NUMBERS 28:11 - Edisana ñwed Abasi Ibom

¹¹ Ndien ŋko mbufo eda edifɔp uwa esɔk Jehovah ke iso ɔfiɔŋ mbufo; abak enaŋ iba, ye okukim kiet, ye nditɔ erɔŋ isua kiet kiet itiaba, eke efɔnde ema;

NUMBERS 28:11 ပူးပေါင်းရင်းမြစ်များ

2 NDIDEM 4:23

Ndien ebe ɔdɔhɔ ete, Afo anam didie aka ɔtɔ esie mfin emi? Ke idige obufa ɔfiɔŋ, inyuŋ idige sabbath. Ndien enye ɔbɔrɔ ete, Ke ɔfɔfɔn.

1 CHRONICLES 23:31

ndinyuŋ ŋwa kpukpru edifɔp uwa nnɔ Jehovah, ke mme sabbath, ye ke mbufa ɔfiɔŋ, ye ke ini eke ekedoride, nte ibat mmɔ, ye ido mmɔ edide kpukpru ini ke iso Jehovah:

2 CHRONICLES 2:3

Ndien Solomon ɔdɔŋ ekedɔhɔ Huram, edidem Tyre, ete, kpa nte akanamde ye David ete mi, okonyuŋ ɔnɔde cedar esɔk enye, man ebɔp ufɔk eke oduŋde ke esit enɔ enye.

2 CHRONICLES 2:4

Sese, ami mmɔŋ ndibɔp ufɔk nnɔ enyiŋ Jehovah Abasi mi, ndida nnim nnɔ enye, man efɔp edifuɔŋ incense enɔ enye, ye ke eke uyo eke ediɔkde kpukpru ini, ye ke edifɔp uwa usenubɔk ye mbubreyo, ye ke mme sabbath, ye ke mbufa ɔfiɔŋ, ye ke mme usɔrɔ emi Jehovah Abasi nnyin okodoride. Emi edi nsinsi ewuhɔ ke Israel.

2 CHRONICLES 8:13

nte ibat kpukpru usen asaŋade, ke awa nte ibet Moses asaŋade, ke mme sabbath, ye ke mbufa ɔfiɔŋ, ye ke ini eke edoride, utim ikata ke isua, ke isua, ke usɔrɔ uyo eke leaven miduhe, ye ke usɔrɔ mme urua, ye ke usɔrɔ mme ataya.

EZRA 3:5

ndien ke ini oro ama ekebe, mmɔ ewa edifɔp uwa kpukpru usen, ye eke mbufa ɔfiɔŋ, ye eke kpukpru mme usɔrɔ Jehovah oro ekenimde ke edisana, ye se kpukpru owo ewade enɔ Jehovah ke ima esit.

NEHEMIAH 10:33

ke uyo eke ediɔŋde enim, ye ke nsinsi inuak-udia, ye ke nsinsi edifɔp uwa, ke mme sabbath, ye ke mbufa ɔfiɔŋ, ye edidori ini, ye ke edisana ŋkpɔ, ye ke uwa idiɔk ido, man esio isop Israel, ye ke ofuri utom ufɔk Abasi nnyin.

ŊWED MME PSALM 40:6

Afo umaŋa uwa emem ye inuak-udia: afo otibi mi utɔŋ: ubupke edifɔp uwa ye uwa idiɔk ido.

ŊWED MME PSALM 40:8

Mmama ndinam se afo amade, O Abasi mi, mbet fo enyuŋ edu mi ke esit.

ŊWED MME PSALM 81:3

Mbufo efuri ukorowo ke obufa ɔfiɔŋ, ke ɔyɔhɔ ɔfiɔŋ, ke usen usɔrɔ nnyin.

ŊWED MME PSALM 81:4

Koro emi edide ewuhɔ Israel, ye ido Abasi Jacob.

ISAIAH 66:23

Ndien ama ekem, ke kpukpru ɔfiɔŋ, ye kpukpru sabbath, kpukpru obukidem eyedi edituak ibuot ke iso mi; uyo Jehovah edi emi.

EZEKIEL 46:1

NTEM ke Ɔbɔŋ Jehovah ɔdɔhɔ, ete, Yak ekɔbi usuŋ esa emi esede edem usiaha-utin, ke usen unam utom mbitiokiet; ndien yak ekpɔhɔre enye ke usen sabbath, enyuŋ ekpɔhɔre enye ke usen obufa ɔfiɔŋ.

EZEKIEL 46:6

Ndien ke usen obufa ɔfiɔŋ edidi abak-enaŋ, eyen ufene eke ɔfɔnde ama, ye nditɔ erɔŋ itiokiet, ye okukim erɔŋ, yak mmɔ efɔn ema.

EZEKIEL 46:7

Ndien yak enye anam inuak-udia ephah kiet ke enaŋ kiet, ye ephah kiet ke okukim, ye adaŋa nte ubɔk esie edikemede ke eke nditɔ erɔŋ, hin aran kiet onyuŋ asaŋa ye ephah kiet.

HOSEA 2:11

Nyenyuŋ nnam ofuri idaresit esie etre, ye mme usɔrɔ esie, ye mbufa ɔfiɔŋ esie, ye mme sabbath esie, ye kpukpru ikpɔ usen esie.

LEVITICUS 1:13

Ndien yak owo ada mmɔŋ eyet ŋkpɔ esit idibi esie, ye nnuk esie, ndien oku emen kpukpru ɔfɔp ke itie-uwa, enye edi edifɔp uwa, uwa ikaŋ, edinem utebe Jehovah.

LEVITICUS 1:3

Enɔ esie ama edi edifɔp uwa enaŋ, yak enye ada ayara eke ɔfɔnde ama ɔsɔk: yak ada enye edi ke enyin-usuŋ tent esop, man edi se idinamde enye enem Jehovah esit.

LEVITICUS 1:9

Ndien yak owo ada mmɔŋ eyet ŋkpɔ esit idibi esie, ye nnuk esie: ndien oku ɔfɔp kpukpru ke itie-uwa, ke edifɔp uwa, uwa ikaŋ, ɔnɔ Jehovah ke edinem utebe.

AMOS 3:5

Nte ntarusuŋ omomum ke afia ke isɔŋ, ke owo mikɔkke afia inɔ enye? Nte mfine adadaha ke isɔŋ, ndien imumke baba ŋkpɔ kiet?

AMOS 8:5

“Ete, ini ewe ke obufa ɔfiɔŋ edibe, man nnyin inyam ibokpot? Ini ewe ke mme sabbath edibe, man nnyin isioŋo mkpasip” ke enam ephah ekpri, enyuŋ enam shekel okpon, enyuŋ ekwaŋa udomo ŋkpɔ abiaŋa?

NUMBERS 10:10

Ndien ŋko ke usen idara mbufo, ye ke ini usɔrɔ mbufo, ye ke iso ɔfiɔŋ mbufo, mbufo eda ukorowo efuri ebaŋa edifɔp uwa mbufo, ye mme uwa emem mbufo: man mmɔ edi ŋkpɔ eriti mbufo ke iso Abasi mbufo. Ami ndi Jehovah Abasi mbufo.

NUMBERS 28:19

ndien mbufo ewa uwa ikaŋ, kpa edifɔp uwa enɔ Jehovah; abak enaŋ iba, ye okukim kiet, ye nditɔ erɔŋ isua kiet kiet itiaba: mbufo eyom eke efɔnde ema:

ŊWED MBON GALATIA 4:10

Mbufo ke enenim usen ye ɔfiɔŋ ye ini ye isua.

ŊWED MBON COLOSSAE 2:16

Mmɔdo ekuyak baba owo kiet ekpe ikpe ɔnɔ mbufo ke se mbufo ediade, ye ke se mbufo eŋwɔŋde, ye ke ido eke mbufo enimde usɔrɔ ye obufa ɔfiɔŋ ye sabbath.

ŊWED MBON COLOSSAE 2:6

Nte mbufo ema ekɔbɔ Christ Jesus Ɔbɔŋ ndien, esasaŋa ke Enye;

1 SAMUEL 20:5

Ndien David ɔdɔhɔ Jonathan, ete, Sese, mkpɔŋ edi obufa ɔfiɔŋ, ndien ŋkpetreke nditie ke itie udia ye edidem: edi yak ŋka ŋkedibe ke ikɔt, tutu osim ke ɔyɔhɔ mbubreyo ita.

1 SAMUEL 9:12

Ndien mmɔ ebɔrɔ mmɔ, ete, Ih; sese, enye odu ke iso mbufo: mbufo esɔsɔp eka ndien, koro enye emedi ke obio mfin emi: koro mbio-obio ewade uwa mfin emi ke edikoŋ ebiet: