NUMBERS 24:4 - Edisana ñwed Abasi Ibom

⁴ Uyo andikop ikɔ Abasi, emi okokutde ŋkukut Ata Ɔkpɔsɔŋ, nte enye ɔduɔde, ke enyin anana:

NUMBERS 24:4 ပူးပေါင်းရင်းမြစ်များ

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

GENESIS 15:12

Ekem ke ini eyo oyomde ndikut, ɔkpɔsɔŋ idap edimun Abram; ndien, sese, akamba ekim ɔduɔ enye ke idem, ndik onyuŋ omum enye.

1 NDIDEM 22:17

Ndien enye eken ɔdɔhɔ ete, Ŋkokut ofuri Israel, nte esuanade ke ikpɔ obot, nte erɔŋ eke minyeneke ekpeme: ndien Jehovah ɔdɔhɔ ete, Mme mmɔ emi inyeneke ɔbɔŋ: yak kpukpru mmɔ efiak ke ufɔk mmɔ ke ifure.

ŊWED MME PSALM 89:19

Ke ini oro afo ɔkɔdɔhɔde ye mbon-ima fo ke ŋkukut, ete, Mmada erinyaŋa ndori owo uko ke idem; mmosio ata owo ke otu mbio-obio mmenere nnim ke enyɔŋ.

EZEKIEL 1:28

Kpa nte akpara emi odude ke obubit enyɔŋ ke usen edim, etiede, kpasuk ntre ke uyama emi akande enye okuk etie. Mbiet ubɔŋ Jehovah etie ntem. Ndien ke ini ŋkutde, nduɔ ke isɔŋ ŋkubi iso mi, nnyuŋ ŋkop uyo eke etiŋde ikɔ.

NUMBERS 12:6

Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

NUMBERS 22:20

Ndien Abasi etiene Balaam ke okoneyo oro, onyuŋ ɔdɔhɔ enye, ete, Sia mbio emi edide ndikot fi, daha ka ye mmɔ; edi suk ikɔ eke ndidɔhɔde fi, oro ikpɔŋ ke afo edinam.

NUMBERS 22:31

Ndien enye ete, Ihih. Ndien Jehovah atat Balaam enyin, ndien enye okut angel Jehovah adade ke ɔkpɔ-usuŋ, ye ofut afai ke ubɔk: ndien enye atuak ibuot, onyuŋ ɔduɔ okubi iso esie.

NUMBERS 24:15

Ndien enye emen uyo esie, onyuŋ ɔdɔhɔ ete, Uyo Balaam eyen Beor, ye uyo owo emi enyin esie etarade:

NUMBERS 24:5

Ho, sese, nte mme ataya fo eyede, O Jacob! ye iduŋ fo, O Israel!

UTOM MME APOSTLE 10:10

ndien enye okop biɔŋ, onyuŋ ɔdɔŋ enye ndidia ŋkpɔ; edi nte mmɔ etemde udia, etie enye nte esiode enye ke ikpɔkidem;

UTOM MME APOSTLE 10:19

Edi nte Peter ekerede ŋkukut oro, Spirit ɔdɔhɔ enye ete, Sese, owo ita ke eyom fi.

UTOM MME APOSTLE 22:17

Ekem ke mma ŋkafiak nnyɔŋ Jerusalem, nte ntiede ke temple mbɔŋ akam, etie mi nte esiode mi ke ikpɔhidem,

ERIYARARE 1:10

Ŋkodu ke Spirit ke usen Ɔbɔŋ ndien ŋkop, ɔkpɔsɔŋ uyo ke edem mi, emi ebietde uyo ukorowo, nte ɔdɔhɔde ete,

ERIYARARE 1:17

Ndien ke adaŋemi ŋkutde Enye, nduɔ Enye ke ukot nte akpa-mkpa. Ndien Enye odori mi ubɔk nnasia Esie ke idem, ete, Kufehe;

1 SAMUEL 19:24

Enye onyuŋ osio ɔfɔŋ-idem esie ŋko, onyuŋ anam prophecy ŋko-ŋko ke iso Samuel, onyuŋ ɔduɔ ke isɔŋ ana iferi ke ofuri uwemeyo oro, ye ke ofuri okoneyo oro. Mmɔdo edɔhɔde ete, Emi-e? Saul onyuŋ odu ke otu mme prophet?