NUMBERS 28:3 - Edisana ñwed Abasi Ibom

³ Nyuŋ dɔhɔ mmɔ, ete, Emi edi uwa ikaŋ eke mbufo ediwade enɔ Jehovah; nditɔ erɔŋ isua kiet kiet iba eke efɔnde ema, kpukpru usen, ke nsinsi edifɔp uwa.

NUMBERS 28:3 ပူးပေါင်းရင်းမြစ်များ

1 CHRONICLES 16:40

ete enye awa edifɔp uwa ɔnɔ Jehovah ke itie edifɔp uwa kpukpru ini ke usenubɔk, ye ke mbubreyo, onyuŋ anam kpukpru se ewetde ke ŋwed mbet Jehovah emi enye eketemede Israel;

2 CHRONICLES 8:13

nte ibat kpukpru usen asaŋade, ke awa nte ibet Moses asaŋade, ke mme sabbath, ye ke mbufa ɔfiɔŋ, ye ke ini eke edoride, utim ikata ke isua, ke isua, ke usɔrɔ uyo eke leaven miduhe, ye ke usɔrɔ mme urua, ye ke usɔrɔ mme ataya.

EZRA 3:5

ndien ke ini oro ama ekebe, mmɔ ewa edifɔp uwa kpukpru usen, ye eke mbufa ɔfiɔŋ, ye eke kpukpru mme usɔrɔ Jehovah oro ekenimde ke edisana, ye se kpukpru owo ewade enɔ Jehovah ke ima esit.

DANIEL 11:31

Ndien ubɔk eyeto enye ke idem edaha eda, enyuŋ esabare edisana ebiet odudu, enyuŋ esio nsinsi uwa efep, enyuŋ enim mbubiam ŋkpɔ eke osobode.

DANIEL 12:11

Ndien toto ke ini emi edisiode nsinsi uwa efep enyuŋ ediɔkde ŋkpɔ mbubiam nsobo, edi tɔsin usen ye usen ikie iba ye anaŋ ye duop.

DANIEL 8:11

Enye onyuŋ emenere idem esie tutu osim ɔbɔŋ udim oro, onyuŋ esin esio nsinsi uwa efep, onyuŋ esin ewuri ebiet edisana iduŋ esie.

DANIEL 8:13

Ndien ŋkop nte edisana owo kiet ɔdɔhɔde, ndien edisana owo kiet eken obup enye oro ɔkɔdɔhɔde ete, Adaŋa didie ke ŋkukut onim nsinsi uwa ye uwa idiɔk ido ke se ibiarade, ete enyuŋ edigi edisana ebiet ye udim oro?

LEVITICUS 3:5

Ndien nditɔ Aaron efɔp enye ke itie-uwa ke enyɔŋ edifɔp uwa, emi odorode ke ifia, emi odude ke ikaŋ, edinem utebe, enɔ Jehovah.

LEVITICUS 6:9

Teme Aaron ye nditɔ esie, ete, Ewuhɔ edifɔp uwa, edi emi enye edi edifɔp uwa, koro ɔfɔbɔde ke ikaŋ ke itie-uwa ke ofuri okoneyo, tutu eyo esiere; yak ikaŋ itie-uwa onyuŋ asak ke esit.

AMOS 4:4

Mbufo edi ke Bethel enam idiɔk; enyuŋ enam ediwak mme idiɔk ido ke Gilgal; enyuŋ eda uwa mbufo ke usenubɔk edi, ye ɔyɔhɔ mbak duop mbufo ke isua ita:

NUMBERS 28:10

edifɔp uwa sabbath ke kpukpru usen sabbath kɔrɔ ke nsinsi edifɔp uwa, ye ediŋwɔŋ uwa esie.

NUMBERS 28:15

Mbufo enyuŋ ewa okpo ebot kiet enɔ Jehovah ke uwa idiɔk ido, ekɔrɔ ke nsinsi edifɔp uwa, ye edinwɔŋ uwa esie.

NUMBERS 28:23

Mbufo enyene ndiwa mme mmɔ emi ŋkɔrɔ ke edifɔp uwa usenubɔk eke edide nsinsi edifɔp uwa.

NUMBERS 28:24

Ke ntem ke mbufo ediwa inuak-udia uwa ikaŋ, ke edinem utebe, enɔ Jehovah, kpukpru usen, ke ofuri usen mbitiaba: ewa enye ekɔrɔ ke nsinsi edifɔp uwa, ye ediŋwɔŋ uwa esie.

NUMBERS 28:31

Mbufo enyene ndiwa mmɔ ŋkɔrɔ ke nsinsi edifɔp uwa, ye inuak-udia esie (mbufo eyom eke efɔnde ema), ye mme ediŋwɔŋ uwa mmɔ.

NUMBERS 28:4

Wa eyen erɔŋ kiet ke usenubɔk, nyuŋ wa eyen erɔŋ eken ke mbubreyo:

NUMBERS 29:11

ye okpo ebot kiet ke uwa idiɔk ido: ekɔrɔ ke uwa idiɔk ido usio-isop, ye nsinsi edifɔp uwa, ye inuak-udia esie, ye ediŋwɔŋ uwa mmɔ.

NUMBERS 29:16

ye okpo ebot kiet ke uwa idiɔk ido; ekɔrɔ ke nsinsi edifɔp uwa, ye inuak-udia esie, ye ediŋwɔŋ uwa esie.

NUMBERS 29:6

ekɔrɔ ke edifɔp uwa, ye inuak-udia esie, ye ediŋwɔŋ uwa mmɔ, nte ido mmɔ asaŋade, ke edinem utebe, uwa ikaŋ Jehovah.

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

MME HEBREW 9:6

Edi ke ema ekotim mme ŋkpɔ emi ntem, mme oku edoduk ke akpa Ataya kpukpru ini edinam utom Abasi;

ERIYARARE 13:8

Ndien kpukpru mme andiduŋ ke isɔŋ eyetuak ibuot enɔ enye, kpa kpukpru owo emi mikewetke enyiŋ esie isin ke ŋwed uwem eke Eyen-erɔŋ, emi ekowotde toto ke eritɔŋɔ ererimbot.