NUMBERS 20:4 - Edisana ñwed Abasi Ibom

⁴ Ndien nsinam mbufo ekedade mbon esop Jehovah edi ke wilderness emi, man nnyin, ye ufene nnyin ikpaŋa ke esit?

NUMBERS 20:4 ပူးပေါင်းရင်းမြစ်များ

ŊWED MME PSALM 106:21

Mmɔ efre Abasi, andinyaŋa mmɔ, emi akanamde ikpɔ ŋkpɔ ke Egypt;

EXODUS 16:3

nditɔ Israel enyuŋ edɔhɔ mmɔ ete, Akpakam ɔfɔn nnyin ndikpa ke ubɔk Jehovah ke isɔŋ Egypt, ke nnyin iketiede ke ɔtɔ eso unam, inyuŋ idiade udia iyuhɔ! koro mbufo emeda nnyin edi ke wilderness emi, ndiwot ofuri udim owo emi ke biɔŋ.

EXODUS 17:3

Ndien itɔŋ mmɔŋ asat mmɔ do; ndien mmɔ esuk Moses uyo, ete, Nsinam afo osiode nnyin ntem ke Egypt ada ɔdɔk ete iwot nnyin, ye nditɔ nnyin, ye ufene nnyin ke nsat-itɔŋ?

EXODUS 5:21

enyuŋ edɔhɔ mmɔ ete, Jehovah osuk ese mbufo, onyuŋ ekpe ikpe: koro mbufo enamde nnyin itebe ke iso Pharaoh, ye ke iso ikɔt esie, enyuŋ esinde mmɔ ofut ke ubɔk ete ewot nnyin.

NUMBERS 11:20

edi ke ofuri ɔfiɔŋ, tutu eyewɔrɔ mbufo ke odudu ibuo, onyuŋ anam mbufo ntek-esit: koro mbufo esuenede Jehovah emi odude ke otu mbufo, enyuŋ etuade eyet ke iso esie, ete, Nsinam nnyin ikɔwɔrɔde ke Egypt?

NUMBERS 11:5

Nnyin imeti iyak emi nnyin iketade ke Egypt ke ikpikpu, ye okokon, ye melon, ye leek, ye oyim ye garlic:

NUMBERS 14:2

Ndien kpukpru nditɔ Israel esuk Moses ye Aaron uyo: ofuri esop enyuŋ edɔhɔ mmɔ, ete, Nnyin ikpekam ikpaŋa ke isɔŋ Egypt!

NUMBERS 16:41

Ndien mkpɔŋ kpukpru mbon esop nditɔ Israel esuk Moses ye Aaron uyo, ete, Mbufo emewot ikɔt Jehovah.

UTOM MME APOSTLE 7:35

Moses emi mmɔ ekesinde, ete, Anie odori fi ete edi andikara ye ebierikpe? kpa enye ke Abasi ɔdɔŋ ete ada ubɔk angel oro okowutde enye idem ke eto edi andikara ye andinyaŋa.

JUDGES 11:16

edi adaŋemi Israel ewɔŋɔde ke Egypt edɔk, mmɔ esaŋa ke wilderness tutu esim ke Ididuot Inyaŋ, ndien esim Kadesh: