NUMBERS 24:9 - Edisana ñwed Abasi Ibom

⁹ Enye ɔkubɔ, ana nte lion, ye nte abak lion: anie edimenere enye? ɔfɔfɔn ɔnɔ owo eke ɔfɔnde ye afo, onyuŋ ɔdɔdiɔk ɔnɔ owo eke osuŋide fi.

NUMBERS 24:9 ပူးပေါင်းရင်းမြစ်များ

GENESIS 12:3

nyenyuŋ ndiɔŋ mmɔ eke edidiɔŋde fi, nnyuŋ nsuŋi mmɔ eke edidiɔkde ye afo: ndien oto fi kpukpru oruk ererimbot eyekut mfɔn.

GENESIS 27:29

wine: mme idut eyenam ŋkpɔ enɔ fi, obio eyenyuŋ atuak ibuot enɔ fi: eyediɔk ye mmɔ eke ediɔkde ye afo, eyenyuŋ ɔfɔn ye mmɔ eke efɔnde ye afo.

GENESIS 49:9

fi. Judah edi abak eyen lion; eyen mi! afo ɔmɔdɔk ɔkpɔŋ se akawaide; enye ɔnuhɔ, ɔkubɔ nte lion, ye uman lion; anie edibumere enye?

1 NDIDEM 10:20

Lion duopeba enyuŋ eda do ke udigukot itiokiet oro ke edem mbiba: akananam inamke oruk ŋkpɔ eke etiede ntem ke baba idut kiet.

2 CHRONICLES 9:18

Ebekpo oro enyene udigukot itiokiet, ye udorukot o-gold, eke emumde ebekpo, ye ubɔk ke edem mbiba ke ebiet emi etiede lion iba enyuŋ eda ke ŋkaŋ ubɔk oro.

ESTHER 6:13

Ndien Haman emen kpukpru se ikotibede ye enye, obuk ɔnɔ Zeresh ŋwan esie, ye mme ufan esie kpukpru. Ndien mme ɔfiɔk-ŋkpɔ owo esie, ye Zeresh ŋwan esie, edɔhɔ enye, ete, Edieke Mordecai emi afo ɔtɔŋɔde ndisuhɔre enye ke iso, otode ke oruk mme Jew, afo udukemeke ubɔk ye enye, edi udutreke ndisuhɔre enye ke iso.

ŊWED JOB 41:10

Baba owo kiet inyeneke uko nte edemerede enye.

ŊWED MME PSALM 122:6

Mbufo enam mkpeubɔk eyom ifure Jerusalem: mmɔ eke emade fi eyetie ke ifure.

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

EXODUS 23:22

Koro afo ama otim okop uyo esie, onyuŋ anam kpukpru se ndɔhɔde; ndien nyedi asua mme asua fo, nyenyuŋ ntɔhɔ utɔk ye mmɔ eke etɔhɔde ye afo.

ISAIAH 31:4

Koro ntem ke Jehovah ɔdɔhɔ mi, ete, Kpa nte lion ye abak lion ekunide ebaŋa unam mmɔ, emi mmɔ ekotde otu mme ekpeme-ufene ete ediwot enye, edi uyom mmɔ inamke enye ndik, iwok mmɔ inyuŋ inamke esit akpa enye; kpasuk ntre ke Jehovah mme udim edisuhɔre aŋwana ekɔŋ ke akamba obot Zion, ye ke ekpri obot esie.

MICAH 5:8

Ndien nditɔ Jacob eke esukde eyedu ke otu mme idut, ke ufɔt ediwak obio, nte lion ke otu mme unam akai, mme mkparawa lion ke otu mme udim ŋkpri ufene: emi ke ini enye asaŋade ebe, edigi onyuŋ awai, ndien owo eke anyaŋade iduhe.

NUMBERS 22:12

Ndien Abasi ɔdɔhɔ Balaam, ete, Kuka ye mmɔ; kusuŋi mmɔ oro: koro ɔfɔfɔn ɔnɔ mmɔ.

NUMBERS 22:6

Mbɔk, ndien, di suŋi mbon emi nɔ mi: koro mmɔ esɔŋde ekan mi: mme nyekeme ndikan mmɔ, nnyuŋ mbin mmɔ ke edem emi mfep: koro mmɔfiɔk nte ɔfɔfɔn ɔnɔ owo eke afo ɔdiɔŋde, onyuŋ ɔdɔdiɔk ɔnɔ owo eke afo osuŋide.

NUMBERS 23:24

Sese mbon emi edaha ke enyɔŋ nte lion, enyuŋ emen idem nte abak lion: enye idisuhɔkede ina, tutu ata se awaide, onyuŋ ɔŋwɔŋ iyip ŋkpɔ eke enye owotde.

NUMBERS 24:10

Ndien Balak ayat esit ye Balaam, onyuŋ amia ubɔk esiemɔ: ndien Balak ɔdɔhɔ Balaam, ete, Ŋkokot fi edi nte afo edisuŋide mme asua mi, ndien, sese, afo ama ɔdiɔŋ mmɔ utim ikata emi.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MATTHEW 25:45

Edi Enye eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo mikanamke ŋkpɔ emi inɔ kiet ke otu ata ŋkpri emi, mbufo inamke inɔ Mi.

UTOM MME APOSTLE 9:5

Edi enye ete, Afo edi anie, Ɔbɔŋ? Ndien Ɔbɔŋ ete, Ndi Jesus emi afo ɔkɔbɔde.

DEUTERONOMY 30:7

Ndien Jehovah Abasi fo eyeda kpukpru isuŋi emi odori mbon asua fo, ye mmɔ eke mimaŋa fi, eke ekɔbɔde fi.