NUMBERS 28:9 - Edisana ñwed Abasi Ibom

⁹ Ndien ŋko ke usen sabbath, wa nditɔ erɔŋ isua kiet kiet iba eke efɔnde ema, ye omer eti ndom-uyo iba, ke inuak-udia, eke abuahade ye aran, ye ediŋwɔŋ uwa esie:

NUMBERS 28:9 ပူးပေါင်းရင်းမြစ်များ

2 NDIDEM 4:23

Ndien ebe ɔdɔhɔ ete, Afo anam didie aka ɔtɔ esie mfin emi? Ke idige obufa ɔfiɔŋ, inyuŋ idige sabbath. Ndien enye ɔbɔrɔ ete, Ke ɔfɔfɔn.

2 CHRONICLES 2:3

Ndien Solomon ɔdɔŋ ekedɔhɔ Huram, edidem Tyre, ete, kpa nte akanamde ye David ete mi, okonyuŋ ɔnɔde cedar esɔk enye, man ebɔp ufɔk eke oduŋde ke esit enɔ enye.

2 CHRONICLES 2:4

Sese, ami mmɔŋ ndibɔp ufɔk nnɔ enyiŋ Jehovah Abasi mi, ndida nnim nnɔ enye, man efɔp edifuɔŋ incense enɔ enye, ye ke eke uyo eke ediɔkde kpukpru ini, ye ke edifɔp uwa usenubɔk ye mbubreyo, ye ke mme sabbath, ye ke mbufa ɔfiɔŋ, ye ke mme usɔrɔ emi Jehovah Abasi nnyin okodoride. Emi edi nsinsi ewuhɔ ke Israel.

2 CHRONICLES 8:13

nte ibat kpukpru usen asaŋade, ke awa nte ibet Moses asaŋade, ke mme sabbath, ye ke mbufa ɔfiɔŋ, ye ke ini eke edoride, utim ikata ke isua, ke isua, ke usɔrɔ uyo eke leaven miduhe, ye ke usɔrɔ mme urua, ye ke usɔrɔ mme ataya.

ISAIAH 58:13

Afo ama akabare ukot fo osio ke sabbath efep, ke erinam utom fo ke edisana usen mi: ama onyuŋ okot sabbath, ete, inemesit, okot edisana usen Jehovah, ete, ŋkpɔ ukpono; ama onyuŋ okpono enye ke eritre ndinam ido fo, ndinyuŋ ntiene utom fo, nnyuŋ ndɔhɔ ikɔ:

EZEKIEL 20:12

Ami nnyuŋ nnɔ mmɔ mme sabbath mi, man edi idiɔŋɔ ke ufɔt mi ye mmɔ, man mmɔ efiɔk ete ke edi ami Jehovah nnam mmɔ esana.

EZEKIEL 46:4

Ndien edifɔp uwa eke ɔbɔŋ oro edidade ɔsɔk Jehovah ke usen sabbath edidi nditɔ erɔŋ itiokiet eke efɔnde ema, ye okukim erɔŋ eke efɔnde ema.

NUMBERS 28:10

edifɔp uwa sabbath ke kpukpru usen sabbath kɔrɔ ke nsinsi edifɔp uwa, ye ediŋwɔŋ uwa esie.

NUMBERS 28:8

Ndien ŋko wa eyen erɔŋ eken ke mbubreyo: kpa nte inuak-udia usenubɔk, ye nte ediŋwɔŋ uwa esie edide, ke afo ediwa uwa ikaŋ ɔnɔ Jehovah, ke edinem utebe.

ERIYARARE 1:10

Ŋkodu ke Spirit ke usen Ɔbɔŋ ndien ŋkop, ɔkpɔsɔŋ uyo ke edem mi, emi ebietde uyo ukorowo, nte ɔdɔhɔde ete,