbet emi enye ɔŋwɔŋɔde ndituhɔ idem esie, ebe esie onyuŋ ekeme ndibiat.

NUMBERS 30:13 ပူးပေါင်းရင်းမြစ်များ

EZRA 8:21

Ndien ŋkwɔrɔ utre-udia do ke mben akpa Ahava, man nnyin ituk idem nnyin ke iso Abasi nnyin, inyuŋ ibeŋe enye edinen usuŋ inɔ idem nnyin, ye nditɔ-wɔŋ nnyin, ye kpukpru inyene nnyin.

ŊWED MME PSALM 35:13

Edi ama edi ami, ke ini mmɔ edɔŋɔde, nsine ɔfɔŋ-ikpo: nsuk ukpɔŋ mi ke utre-udia; ndien mkpe-ubɔk mi eyefiak oduk mi ke ikpanesit.

ISAIAH 58:5

Nte utre-udia eke ndimekde edibiet emi? kpa usen eke owo otukde ukpɔŋ esiemɔ? Mme edi nte enye otopde ibuot esie nte nnyanyaŋa, onyuŋ ebride ɔfɔŋ-ikpo ye ntan ana ke esit? Nte afo edikot emi utre-udia, usen eke enemde Jehovah esit?

LEVITICUS 16:29

Ndien eyedi nsinsi ewuhɔ mbufo, ke ɔyɔhɔ ɔfiɔŋ itiaba ke ɔyɔhɔ usen ɔfiɔŋ oro duop, mbufo esuhɔre esit mbufo, ekunyuŋ enam baba ubɔk-utom kiet, ekpedi eyen isɔŋ, onyuŋ edi esen owo eke oduŋde ke otu mbufo.

LEVITICUS 23:27

Ke ɔyɔhɔ usen duop, ke ɔyɔhɔ ɔfiɔŋ itiaba emi, (mbufo enim) usen usio-isop ŋko: mbufo enim enye ke edisana esop; enyuŋ esuhɔre ukpɔŋ mbufo, enyuŋ ewa uwa ikaŋ enɔ Jehovah.

LEVITICUS 23:32

Mbufo enim enye ke akakan sabbath, enyuŋ esuk ukpɔŋ mbufo: ke ɔyɔhɔ usen ɔfiɔŋ usukkiet ke mbubreyo, ɔtɔŋɔde ke mbubreyo tutu osim ke mbubreyo, ke mbufo edinim sabbath mbufo.

NUMBERS 29:7

Ndien ke ɔyɔhɔ usen duop, ke ɔyɔhɔ ɔfiɔŋ itiaba emi, ke mbufo edisop edisana esop; ndien mbufo etuk esit mbufo: ekunam baba ubɔk-utom kiet ke esit:

NUMBERS 30:12

Edi edieke ebe esie abiatde mmɔ, ke usen emi enye okopde; baba ikɔ kiet eke otode enye ke inua, ke akaŋa esie, ye ke ibet ukpɔŋ esie, ididaha: ebe esie ama abiat mmɔ; ndien Jehovah eyedahado ɔnɔ ŋwan.

NUMBERS 30:14

Edi edieke ebe esie mitiŋke ikɔ ye enye baba usen kiet: ntre ke enye anam kpukpru akaŋa esie oro eda, ye kpukpru mbet esie eke enye ebetde enye anam mmɔ esɔŋɔ eda, koro enye miketiŋke ikɔ ye ŋwan ke usen emi enye okopde.

1 ŊWED CORINTH 11:3

Edi nyom mbufo ediɔŋɔ ete Christ edi Ibuot ɔnɔ kpukpru irenowo; erenowo onyuŋ edi ibuot ɔnɔ ŋwan; Abasi onyuŋ edi Ibuot ɔnɔ Christ.

1 ŊWED CORINTH 11:9

ikonyuŋ ibotke erenowo inɔ ŋwan edi ebot ŋwan enɔ erenowo.

1 ŊWED CORINTH 7:5

Ekubɔ kiet eken se idide unen esie, ibɔhɔke oto erinyime nkaŋ mbiba ke ekpri ini, man mbufo esin idem ke akam, enyuŋ efiak edidiana; mbak Satan editap mbufo oto koro mbufo mikemeke ndikara esit mbufo.