NUMBERS 29:39 - Edisana ñwed Abasi Ibom

³⁹ Mbufo enam ŋkpɔ emi enɔ Jehovah ke ini emi edoride enɔ mbufo, ekɔrɔ ke mme akaŋa mbufo, ye ke uwa ima mbufo, ye ke edifɔp uwa mbufo, ye ke inuak-udia mbufo, ye ke ediŋwɔŋ uwa mbufo, ye ke mme uwa emem mbufo.

NUMBERS 29:39 ပူးပေါင်းရင်းမြစ်များ

1 CHRONICLES 23:31

ndinyuŋ ŋwa kpukpru edifɔp uwa nnɔ Jehovah, ke mme sabbath, ye ke mbufa ɔfiɔŋ, ye ke ini eke ekedoride, nte ibat mmɔ, ye ido mmɔ edide kpukpru ini ke iso Jehovah:

2 CHRONICLES 31:14

Ndien Kore eyen Imnah Levite kiet, etie-usuŋ ke edem usiaha-utin, edi etubom ŋkpɔ emi enɔde Abasi ke ima esit, man edeme enɔ Jehovah, ye ata edisana ŋkpɔ.

2 CHRONICLES 31:3

ye udeme eke esiode ke inyene edidem enɔ ke edifɔp uwa, kpa edifɔp uwa usenubɔk ye eke mbubreyo, ye edifɔp uwa mme sabbath, ye eke mbufa ɔfiɔŋ, ye eke mme usɔrɔ emi ekedoride, kpa nte ekewetde ke ŋwed mbet Jehovah.

EZRA 3:4

Mmɔ enyuŋ enim usɔrɔ mme ataya, kpa nte ekewetde, enyuŋ ewa, edifɔp uwa kpukpru usen ke ibat, nte ekam esinamde, nte ekemde kpukpru usen;

EZRA 3:5

ndien ke ini oro ama ekebe, mmɔ ewa edifɔp uwa kpukpru usen, ye eke mbufa ɔfiɔŋ, ye eke kpukpru mme usɔrɔ Jehovah oro ekenimde ke edisana, ye se kpukpru owo ewade enɔ Jehovah ke ima esit.

NEHEMIAH 10:33

ke uyo eke ediɔŋde enim, ye ke nsinsi inuak-udia, ye ke nsinsi edifɔp uwa, ke mme sabbath, ye ke mbufa ɔfiɔŋ, ye edidori ini, ye ke edisana ŋkpɔ, ye ke uwa idiɔk ido, man esio isop Israel, ye ke ofuri utom ufɔk Abasi nnyin.

ISAIAH 1:14

Ukpɔŋ mi asasua mbufa ɔfiɔŋ mbufo, ye ini esop mbufo: mmɔ emekabare edobi mi; mmobiom mmɔ tutu ŋkpa mba.

LEVITICUS 23:2

Ini emi Jehovah onimde, emi mbufo edikwɔrɔde ekot edisana esop, edi mme mmɔ emi, kpa ini mi.

LEVITICUS 23:28

Mbufo ekunyuŋ enam baba ubɔk-utom kiet ke idem usen emi: koro enye edide usen usio-isop, eke esiode isop enɔ mbufo ke iso Jehovah Abasi mbufo.

LEVITICUS 23:38

ekɔrɔ ke mme sabbath Jehovah, ye enɔ mbufo, ye kpu-kpru akaŋa mbufo, ye kpu-kpru uwa ima eke mbufo enɔde Jehovah.

LEVITICUS 7:11

Ndien ŋko emi edi ewuhɔ uwa emem eke owo edidade ɔsɔk Jehovah.

AMOS 5:22

Edieke mbufo ediwade ndifɔp uwa ye inuak-udia mbufo enɔ mi, ndibɔhɔ mmɔ: ndinyuŋ nsehe uwa emem eke etode ke ndisehe unam mbufo.

NUMBERS 28:2

Mbufo etiŋ enyin ke ndida enɔ mi, kpa udia uwa ikaŋ mi, ke edinem utebe, nnɔ mi ke ekem ini esie.

NUMBERS 29:38

ye okpo ebot uwa idiɔk ido kiet; ekɔrɔ ke nsinsi edifɔp uwa, ye inuak-udia esie, ye ediŋwɔŋ uwa esie.

NUMBERS 29:40

Ndien Moses emen kpukpru etiŋ ɔnɔ nditɔ Israel, kpa nte Jehovah eketemede Moses.

NUMBERS 6:21

Emi edi ewuhɔ Nazirite eke akaŋade enɔ esie ɔnɔ Jehovah abaŋa eridianare esie: kpa nte enye akaŋade akaŋa ntre ke enye edinam ke ewuhɔ eridianare esie.

1 ŊWED CORINTH 10:31

Mmɔdo mme mbufo ediade, mme eŋwɔŋde, mme enamde ŋkpɔ ekededi, enam kpukpru enɔ Abasi ubɔŋ.

DEUTERONOMY 12:6

mbufo enyuŋ eda mme edifɔp uwa mbufo eka do, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye mme akaŋa mbufo, ye mme uwa ima esit mbufo, ye akpa nditɔ enaŋ mbufo, ye eke ekpri ufene mbufo.