NUMBERS 24:17 - Edisana ñwed Abasi Ibom

¹⁷ Ŋkut enye, edi idige ke emi: nsese enye, edi ikpereke: ntantafiɔŋ asaŋa oto ke Jacob, esaŋ onyuŋ adaha ke enyɔŋ ke Israel, ndien enye eyenuak mme adaŋa Moab, onyuŋ asuan kpukpru mbon ndutime.

NUMBERS 24:17 ပူးပေါင်းရင်းမြစ်များ

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

2 SAMUEL 8:14

Enye onyuŋ onim mbon-ekɔŋ ke itie, ke itie, ke Edom; ke ofuri Edom ke enye onim mbon-ekɔŋ ke itie, ofuri Edom enyuŋ ekabare edi ifin David. Jehovah onyuŋ anyaŋa David ke kpukpru ebiet emi enye akade.

2 SAMUEL 8:2

Enye onyuŋ asuan Moab, onyuŋ ada uruk odomo mmɔ, anam mmɔ ena ke isɔŋ; enye onyuŋ odomo ubak iba eke ediwotde, ye ata akamba ubak eke edinimde ke uwem. Ntre ke nditɔ Moab ekabare edi ifin David, enyuŋ etomo utomo.

2 NDIDEM 3:5

Edikem, adaŋemi Ahab ama akakpa, edidem Moab ɔsɔŋ ibuot ye edidem Israel.

1 CHRONICLES 18:2

Enye onyuŋ asuan Moab; ndien mme Moabite ekabare edi ikɔt David, enyuŋ etomo utomo.

ŊWED MME PSALM 110:2

Jehovah eyetie ke Zion ɔnɔ esaŋ odudu fo esɔk fi: da ubɔŋ ke otu mme asua fo.

ŊWED MME PSALM 45:6

O Abasi, ebekpo fo odu ke nsinsi: mmɔnyɔ edinen ido edi mmɔnyɔ ubɔŋ fo.

ISAIAH 15:1

UYO Abasi emi abaŋa Moab: koro Ar Moab amabiara, amatak, ke okoneyo kiet; koro Kir Moab amabiara, amatak, ke okoneyo kiet.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

JEREMIAH 48:1

NTEM ke Jehovah mme udim Abasi Israel ɔdɔhɔ abaŋa Moab, ete, Ɔdɔdiɔk ɔnɔ Nebo! koro ebumede enye: enam Kiriathaim but, enyuŋ eda enye: enam edikoŋ ebiet but ye ndik.

JEREMIAH 48:45

Mbon itɔk eda ke mfut Heshbon enana odudu: koro ikaŋ otode ke Heshbon, edemikaŋ onyuŋ oto ke ufɔt Sihon, ndien enye eyeta inuk Moab, ata nditɔ ndutime etiŋe-ibuot.

ZECHARIAH 10:4

Itiat inuk oto enye, ntok oto enye, utiga ekɔŋ oto enye, kpukpru mbon-utuk ŋko-ŋko eto enye.

ZECHARIAH 12:10

Ndien nyeda spirit mfɔn ye eke mkpe-ubɔk ŋŋwaŋa ufɔk David ye mme andidiuŋ Jerusalem ke idem; ndien mmɔ eyese mi emi mmɔ ekekimde, eyenyuŋ eseme enye, kpa nte owo esemede ikpɔŋ eyen, enyuŋ etua enye, kpa nte

NUMBERS 21:29

Osuk ɔdɔdiɔk ɔnɔ fi, Moab! mbio Chemosh mbufo emetak. Enye ama ada nditɔ-eren esie ye nditɔ esie iban emi ebɔhɔde, ɔnɔ Sihon ɔbɔŋ mme Armorite ke ifin.

NUMBERS 24:16

Uyo andikop ikɔ Abasi, ye eke andifiɔk ifiɔk Ata Edikoŋ, emi okokutde ŋkukut Ata Ɔkpɔsɔŋ, nte enye ɔduɔde, ke enyin anana:

LUKE 1:78

Oto ke esit mbɔm Abasi nnyin, Emi esinde usiere oto ke enyɔŋ edisim nnyin,

MME HEBREW 1:8

Edi Enye ɔdɔhɔ abaŋa Eyen, ete, Ebekpo Fo, O Abasi, ebigi ke nsinsi; Mmɔnyɔ edinen ido edi mmɔnyɔ Ubɔŋ Fo.

MME HEBREW 7:14

Koro aŋwaŋa ete Ɔbɔŋ nnyin okoto ke Judah; ndien akanam Moses itiŋke baba ŋkpɔ kiet eke abaŋade oku idian esien emi.

2 PETER 1:19

Ndien ema edɔdiɔŋ esɔŋɔ ikɔ mme prophet ekan enɔ nnyin; ndien mbufo eyetim enam, edieke mbufo edibiɔŋde utɔŋ ke ikɔ oro, nte owo esese utuenikaŋ eke ayamade ke ŋkim-ŋkim ebiet, tutu eyo esiere, utin onyuŋ asiaha ke esit mbufo;

JUDE 1:11

Idifɔnke fɔn inɔ mmɔ! koro mmɔ ekasaŋade ke afaŋ Cain, enyuŋ eduɔkde idem ke nduyo Balaam ke ntak udori, enyuŋ etak ke nsɔŋ-ibuot Korah.

ERIYARARE 1:7

Sese, Enye ɔmɔŋ asaŋa ke obubit enyɔŋ edi; kpukpru enyin eyenyuŋ ekut Enye, ye mmɔ emi ekekimde Enye; ndien kpukpru mme idut isɔŋ eyeseme Enye. Yak edi ntre, Amen.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 22:16

Ami Jesus ŋkɔdɔŋ angel Mi edisian fi ikɔ emi, man ada ɔnɔ mme ufɔk Abasi. Ami ndi Oruŋ ye Eyen David, ediyama ntantafiɔŋ usenubɔk.

1 SAMUEL 14:38

Ndien Saul ɔdɔhɔ ete, Mbufo kpukpru ikpɔ owo esaŋa ekpere mi: enyuŋ edomo ese ɔtɔ nte idiɔk-ŋkpɔ emi odude mfin.