NUMBERS 24:8 - Edisana ñwed Abasi Ibom

⁸ Abasi okosio enye ke Egypt; enye enyene odudu nte editim. Enye eyedia mme idut mme asua esie, onyuŋ anuak mme ɔkpɔ mmɔ, onyuŋ etiga mmɔ ke idaŋ esie.

NUMBERS 24:8 ပူးပေါင်းရင်းမြစ်များ

ŊWED MME PSALM 2:9

Afo eyenuak mmɔ ke esaŋ ukwak; onyuŋ obom mmɔ nte ŋkpɔ eke obot-eso anamde.

ŊWED MME PSALM 21:12

Koro afo eyenam mmɔ ekpa edem: afo eyeda uruk utiga fo eket mmɔ iso.

ŊWED MME PSALM 45:5

Idaŋ fo emesɔbɔ, mme idut eduɔŋɔ fi ke idak; (idaŋ fo) emeduk mme asua edidem ke esit.

ŊWED MME PSALM 45:6

O Abasi, ebekpo fo odu ke nsinsi: mmɔnyɔ edinen ido edi mmɔnyɔ ubɔŋ fo.

EXODUS 23:22

Koro afo ama otim okop uyo esie, onyuŋ anam kpukpru se ndɔhɔde; ndien nyedi asua mme asua fo, nyenyuŋ ntɔhɔ utɔk ye mmɔ eke etɔhɔde ye afo.

ISAIAH 38:13

Ntie suŋ mbet tutu osim ke usenubɔk, nte lion, ntem ke enye edibuŋ mi kpukpru ɔkpɔ: toto ke uwemeyo tutu osim ke okoneyo ke enye ama ye ami.

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

JEREMIAH 50:9

Koro, sese, ami mmɔŋ ndemere esop ikpɔ mme idut ke idut edere, nyenyuŋ nda mmɔ ndɔk ntiene Babylon: ndien mmɔ eyetim udim ekɔŋ eŋwana ye enye; mmɔ eke etode ke esit eyeda enye: idaŋ mmɔ eyebiet eke owo uko eke enyenede ikike, enye idifiakke ukpɔk.

DANIEL 6:24

Ndien edidem ɔnɔ uyo, ete eda mbon oro ekedoride Daniel ikɔ edi, ndien eda mmɔ ye nditɔ mmɔ ye iban mmɔ ediduɔk ke obube mme lion: ndien mme lion emum mmɔ, enyuŋ enuak kpukpru mme ɔkpɔ mmɔ, ke mmɔ mika-isimke isɔŋ obube.

NUMBERS 14:9

Edi mbufo ekutun itun ye Jehovah, ekunyuŋ efehe nditɔ isɔŋ oro: koro mmɔ edi udia nnyin: iberedem mmɔ amakabare ɔkpɔŋ mmɔ, ndien Jehovah odu ye nnyin; mbufo ekufehe mmɔ.

NUMBERS 21:5

Ndien kpukpru owo enam ikɔ ye Abasi ye Moses, ete, Nsinam mbufo edade nnyin ke Egypt ewɔrɔ, ete nnyin idikpaŋa ke wilderness emi? koro uyo ye mmɔŋ miduhe; obukpo uyo emi onyuŋ efek nnyin.

NUMBERS 23:22

Abasi okosio mmɔ ke Egypt; enye enyene odudu nte editim.

NUMBERS 23:24

Sese mbon emi edaha ke enyɔŋ nte lion, enyuŋ emen idem nte abak lion: enye idisuhɔkede ina, tutu ata se awaide, onyuŋ ɔŋwɔŋ iyip ŋkpɔ eke enye owotde.

MATTHEW 2:15

onyuŋ odu do tutu osim ini mkpa Herod: man osu nte Jehovah akadade inua prophet, ɔdɔhɔ ete, Mmokot Eyen Mi ɔwɔrɔ ke Egypt.

DEUTERONOMY 32:23

Nyekubi mmɔ mme idiɔk-ŋkpɔ ke idem; nyema idaŋ mi ke idem mmɔ.

DEUTERONOMY 32:42

Nyenɔ idaŋ mi iyip eŋwɔŋ eyuhɔ, ofut mi eyenyuŋ ata unam; kpa iyip mmɔ eke ekpaŋade afai, eke owo onyuŋ omumde, kpa ibuot mme etubom mme asua.

DEUTERONOMY 7:1

KE adaŋemi Jehovah Abasi fo edidade fi oduk ke isɔŋ emi afo akade do ndida enye nnyene, edinyuŋ ebinde ediwak mme idut ke iso fo efep, mme Hittite, ye mme Girgashite, ye mme Amorite, ye mme Canaanite, ye mme Perizzite, ye mme Hivite, ye mme Jebusite, mme idut itiaba emi ekponide enyuŋ ewakde ekan fi;

JOSHUA 2:10

Koro nnyin imekop nte Jehovah akanamde mmɔŋ Ididuot Inyaŋ asat ke iso mbufo, ke ini mbufo eketode ke Egypt ewɔŋɔ; ye nte mbufo ekenyuŋ enamde ndidem mme Amorite mbiba, emi ekedude ke edem Jordan oko, Sihon ye Og, emi mbufo ekesobode.