NUMBERS 27:17 - Edisana ñwed Abasi Ibom

¹⁷ emi edibemde mmɔ iso ɔwɔrɔ, onyuŋ ebemde mmɔ iso oduk, emi edinyuŋ adade mmɔ ɔwɔrɔ, onyuŋ adade mmɔ oduk; man mbio esop Jehovah ekutie nte ufene eke minyeneke andikpeme.

NUMBERS 27:17 ပူးပေါင်းရင်းမြစ်များ

2 SAMUEL 5:2

Tutuko adaŋemi Saul edide edidem nnyin, edi afo akada Israel ɔwɔrɔ, onyuŋ ada oduk. Jehovah okonyuŋ ɔdɔhɔ fi, ete, Afo eyebɔk ikɔt mi Israel, afo eyenyuŋ edi etubom Israel.

1 NDIDEM 22:17

Ndien enye eken ɔdɔhɔ ete, Ŋkokut ofuri Israel, nte esuanade ke ikpɔ obot, nte erɔŋ eke minyeneke ekpeme: ndien Jehovah ɔdɔhɔ ete, Mme mmɔ emi inyeneke ɔbɔŋ: yak kpukpru mmɔ efiak ke ufɔk mmɔ ke ifure.

1 NDIDEM 3:7

Ndien ke emi O Jehovah Abasi mi, afo omonim owo fo ke edidem ke itie David ete mi; ndien ami ndi ata eyenɔwɔŋ: mfiɔkke ndiwɔrɔ nnyuŋ nduk.

2 NDIDEM 11:8

Kpukpru mbufo enyuŋ ekama ŋkpɔ ekɔŋ mbufo ke ubɔk, ekan edidem ekuk: ndien owo eke odukde ke otu udim edikpa: mbufo enyuŋ etiene edidem ke ini enye ɔwɔrɔde, onyuŋ odukde.

2 CHRONICLES 1:10

Kam nɔ mi eti ibuot ye ifiɔk, man ŋwɔrɔ ke iso mbio emi, nnyuŋ nduk: koro anie edikpe akwa ikɔt fo emi?

2 CHRONICLES 18:16

Ndien enye ɔdɔhɔ ete, Ŋkokut ofuri Israel esuanade ke ikpɔ obot, nte ufene eke minyeneke andibɔk: ndien Jehovah ɔdɔhɔ ete, Mme mmɔ emi inyeneke andinyene; yak kpukpru owo efiak ke ufɔk mmɔ ke ifure.

EZEKIEL 34:5

Ndien mmɔ emesuana, koro owo eke ɔbɔkde miduhe: mmɔ enyuŋ ekabare edi udia kpukpru mme unam ikɔt, ndien mmɔ emesuana.

ZECHARIAH 10:2

Koro teraphim etiŋde idiɔk-ŋkpɔ, mbia-idiɔŋ enyuŋ ekut nsu, enyuŋ etiŋ nsu-nsu ndap; mmɔ edɔŋ owo esit ikpikpu: oro esin mmɔ edaŋa nte otu ufene, enyin anam mmɔ, koro baba owo kiet eke ɔbɔkde mmɔ miduhe.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

MATTHEW 10:6

edi ekam etiene mme erɔŋ ufɔk Israel emi esopde.

MATTHEW 15:24

Edi Enye ɔbɔrɔ ete, Ikɔdɔŋke Mi ntiene mmɔ efen, ke mibɔhɔke nsomo erɔŋ ufɔk Israel.

MATTHEW 9:36

Edi ke adaŋemi Enye okutde mme otu owo, atua mmɔ mbɔm, koro mmɔ edude ke nnanenyin enyuŋ esuanade, nte erɔŋ eke minyeneke andikpeme.

MARK 6:34

Ndien Jesus ɔwɔrɔ ke ubom okut akwa otu owo, onyuŋ atua mmɔ mbɔm, koro mmɔ ebietde mme erɔŋ eke minyeneke andikpeme: Enye onyuŋ ɔtɔŋɔ ndikpep mmɔ ediwak ŋkpɔ.

JOHN 10:9

Ami ndi inua-otop: edieke owo ekededi ebede Mi oduk, enye eyekut erinyaŋa, eyenyuŋ ebe oduk, onyuŋ ebe ɔwɔrɔ, okut se adiade.

DEUTERONOMY 31:2

Ndien enye ɔdɔhɔ mmɔ, ete, Ami mmosim isua ikie ye edip mfin emi; ŋkemeke aba ndiwɔrɔ nnyuŋ nduk: Jehovah omonyuŋ ɔdɔhɔ mi, ete, Afo udubehe Jordan emi.

1 PETER 2:25

Nde unan Esie enam udɔŋɔ okure mbufo. Koro mbufo ekasasaŋa eyo nte erɔŋ, edi ke emi emafiak etiene Andibɔk ye Andikpeme ukpɔŋ mbufo.

1 SAMUEL 18:13

Ekem Saul adianare enye ke idem esie efep onyuŋ onim enye ke etubom tɔsin ɔnɔ idem esie: ndien enye ɔwɔrɔ onyuŋ oduk ke iso mbio-obio.

1 SAMUEL 8:20

man nnyin inyuŋ ibiet kpukpru mme idut, man edidem nnyin onyuŋ ekpe ikpe nnyin, onyuŋ ebem nnyin iso ɔwɔrɔ ndiŋwana ekɔŋ nnyin.