NUMBERS 27:21 - Edisana ñwed Abasi Ibom

²¹ Ndien enye edida ke iso Eleazar oku, emi edibupde ŋkpɔ ke ido Urim ke iso Jehovah enɔ enye: ndien mmɔ edida uyo esie ewɔrɔ, enyuŋ eda uyo esie eduk, enye, ye kpukpru nditɔ Israel ŋko, kpa ofuri esop.

NUMBERS 27:21 ပူးပေါင်းရင်းမြစ်များ

2 SAMUEL 21:1

NDIEN akaŋ odu ke ini David ke ofuri isua ita, ke isua, ke isua; ndien David oyom iso Jehovah. Ndien Jehovah ɔdɔhɔ ete, Oto Saul ye ufɔk iyip esie, koro enye okowotde mme Gibeonite.

EZRA 2:63

Ndien Tirshatha ɔdɔhɔ mmɔ, ete ekudia ata edisana ŋkpɔ tutu oku ada Urim ye Thummim adaha ada.

NEHEMIAH 7:65

Ndien Tirshatha ɔdɔhɔ mmɔ, ete ekudia ata edisana ŋkpɔ, tutu oku adaha ada akama Urim ye Thummin.

EXODUS 28:30

Ndien da Urim ye Thummim sin ke mbana-ikpanesit-ikpe; ndien mmɔ eyedoro Aaron ke esit, ke ini enye odukde ke iso Jehovah, ndien Aaron edibiom ikpe nditɔ Israel ke esit esie ke iso Jehovah kpukpru ini.

LEVITICUS 8:8

Ndien ɔkɔŋɔ enye mbana-ikpanesit; onyuŋ esin URIM ye THUMMIM ke mbana-ikpanesit.

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

NUMBERS 27:17

emi edibemde mmɔ iso ɔwɔrɔ, onyuŋ ebemde mmɔ iso oduk, emi edinyuŋ adade mmɔ ɔwɔrɔ, onyuŋ adade mmɔ oduk; man mbio esop Jehovah ekutie nte ufene eke minyeneke andikpeme.

NUMBERS 27:2

Ndien mmɔ edida ke iso Moses, ye Eleazar oku, ye ke iso ikpɔ owo, ye ofuri mbon esop, ke usuŋ efe esop, ete,

NUMBERS 27:20

Nyuŋ da ubak uteŋe fo dori enye ke idem, man ofuri esop nditɔ Israel ekop uyo esie.

NUMBERS 27:22

Ndien Moses anam kpa nte Jehovah eketemede enye: onyuŋ ada Joshua onim ke iso Eleazar oku, ye ke iso ofuri esop:

NUMBERS 27:5

Ndien Moses emen ikɔ mmɔ oro aka ke iso Jehovah.

DEUTERONOMY 31:3

Edi Jehovah Abasi fo eyebem fi iso ebe, enye eyesobo mme idut emi ke iso fo efep, ndien mbufo eyeda mmɔ enyene: Joshua eyenyuŋ ebem fi iso ebe, kpa nte Jehovah ɔkɔdɔhɔde.

DEUTERONOMY 33:8

Enye onyuŋ ɔdɔhɔ abaŋa Levi, ete, Akpanikɔ Fo ye uŋwana Fo eyedu ye owo emi Afo amade, emi Afo okodomode ke Massah, okonyuŋ ɔtɔhɔde ye enye ke ikɔ mmɔŋ Meribah:

JOSHUA 9:14

Ndien mbio oro ebɔ mmɔ udia, inyuŋ ibupke uyo Jehovah.

JUDGES 1:1

EDIKEM adaŋemi Joshua ama akakpa, nditɔ Israel ebup Jehovah, ete, Anie edibem iso ɔdɔk akaŋwana ekɔŋ ye mme Canaanite ɔnɔ nnyin?

JUDGES 20:18

Ekem mmɔ edaha ke enyɔŋ edɔk ke Beth-el, ekebup Abasi. Ndien nditɔ Israel edɔhɔ, ete, Mme anie owo nnyin edibem iso edɔk ekeŋwana ekɔŋ ye nditɔ Benjamin? Ndien Jehovah ɔdɔhɔ ete, Judah edibem iso.

JUDGES 20:23

Nditɔ Israel enyuŋ edɔk eketua eyet ke iso Jehovah, ete, Nte ntɔŋɔ ntak ŋka ekɔŋ ye Benjamin eyen-ete mi? Ndien Jehovah ɔdɔhɔ ete, Mbufo edɔk eka ekɔŋ ye enye.

1 SAMUEL 14:19

Edikem ke ini Saul osuk ɔdɔhɔde ye oku, mkpo oro odude ke nna-ekɔŋ mme Philistine ɔdɔdiɔŋ ɔdɔk aka iso. Ndien Saul ɔdɔhɔ oku, ete, Sio ubɔk fo.

1 SAMUEL 23:9

Ekem David edifiɔk ete ke Saul ɔmɔŋ aduak imɔ idiɔk-ŋkpɔ ndinam: ndien enye ɔdɔhɔ Abiathar oku, ete, Da ephod di.

1 SAMUEL 28:6

Ndien adaŋemi Saul obupde Jehovah, Jehovah ibɔrɔke enye ke ndap, ye ke Urim, ye ke mme prophet.

1 SAMUEL 30:7

Ndien David ɔdɔhɔ Abiathar oku, eyen Ahimelech, ete, Mbɔk, da ephod di nɔ mi. Ndien Abiathar ada ephod edi ke ɔtɔ David.