NUMBERS 27:16 - Edisana ñwed Abasi Ibom

¹⁶ Yak Jehovah Abasi mme spirit kpukpru owo onim owo ke etubom mbon esop,

NUMBERS 27:16 ပူးပေါင်းရင်းမြစ်များ

1 NDIDEM 5:5

Ndien, sese, mmaduak ndibɔp ufɔk nnɔ enyiŋ Jehovah Abasi mi, kpa nte Jehovah ɔkɔdɔhɔde David ete mi, ete, Eyen fo emi ndidoride ke ebekpo fo ke ibuot fo, enye eyebɔp ufɔk oro ɔnɔ enyiŋ mi.

2 NDIDEM 11:8

Kpukpru mbufo enyuŋ ekama ŋkpɔ ekɔŋ mbufo ke ubɔk, ekan edidem ekuk: ndien owo eke odukde ke otu udim edikpa: mbufo enyuŋ etiene edidem ke ini enye ɔwɔrɔde, onyuŋ odukde.

ECCLESIASTES 12:7

Ndien ntan eyefiak ke ntan, kpa nte ekedide: spirit eyefiak etiene Abasi emi ɔkɔnɔde enye.

JEREMIAH 3:15

nyenyuŋ nnɔ mbufo owo eke ebɔkde mbufo nte esit mi amade, ndien mmɔ eyeda ifiɔk ye ɔniɔŋ ebɔk mbufo.

JEREMIAH 32:27

Sese, ami Jehovah ndi Abasi ofuri obukidem: nte ŋkpɔ ekededi ɔsɔŋ akan mi?

JEREMIAH 38:16

Ndien edidem Zedekiah ɔŋwɔŋɔ ɔnɔ Jeremiah ndibe-ndibe, ete, Ma uwem Jehovah emi anamde nnyin idi ukpɔŋ emi, ndiwotke fi ndinyuŋ nsinke fi ke ubɔk mmɔ eke eyomde uwem fo.

EZEKIEL 18:4

Sese, kpukpru ukpɔŋ enyene mi; ukpɔŋ ete ebiet eke eyen, mmɔ edi okimmɔ: ukpɔŋ eke anamde idiɔk eyekpa mkpa.

EZEKIEL 34:23

Ndien nyenam ɔbɔk kiet eke edibɔkde mmɔ adaha ada akan mmɔ, kpa owo mi David; enye eyebɔk mmɔ, ndien mmɔ eyenyene enye ke andibɔk.

EZEKIEL 37:24

Owo mi David eyenyuŋ edi edidem mmɔ; kpukpru mmɔ eyenyuŋ enyene ɔbɔk-erɔŋ kierakiet: ndien mmɔ eyesaŋa ke mme item mi, enyuŋ ekpeme mme ewuhɔ mi, enyuŋ enam mmɔ.

NUMBERS 16:22

Ndien mmɔ eduɔ ke isɔŋ ekubi iso mmɔ ete, O Abasi, Abasi spirit kpukpru owo, nte afo eyeyat esit ye ofuri esop, koro owo kiet eduede?

NUMBERS 27:15

Ndien Moses ɔdɔhɔ Jehovah, ete,

MATTHEW 9:38

Ebeŋe ndien Enyene-idɔk ete, Enye osio mme anam-utom ɔdɔŋ edi ke idɔk Esie.

JOHN 10:11

Ami ndi eti ekpeme-erɔŋ; eti ekpeme-erɔŋ ayak uwem Esie ɔduɔk kabaŋa mme erɔŋ.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

DEUTERONOMY 31:14

Ndien Jehovah ɔdɔhɔ Moses, ete, Sese usen mkpa fo emekpere: kot Joshua edi, ndien mbufo edi edida ke efe esop, man nteme enye ŋkpɔ. Ndien Moses ye Joshua eka ekeda ke efe esop.

MME HEBREW 12:9

Akan oro, nnyin imenyene mme ete obukidem emi eketunɔde nnyin, ndien nnyin iteŋe mmɔ: nte nnyin idisukke ibuot inɔ Ete mme spirit ikan, inyuŋ idu uwem?

1 SAMUEL 12:13

Sese, ndien, edidem emi mbufo emekde enyuŋ eyomde! ndien, sese, Jehovah omonim edidem ɔnɔ mbufo.