NUMBERS 21:34 - Edisana ñwed Abasi Ibom

³⁴ Ndien Jehovah ɔdɔhɔ Moses, ete, Kufehe enye: koro mmada enye, ye kpukpru ikɔt esie, ye isɔŋ esie, nsin fi ke ubɔk; ndien afo eyenam enye kpa nte akanamde Sihon ɔbɔŋ mme Amorite emi oduŋde ke Heshbon.

NUMBERS 21:34 ပူးပေါင်းရင်းမြစ်များ

2 SAMUEL 5:19

Ndien David obup Jehovah, ete, Nte ndɔk ŋka ekɔŋ ye mme Philistine? Nte afo edida mmɔ esin mi ke ubɔk? Ndien Jehovah ɔdɔhɔ David, ete, Dɔk: koro mmenditreke ndida mme Philistine nsin fi ke ubɔk.

1 NDIDEM 20:13

Ndien, sese, prophet kiet aka ke ebiet Ahab edidem Israel, ɔkɔdɔhɔ ete, Ntem ke Jehovah ɔdɔhɔ ete, Ŋkɔm afo omokut akwa otu emi. Sese, nyeda mmɔ nsin fi ke ubɔk mfin emi; ndien afo eyefiɔk ete ke ami ndi Jehovah.

1 NDIDEM 20:28

Ekem owo Abasi oro asaŋa ekpere ɔkɔdɔhɔ edidem Israel, ete, Ntem ke Jehovah ɔdɔhɔ ete, Koro mme Syrian ekedɔhɔde, ete, Jehovah edi abasi ikpɔ obot, edi idige abasi mme itihere, nyeda ofuri akamba udim emi nsin fi ke ubɔk; ndien mbufo eyefiɔk, ete ke ami ndi Jehovah.

2 NDIDEM 3:18

Jehovah onyuŋ abat emi ke ekpri ŋkpɔ: enye eyenyuŋ ada Moab esin mbufo ke ubɔk.

ISAIAH 41:13

Koro ami Jehovah Abasi fo mmumde fi ubɔk nnasia, emi ndɔhɔde fi, nte, Kufehe; ami ŋŋwam fi.

NUMBERS 14:9

Edi mbufo ekutun itun ye Jehovah, ekunyuŋ efehe nditɔ isɔŋ oro: koro mmɔ edi udia nnyin: iberedem mmɔ amakabare ɔkpɔŋ mmɔ, ndien Jehovah odu ye nnyin; mbufo ekufehe mmɔ.

NUMBERS 32:4

kpa mme idut emi Jehovah akasuande ke iso mbon esop Israel, edi isɔŋ ufene, ndien nnyin ikɔt fo imenyene ufene:

DEUTERONOMY 2:30

Ndien Sihon ɔbɔŋ Heshbon ikonyimeke ndiyak nnyin isaŋa ibe enye: koro Jehovah Abasi fo ɔkɔsɔŋde enye ibuot, onyuŋ anamde esit esie edi itun, ete ida enye isin fi ke ubɔk, kpa nte edide mfin emi.

DEUTERONOMY 20:3

yak enye ɔdɔhɔ mmɔ ntem, ete, O Israel, mbufo ekop, mbufo emɔŋ esaŋa ekpere ndiŋwana ekɔŋ ye mme asua mbufo mfin emi: ekuyak esit emem mbufo, ekudikhe ekunyuŋ enyek idem, ekunyuŋ eyak nsia oyomo mbufo ke iso mmɔ;

DEUTERONOMY 3:1

EKEM nnyin iwɔŋɔre idɔk ke usuŋ Bashan: ndien Og ɔbɔŋ Bashan ye kpukpru ikɔt esie ewɔŋɔ, ete idiŋwana ekɔŋ ye nnyin ke Edrei.

DEUTERONOMY 3:11

(Koro Og ɔbɔŋ Bashan ikpɔŋ ɔsuhɔde ke otu mme Rephaim efen; sese, bed esie onyuŋ edi bed ukwak; nte idige enye odu ke Rabbah nditɔ Ammon? uniɔŋ esie edi ibio idomo-okuk usukiet, ubom esie ɔnyuŋ edi ibio idomo-okuk inaŋ, nte idomo owo asaŋade.)

DEUTERONOMY 31:6

Mbufo esɔŋɔ idem, enyuŋ enyene esit, ekudikhe, ekunyuŋ ebak mmɔ: koro edi Jehovah Abasi fo asaŋa ye afo: enye idikpɔŋke fi, idinyuŋ iduɔkke fi.

DEUTERONOMY 7:17

Ke afo edidɔhɔde ke esit fo, ete, Mme idut emi ewak ekan mi; ndikeme didie ndibin mmɔ mfep?

DEUTERONOMY 7:18

Kufehe mmɔ: tim ti se Jehovah Abasi fo akanamde Pharaoh, ye ofuri Egypt;

DEUTERONOMY 7:21

Kudikhe ke iso mmɔ: koro Jehovah Abasi fo odude ke otu fo, akwa Abasi ye Abasi uteŋe.

DEUTERONOMY 7:24

Enye eyenyuŋ emen mbɔŋ mmɔ esin fi ke ubɔk, ndien afo eyesobo enyiŋ mmɔ efep ke idak enyɔŋ: baba owo kiet idikemeke ndida fi ke iso, tutu afo asuan mmɔ.

JOSHUA 10:25

Ndien Joshua ɔdɔhɔ ete, Mbufo ekudikhe, ekunyuŋ eyak esit ɔduɔ mbufo, esɔŋɔ ubɔk, enyuŋ esɔŋɔ esit: koro ntem ke Jehovah edinam ye kpukpru mme asua mbufo eke mbufo eŋwanade ekɔŋ ye mmɔ.

JOSHUA 10:8

Ndien Jehovah ɔdɔhɔ Joshua, ete, Kufehe mmɔ: koro ndade mmɔ nsin fi ke ubɔk; owo mmɔ ndomo kiet idikemeke ndida fi ke iso.

JOSHUA 8:7

Ndien mbufo edaha ke itie udibe, ekeda obio: Jehovah Abasi mbufo eyenyuŋ ada enye ɔnɔ mbufo ke ubɔk.

JUDGES 11:30

Ndien Jephthah akaŋa ɔnɔ Jehovah, ete, Edieke afo edidade nditɔ Ammon

1 SAMUEL 23:4

Ndien David ɔtɔŋɔ ntak obup Jehovah. Ndien Jehovah ɔbɔrɔ enye, ete, Daha ke enyɔŋ suhɔre ke Keilah; koro ami nyeda mme Philistine nsin fi ke ubɔk.