NUMBERS 23:23 - Edisana ñwed Abasi Ibom

²³ Koro idiɔŋ miduhe ke Jacob, mfa inyuŋ iduhe ke Israel; ke ekem ini mmɔ emen se Abasi anamde, etiŋ ɔnɔ Jacob ye Israel.

NUMBERS 23:23 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

ŊWED MME PSALM 31:19

Ufɔn fo okpon didie emi afo onimde ɔnɔ mmɔ eke ebakde fi, onyuŋ anamde ɔnɔ mmɔ eke ebuɔtde idem mmɔ ye afo ke iso nditɔ owo!

ŊWED MME PSALM 64:9

Ndien kpukpru owo edikhe, enyuŋ ebuk utom Abasi: enyuŋ etim efiɔk se enye anamde.

ISAIAH 41:4

Anie ekesin okonyuŋ anam, ke okot mme emana toto ke eritɔŋɔ? ami Jehovah, akpa, emi nnyuŋ ndude ke akpatre; ami ndi Enye.

ISAIAH 44:25

Enye abiat mme idiɔŋɔ mbon nsu, onyuŋ anam mbia-idiɔŋ edama idat; anam mme ɔfiɔk ŋkpɔ owo efiak edem, onyuŋ onim ifiɔk mmɔ ke ndisime:

EZEKIEL 21:21

Koro edidem Babylon adade ke ŋwaŋa-usuŋ, ke ibuot ɔkpɔ-usuŋ iba, ete ibre idiɔŋ; enye enyeŋe idaŋ, obup mme teraphim, ese esit (unam).

DANIEL 9:15

Ke emi ndien, O Ɔbɔŋ Abasi nnyin, emi akadade ɔkpɔsɔŋ ubɔk osio ikɔt fo ke isɔŋ Egypt efep, okonyuŋ ɔwɔrɔde etop, kpa nte mfin emi; nnyin imɔdiɔk, imanam idiɔk.

MICAH 7:15

Kpa nte usen emi afo okotode ke Egypt ke ndiwut enye mme utibe ŋkpɔ.

NUMBERS 24:1

NDIEN adaŋemi Balaam okutde nte Jehovah amade ndidiɔŋ Israel, enye ikaha idiɔŋ, nte akakade ke ini efen, edi owuk iso esie ese wilderness.

MATTHEW 12:25

Edi sia Enye ɔdiɔŋɔde ekikere mmɔ, ɔdɔhɔ mmɔ ete, kpukpru obio edidem eke abaharede ada aŋwana ye idem esie oduk nditaha; kpukpru obio mme ufɔk eke onyuŋ abaharede aŋwana ye idem esie idisɔŋɔke ida.

MATTHEW 12:27

Ndien edieke Ami ndade Beelzebub mbin mme demon nduɔk, nditɔ mbufo eda anie ebin mmɔ eduɔk? Mmɔdo mmɔ edidi mme ebierikpe enɔ mbufo.

MATTHEW 16:18

Ami mmonyuŋ ndɔhɔ fi nte, Afo edi Peter, ndien nyebɔp ufɔk Mi ke enyɔŋ itiat emi, mme inua-etop Hades idinyuŋ ikanke enye.

JOHN 11:47

Ntre ke ikpɔ oku ye mme Pharisee ekot akwa esop ebono, enyuŋ edɔhɔ ete, Inam didie? koro owo emi ke ananam ediwak idiɔŋɔ.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 15:12

Ndien kpukpru owo edobo; mmɔ enyuŋ ekpaŋ utɔŋ enɔ Barnabas ye Paul nte mmɔ ebukde mme idiɔŋɔ ye mme utibe-ŋkpɔ eke Abasi akadade ubɔk mmɔ anam ke otu mme Gentile.

UTOM MME APOSTLE 4:16

Nso ke nnyin idinam ye mmɔ emi? koro kpukpru mme andiduŋ Jerusalem ekut ete mmɔ ema enam utibe-ŋkpɔ emi ɔwɔrɔde etop; nnyin inyuŋ ikemeke ndineni.

UTOM MME APOSTLE 5:12

Edi Abasi ada ubɔk mme apostle anam ediwak idiɔŋɔ ye utibe-ŋkpɔ ke otu mbio-obio: kpukrpu mmɔ enyuŋ ebono ye esit kiet ke Etehe Solomon.

UTOM MME APOSTLE 5:14

ndien mmɔ eke enimde ke akpanikɔ ediana ye Ɔbɔŋ edɔdiɔŋ ewak, mme otu owo, iren ye iban;

ŊWED MBON ROME 16:20

Ndien ibigike bigi Abasi emem eyedigi Satan anuak ke idak ikpat mbufo. Mfɔn Ɔbɔŋ nnyin Jesus akpakam odu ye mbufo.

DEUTERONOMY 3:24

ɔmɔtɔŋɔ ndida ubom fo, ye nsɔŋubɔk fo, ŋwut owo fo: koro ewe Abasi eke ekemede ndinam ŋkem ye utom fo, ye odudu fo, odu ke enyɔŋ, mme ke isɔŋ?

JOSHUA 13:22

Nditɔ Israel enyuŋ ewot Balaam eyen Beor abia-idiɔŋ ke ofut ke otu mmɔ eke ekpaŋade afai.

ERIYARARE 12:9

Ndien esio akwa dragon eduɔk ke isɔŋ, kpa akani urukikɔt oro ekotde enye ete, andidori ikɔt Abasi ikɔ ye Satan, andibiaŋa ofuri ererimbot; esio enye eduɔk ke isɔŋ, enyuŋ esioŋo mme angel esie eduɔŋɔ ye enye.