NUMBERS 24:6 - Edisana ñwed Abasi Ibom

⁶ Mmɔ enyanare ena nte mme ebedeŋ, ye nte ndiye iŋwaŋ ke mben inyaŋ, nte eto aloe eke Jehovah ɔtɔde, ye nte cedar ke mben mmɔŋ.

NUMBERS 24:6 ပူးပေါင်းရင်းမြစ်များ

GENESIS 13:10

Ndien Lot emenere enyin esie, ese ofuri una isɔŋ Jordan, nte mmɔŋ awakde ke esit kpukpru, ke Jehovah mika isoboke kaŋa Sodom ye Gomorrah, nte iŋwaŋ Jehovah, nte isɔŋ Egypt, ke edem Zoar.

ŊWED MME PSALM 1:3

Ndien enye ebiet eto eke etɔde ke mben akpa mmɔŋ, eke osioŋode mfri esie ke ekem ini; ikɔŋ esie inyuŋ ikeŋeke; ndien kpukpru se enye anamde ɔwɔrɔ usuŋ.

ŊWED MME PSALM 104:16

Mme eto Jehovah emeyuhɔ; kpa mme cedar Lebanon emi enye ɔtɔde;

ŊWED MME PSALM 45:8

Kpukpru edisine-ŋkpɔ fo efuɔŋ myrrh, ye aloes, ye cassia, eke etode ke ufɔk nduk-enin eke mmɔ edatde fi esit.

IKWƆ SOLOMON 6:11

Ŋkɔsuhɔre ŋka ke iŋwaŋ isip, ndise awawa ikɔŋ ke mben idim, ndise mme mme vine esehe, mme mme pomegranate efiari ikɔŋ.

ISAIAH 41:19

Nyenɔ cedar, ye acacia, ye myrtle, ye eto aran ke wilderness; nyenim eto fir, ye pine, ye eto box ɔtɔ kiet ke desert:

ISAIAH 58:11

ndien Jehovah eyeda fi usuŋ kpukpru ini, onyuŋ ɔyuhɔ ukpɔŋ fo ke nda-eyo, onyuŋ anam mme ɔkpɔ fo esɔŋɔ: ndien afo eyebiet iŋwaŋ eke ebitde, ebiet idim mmɔŋ eke mmɔŋ esie mibiaŋake.

JEREMIAH 17:18

Yak but anam mmɔ eke ekɔbɔde mi, edi kuyak but anam mi: yak idem akpa mmɔ, edi kuyat idem akpa mi: da idiɔk usen tiene mmɔ, nyuŋ sobo mmɔ nsobo iba.

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

EZEKIEL 47:12

Ndien kpukpru oruk eto udia eyekɔri ke mben akpa ke edem mbiba; ikɔŋ esie idikeŋeke, mfri esie idinyuŋ ikurede: eyeŋwum obufa ke ekem ɔfiɔŋ esie; koro mmɔŋ esie editode ke edisana ebiet. Ndien mfri esie eyedi udia, ikɔŋ esie eyenyuŋ edi ibɔk.

JOEL 3:18

Ndien ama ekem ke usen oro, ikpɔ obot eyetɔi obufa wine, ŋkpri obot eyenyuŋ efiɔrɔ mmɔŋ-eba; kpukpru akpa mmɔŋ Jerusalem eyefiɔrɔ mmɔŋ, idim eyenyuŋ oto ke ufɔk Jehovah ekebit itihere Shittim.

NUMBERS 24:5

Ho, sese, nte mme ataya fo eyede, O Jacob! ye iduŋ fo, O Israel!