NUMBERS 25:3 - Edisana ñwed Abasi Ibom

³ Israel enyuŋ edian idem ye Baal-peor: ndien Jehovah ayat esit ye Israel.

NUMBERS 25:3 ပူးပေါင်းရင်းမြစ်များ

ŊWED MME PSALM 90:11

Anie owo ɔfiɔk odudu iyaresit fo, ye ifuresit fo, nte ekemde ke uteŋe fo?

JEREMIAH 17:4

Ndien afo eyefep kpa idem fo ke udeme mi emi ŋkɔnɔde fi: ndien nyenam fi anam ŋkpɔ mme asua fo ke isɔŋ eke afo mufiɔkke: koro mbufo ebarade ikaŋ ke iyaresit mi, eyesak ke nsinsi.

HOSEA 4:14

Ndinɔŋɔ nditɔ-iban mbufo ufen, koro mmɔ enamde use, ndinyuŋ nnɔŋɔ iban mbufo ufen, koro mmɔ esinde efibe: koro mmɔ ke idem-mmɔ ewahade etiene mme akpara, enyuŋ ewade uwa ye iban use: ndien mbio emi enanade ibuot eyetak.

HOSEA 9:10

Ŋkokut Israel nte mfri vine ke ikɔt; ŋkese mme ete mbufo nte akpa mfri, eto fig ke eritɔŋɔ esie: edi mmɔ eka ke ɔtɔ Baal-poer, enyuŋ edianare idem mmɔ enɔ ŋkpɔ but oro: enyuŋ ekabare edi mbubiam ŋkpɔ nte se mmɔ emade.

NUMBERS 25:5

Ndien Moses ɔdɔhɔ mme ebierikpe Israel, ete, Kpukpru mbufo eka ekewot ikɔt mbufo emi ekediande idem mmɔ ye Baal-peor.

NUMBERS 31:16

Sese, edi mme mmɔ emi ekesin nditɔ Israel edue Jehovah ke ikɔ Peor, ke uyo Balaam, ndien idiɔk udɔŋɔ oro otibe ke otu mbio esop Jehovah.

JOSHUA 22:17

Nte idiɔk ido Peor edi ekpri ŋkpɔ ye nnyin, emi nnyin mika-isanake kaŋa tutu osim mfin emi; ndien esop Jehovah okokut ufen?

JUDGES 2:11

Ndien nditɔ Israel enam idiɔk ke enyin Jehovah, enyuŋ enam ŋkpɔ Baalim:

JUDGES 2:13

Ntem ke mmɔ ekpɔŋ Jehovah, enyuŋ enam ŋkpɔ Baal ye Ashtaroth.

JUDGES 2:14

Ndien Jehovah ayat esit ye Israel, ndien emen mmɔ esin ke ubɔk mbon ŋwo eke ebumede mmɔ, onyuŋ anyam mmɔ esin ke ubɔk mme asua mmɔ emi ekande mmɔ ekuk, ndien mmɔ ikwe aba nte edade ke iso mme asua mmɔ.

JUDGES 2:20

Ndien Jehovah ayat esit ye Israel, enye onyuŋ ɔdɔhɔ ete, Koro mbio emi ema ekebiat ediomi mi emi ami ŋkowukde mme ete mmɔ, minyuŋ ikopke uyo mi;