NUMBERS 3:31 - Edisana ñwed Abasi Ibom

³¹ Ndien se mmɔ edikpemede edi ekebe, ye okpokoro, ye uwuk-utuenikaŋ, ye mme itie uwa, ye ŋkpoduoho edisana ebiet eke edade enam ŋkpɔ ke esit, ye ukara, ye kpukpru se enamde ke esit.

NUMBERS 3:31 ပူးပေါင်းရင်းမြစ်များ

EXODUS 37:1

NDIEN Bezalel ada eto shittim anam ekebe: uniɔŋ esie ibio idomo-okuk iba ye ubak, ye ubom esie ibio idomo-okuk kiet ye ubak, ye idaha esie ibio idomo-okuk kiet ye ubak.

EXODUS 40:30

Ndien enye ada akpaŋkpaŋ uyere mmɔŋ ɔdiɔk ke ufɔt efe esop ye itie-uwa, onyuŋ esin mmɔŋ uyere ke esit.

NUMBERS 3:30

Ndien Elizaphan eyen Uzziel edidi etubom ufɔk ete mme oruk mme Kohathite.

NUMBERS 3:32

Ndien Eleazar eyen Aaron oku edidi etubom mme etubom mme Levite, onyuŋ edi andise mme mmɔ emi ekpemede se ekpekpemede ke edisana ebiet.

MATTHEW 5:15

Owo inyuŋ idomoke utuenikaŋ ida abaŋ ifuk, edi owuk ke uwuk-utuenikaŋ; ntem ke uŋwana ayama ɔnɔ kpukpru owo eke edude ke ufɔk.

DEUTERONOMY 10:8

Ke ini oro Jehovah adianare esien Levi, ete ebiom ekebe ediomi Jehovah, enyuŋ eda ke iso Jehovah, ndinam ŋkpɔ esie, nnyuŋ nda enyiŋ esie ndiɔŋ, tutu osim mfin emi.