NUMBERS 23:1 - Edisana ñwed Abasi Ibom

¹ NDIEN Balaam ɔdɔhɔ Balak, ete, Nam itie-uwa itiaba mi nɔ mi, nyuŋ diɔŋ enaŋ itiaba ye okukim itiaba ŋko nɔ mi ke ebiet emi.

NUMBERS 23:1 ပူးပေါင်းရင်းမြစ်များ

2 NDIDEM 18:22

Ndien emi mbufo edidɔhɔde mi, ete, Nnyin ke ibuot idem nnyin ye Jehovah Abasi nnyin, nte idige enye ke Hezekiah okosio mme edikoŋ ebiet esie ye mme itie-uwa esie efep, okonyuŋ ɔdɔhɔ Judah ye Jerusalem, ete, Mbufo ebɔŋ akam ke iso itie-uwa emi ke Jerusalem.

1 CHRONICLES 15:26

Edikem adaŋemi Abasi aŋwamde mme Levite oro ebiomde ekebe ediomi Jehovah, mmɔ ewa enaŋ itiaba, ye okukim erɔŋ itiaba.

2 CHRONICLES 29:21

Ndien mmɔ eda enaŋ itiaba, ye okukim erɔŋ itiaba, ye nditɔ erɔŋ itiaba, ye okpo-ebot itiaba edi ke uwa idiɔk ido itie edidem, ye eke edisana ebiet, ye eke Judah. Enye onyuŋ ɔdɔhɔ nditɔ Aaron mme oku, ete ewa mmɔ ke itie uwa Jehovah.

ŊWED JOB 42:8

Mbufo eda ndien enaŋ itiaba, ye okukim itiaba, ke idem mbufo, ndien eka ke ebiet owo mi Job, ekewa edifɔp uwa ebaŋa idem mbufo; ndien owo mi Job edinam mkpe-ubɔk ɔnɔ mbufo: koro nyekop nnɔ enye: mbak ami ndinɔ mbufo ufen ndisime ido mbufo: koro mbufo mikɔdɔhɔke se inende ibaŋa mi, nte emi owo mi Job.

EXODUS 20:24

Afo edinam itie-uwa ke ntan-isɔŋ ɔnɔ mi, onyuŋ ada edifɔp uwa fo, ye uwa emem fo, ye ŋkpri ufene fo, ye mme enaŋ fo awa ke esit. Ke kpukpru ebiet eke ndinamde owo eti enyiŋ mi, nyetiene fi do, nnyuŋ ndiɔŋ fi.

MME ŊKE 15:8

Jehovah abat uwa mme idiɔk owo ke mbubiam: edi akam mbon eti ido enem enye esit.

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

EZEKIEL 45:23

Ndien ke ofuri usen usɔrɔ mbitiaba ke enye editim edifɔp uwa ɔnɔ Jehovah, enaŋ itiaba ye okukim itiaba eke efɔnde ema ke kpukpru usen mbitiaba kiet kiet; ye okpo ebot uwa idiɔk ido kpukpru usen.

NUMBERS 22:41

Edikem eyo esiere, ndien Balak ada Balaam ɔdɔk ke edikoŋ ebiet Baal, man enye ada do otim okut utit mbio oro.

NUMBERS 23:2

Ndien Balak anam kpa nte Balaam ɔkɔdɔhɔde; Balak ye Balaam enyuŋ ewa enaŋ kiet, ye okukim kiet, ke itie-uwa kiet kiet.

NUMBERS 23:29

Ndien Balaam ɔdɔhɔ Balak, ete, Nam itie-uwa itiaba mi nɔ mi, nyuŋ diɔŋ enaŋ itiaba ye okukim itiaba mi ŋko nɔ mi.

NUMBERS 23:30

Ndien Balak anam kpa nte Balaam ɔkɔdɔhɔde enye onyuŋ awa enaŋ kiet ye okukim kiet ke itie-uwa kiet kiet.

NUMBERS 29:32

Ndien ke ɔyɔhɔ usen itiaba, (mbufo ewa) enaŋ itiaba, ye okukim iba ye nditɔ erɔŋ isua kiet kiet duopenaŋ, eke efɔnde ema:

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

JUDE 1:11

Idifɔnke fɔn inɔ mmɔ! koro mmɔ ekasaŋade ke afaŋ Cain, enyuŋ eduɔkde idem ke nduyo Balaam ke ntak udori, enyuŋ etak ke nsɔŋ-ibuot Korah.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.