NUMBERS 23:9 - Edisana ñwed Abasi Ibom

⁹ Ndinyuŋ ntɔk didie se Jehovah mitɔkke? Koro ntiede ke enyɔŋ mbuot ikpɔ itiat ŋkut enye, nnyuŋ ntie ke ikpɔ obot nse enye: sese, edi mbio emi editiede ikpɔŋ ke idem mmɔ: idinyuŋ ibatke mmɔ isin ke otu mme idut.

NUMBERS 23:9 ပူးပေါင်းရင်းမြစ်များ

EZRA 9:2

Koro mmɔ edade nditɔ-iban mmɔ enɔ idem mmɔ ye nditɔ-iren mmɔ edɔ: ema enyuŋ ebuak edisana mbon ye mbon mme idut: ndien ubɔk mbɔŋ ye eke mme ebierikpe edi etubom ke idiɔk ido emi.

ESTHER 3:8

Ekem Haman ɔdɔhɔ edidem Ahasuerus, ete, Mbio kiet mmɔdo emi esuanade enyuŋ ebaharede ke otu mme andiduŋ kpukpru mme province emi afo akarade; ndien ido mmɔ edi isio ye kpukpru mme idut; mmɔ inyuŋ inimke mme ewuhɔ edidem: mmɔdo mifɔnke edidem ndiyak mmɔ.

EXODUS 33:16

Edinam didie, ndien, efiɔk ete ke afo enen iso ye ami ye ikɔt fo? Nte idige ke erika emi afo akade ye nnyin? Ntre ke eyedianare mi ye ikɔt fo ke kpukpru owo emi edude ke isɔŋ?

JEREMIAH 46:28

Jehovah ɔdɔhɔ ete, Afo owo mi Jacob, kufehe: koro ami ndude ye afo: koro nyesobo kpukpru mme idut emi ŋkebinde fi nsin do: edi ndisoboke fi mma, edi nyetunɔ fi ke ufat; ndien ndiyakke fi ɔbɔhɔ ikpikpu.

JEREMIAH 49:31

Jehovah ɔdɔhɔ, ete, Mbufo edaha ke enyɔŋ edɔk ke ɔtɔ idut ndue idem, emi eduŋde ke mfre idem, mmɔ inyeneke itim ye eto usin usuŋ, mmɔ eduŋ ke idem mmɔ ikpɔŋ.

AMOS 9:9

Jehovah ɔdɔhɔ. Koro, sese, ami nyewuk, nyenyuŋ nsak ufɔk Israel nsin ke otu kpukpru mme idut, kpa nte emi esakde (ŋkpɔ) ke usak-ŋkpɔ, ndien baba ŋkeŋe kiet ididuɔhɔ ke isɔŋ.

MICAH 7:14

Da esaŋ fo bɔk ikɔt fo, kpa ufene emi afo enyenede, emi eduŋde ikpɔŋ ke akai ke ufɔt Carmel: mmɔ eyeta mbiet ke Bashan ye ke Gilead, kpa nte eyo oko.

2 ŊWED CORINTH 6:17

Mmɔdo, Jehovah ɔnɔ uyo ete, Ewɔŋɔ ke otu mmɔ, enyuŋ edianare eda. Ekunyuŋ etuk ŋkpɔ ndek baba kiet; Ndien nyedara mbufo,

DEUTERONOMY 32:8

Ke ini ata Andikoŋ ɔnɔde mme idut udeme mmɔ, ke ini enye abaharede nditɔ owo, enye onim adaŋa mme idut, nte ibat nditɔ Israel asaŋade.

DEUTERONOMY 33:28

Ndien Israel oduŋ ke ifure ikpɔŋ ke idem esie, idim Jacob oduŋ ke isɔŋ ibokpot ye wine; enyɔŋ esie onyuŋ ɔtɔi mbara.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;